Luka 22:43 - Mewar Alqawarang

⁴³ Tu̱ nu̱ ru̱kti ɓu̱ Magham a ɓa viɗi tu̱ pa du̱mbu̱r yenda.

Luka 22:43 ပူးပေါင်းရင်းမြစ်များ

Matta 26:53

Tamandi ɓaanu zalala khara ku̱ khuɗ nga shaata kha Zhinkir ɓanga fan ndu̱ fan ku̱ ɗa ru̱k ndu̱ nu̱ ru̱ktiku ɓaran ya, dukti sange sojeku gwanggu̱m rap ɓa goma?

Matta 4:11

Kom tu̱ Sheɗan njigti nda, tu̱ nu̱ ru̱ktiku ɓu̱ Magham a ɓa tu̱ shi shaatar yenda.

Matta 4:6

Tu̱ ze nda za, “Mbu̱ to Yi ɓu̱ Magham, ku̱m ji to nggu̱ɗ yaghai, ku̱me a nje bu̱laran za, ‘Chin ka ze nu̱ ru̱ktiku ɓaran ku̱ kangga ku, ka gaɗa ndu̱ khar wora ku̱me ghwat na saaror nu̱ ve ndooga ɓa.’ ”

Luka 22:32

Yang nga shi barar yoro ma ku̱ maito ɓa kata ɓa. Mbu̱ ta nggoɗ ta gaɓ nu̱ sha yang, to ɓa vu̱r shokhku̱rokh me bu̱n ye nyeezoro.”

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Tlu̱nar ɓu̱ Pudeku 18:23

Nu̱ qanki koɗom nje tu̱ ji tu̱ baara mbu̱ dlar ghai Galatiya ndu̱ Pargiya a mbu ghai ghai a pa du̱mbu̱r ye nu̱ mbu Yesu ku.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Yibraniyeku 1:14

Yang shwat ɗa, nu̱ ru̱ktiku ɓu̱ Magham ɗya jiimbiku nu̱ tlu̱nar ku ma shaata nduki nu̱ke a ma zu̱m ɗye mbu̱ ge ɗanar ɓa goma?

Yibraniyeku 1:6

Yang tu̱k sarchi nu̱ke Magham a ru̱k Ye Gomir ɓaran nu̱ mbu̱ larji, tu̱ zu̱ za, “Bu ku̱ nu̱ ru̱ktiku ɓu̱ Magham kap ghar ghai yenda.”

Yibraniyeku 2:17

Nang ke ɗyi nu̱ saki tu̱ gaɓ ndu̱ chin tu̱ kha wa nyeezan ve aa nyi njiva. Ma ku̱ kha ma kuru gwaanji ɓu̱ Magham. Nu̱ shir zhire, nu̱ nar zhiyaye tu̱k mbu̱ tlu̱nar nu̱ke a shiran ye Magham. Ma ku̱ kha nji ma sadke nu̱ dlaki quran ma da shipiti taɗar solar ɓu̱ nduki ye ɗyinan.