Luka 22:52 - Mewar Alqawarang

⁵² Tu̱ Yesu ze kuruku rututundi ndu̱ gorkirku ɓu̱ nu̱ nggu̱ti rafti ɓu̱ Magham ndu̱ ndukkudaandi na ɓa ki ma ku̱s nda za, “Tun a vi ndu̱ kaskarku ndu̱ saɓirku ma ku̱si nga wa nu̱ muuri?

Luka 22:52 ပူးပေါင်းရင်းမြစ်များ

Matta 26:47

A mbu̱ ɓalarang, tu̱ Yakhuda nu̱ke ɗya da chele gwanggu̱m rapndang a ɓa su̱yen ndu̱ tabar nduki khang. Khubtan ku ndu̱ kaskarku ndu̱ saɓirku. Kuruku rututundi ndu̱ dlegumeku ɓu̱ ndukikwang a ru̱kki wora.

Matta 26:55

Ye sarchi nang tu̱ Yesu ze wor za, “Tun a vi ndu̱ kaskarku ndu̱ saɓirku ma ku̱si nga, nga nu̱ yetar njiva mu? Yang aa nyi fu̱ɗa nga mbu̱ Rafti ɓu̱ Maghamang nga shogaran ɓara yang nun ku̱si nga ɓa.

Luka 22:37

Nga zu̱ran ye nu, a nje bu̱laran mbu̱ lagarkati ɓu̱ Magham za, ‘Wa shiga nda nu̱ mbu̱ nu̱ solarku’ Yang kap ɗyi nu̱ zu̱ki nu̱ ɗyina ka nyedli. Wanang ni, ɗyi nu̱ annabikwang zu̱ki ɗyina kap a nyedli.”

Luka 22:4

Tu̱ ji tu̱ ɗu̱ she kuru rututundiku ndu̱ gorkirku ɓu̱ nduki nu̱ka nggu̱tki rafti ɓu̱ Maghamang, ta shi sawari ku ɗyine njiv nu̱ke chin ka masaki Yesu ɓar ye wora.

Luka 22:51

Tu̱ Yesu wu wor za, “Njig ma.” Tu̱ su̱ɓa dlu̱mndi khuskyang tu̱ shaana nda nu̱ gha.

Luka 22:53

Yang nga su̱yen ndu̱ tun aakochi mbu̱ rafti ɓu̱ Magham nun ku̱si nga ɓa. Yang ba, nang ke sarchi ɓaanu, sarchi zalale ɓu̱ nu̱ kwaaɗarku nu̱ke a mbu̱ zhumi.”

Yokhana 17:12

Sarchi nu̱ke nga su̱yen ndu̱ wora, nga bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya. Nga bu ɗyin wora, yang nduk a nje nu̱ saghaki ɓa kope nduk da chele ɓaanda nu̱ke ɗya ye su̱bu̱ri. Sagha ma ku̱ bu̱lar ɓalar ɓu̱ Maghamang nyedli.

Tlu̱nar ɓu̱ Pudeku 5:26

Tu̱ nu̱ nggu̱ti rafti ɓu̱ Magham su̱yen ndu̱ gorkirku ɓaanda ɗu̱ tu̱ ɗa ɓa ndu̱ Pudekwang, yang nu̱ ranna wor ɓa ku̱me a sawa ku̱ ndukyang mbuk wor ndu̱ ndogdiku ɓa.