Luka 21:36 - Mewar Alqawarang

³⁶ Tun kha daasaran ɗo, tun a barar aakochi ku̱me gwa nu du̱mbu̱r lawar mbe ɗyiku nu̱ke a ma shir nang, tun ɗu̱ma chingndi gha gume Yi ɓu̱ Nduk tu̱k.”

Luka 21:36 ပူးပေါင်းရင်းမြစ်များ

Matta 24:42

“Ku̱me nang, tun kha daasaran, ku̱me nun zu̱n fu̱ɗar nu̱ke Zhinonu gwaanji kaɗa ɓa ki ɓa.

Matta 24:43

Yang zu̱n ma nang, mbu̱ nu̱ rafa wa zu̱n sarchi nu̱ke nu̱ muuri kaɗa ɓa ki mbu̱ virkir, tu̱ga ɓu̱ zhi ɗyeni ɓa, yang ɓu̱ njig ku̱ nduk vi yenda nu̱ mbu̱ raftang ɓa.

Matta 24:44

Wanang tu̱k, tun kha daasaran ku̱me sarchi nu̱ke nun taman ɓa, Yi ɓu̱ Nduk ka ɗa gaɓi.

Matta 25:13

“Ku̱me nang tun kha daasaran, ma nu̱ke nun zu̱n fu̱ɗaran ɓa yang sarchi ni ɓa.

Matta 26:41

Shi ma buuri, tun shi barar tu̱k ku̱me nggu̱ɗ nun mbu̱ buuri ɓa. Jiimba wa tlogha ya, yang man vara khukhutan.”

Matta 8:20

Tu̱ Yesu ze nda za, “Gwa kha birimbirimku, aa ɗyikhtiku nu̱ viɗi pugdi a nje kha wora, yang Yi ɓu̱ nduk maa qan khanda ɓa.”

Markus 13:33

Shi ma nggu̱ti, tun shi buuri su̱yen ndu̱ barari ku̱me nun zu̱n sarchi nang ɓa.

Markus 13:37

Ɗyi nu̱ke ngaa zu̱ran ye nu nang, nga zu̱kya ye aaki, daasa ma vaanu nu̱ gha!

Luka 1:19

Tu̱ nu̱ ru̱kti ɓu̱ Maghamang ze nda za, “Nga ke Jibu̱railu nang ka chingki gha gume Magham. Magham a ru̱kki nga ma zu̱ labar mu̱nkandi nang yoro.

Luka 18:1

Tu̱ Yesu shi ku̱rti ɓalar nggur ye nu̱ mburindakwang ma ku̱ shoga ku za wa shipa ku̱ ki bararku aakochi yang ku̱ nggum ndu̱ shiran ku zum ɓa.

Luka 20:35

Yang nduki nu̱ khu̱lki ma gwa jiiri mbe mu̱ti ndu̱ khar mbu̱ fu̱ɗar naandang sar da ɓu̱ shi ɓu̱rti ku tu̱k ɓa, yang ɓu̱ ɓu̱r ɓar tu̱k zum ɓa.

Luka 21:35

Ji fu̱ɗar nang ka ɗa ɓa nu̱ ɗyine aaki mbu̱ larji nang.

Tlu̱nar ɓu̱ Pudeku 10:2

Yang ɗya nu̱ sawar Magham chin ndu̱ rafti ɓaran kap. Wa ka shaata Yakhudeku nu̱ke nungndan maɗyi, wa ka shi barar ye Magham aakochi.

1 Korintiyeku 16:13

Kha ma daasaran, tun ching gha shaanggu̱ɗang mbu̱ maito ɓaanu, tun kha wang, ndu̱ du̱mbu̱r tu̱k.

2 Korintiyeku 4:14

Jiwa chem wa zu̱n nu̱ ɗyine Magham nu̱ jiiki ndu̱ Zhinerem gwaanji Yesu ɓar mbe mu̱ti, ka ji ndu̱ chem ɓar su̱yen ndu̱ Yesu, tu̱ ɗa ɓa ndu̱ chem gume nda su̱yen ndu̱ tunu.

Kolosiyeku 4:2

Ching ma nu̱ ɗyine barari, tun kha vaanu buran, tun a wut kunar ɓaanu ye Magham.

1 Tasalonikeku 5:17

Tun ki barar laada su̱ ɓa.

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

1 Biturus 4:7

Lauɗarsi aa nu̱m wa shi bing. Ku̱me nang shi ma nggu̱ti mbari, tun ku̱r vaanu. Ku̱me ku̱ ɗu̱ma nu tun shi barari.

1 Biturus 5:8

Ku̱s ma vaanu ye yen, tun kha daasaran. Wonji nu̱ zhangndi ɓaanu Sheɗan a paɗari, a quri wa mu̱zamndi, a laɓ njif nu̱ke chin ka njerki nu̱ gha ma njiiran.

1 Yokhana 2:28

Leendang, tun qusonggi ɓang nu̱ke nga ndolaran zu̱m ma guma ndu̱ khar mbe Masiya, ku̱me fu̱ɗa ɓar ɓaran chem ɓu̱ tu̱k kawa ɓa chem ka kha ndu̱ shokhku̱rokh memu̱na gume nda.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.

Ɗyin mbu̱ tukari 11:4

Saiduku rapndi nang wor ke qu̱far Zaitun ku rap ndu̱ tokhol ɓai ku rap nu̱ke a nje chingndan gume Zhinkir gwaanji ɓu̱ larji kap.

Ɗyin mbu̱ tukari 6:17

Jiwa fu̱ɗar gwaanji nu̱ shokhnar ɓaanda a ɓa, yang ki ka ɗu̱maki chingndi gha?”

Ɗyin mbu̱ tukari 7:9

Qu̱rse nang, nang nggu̱tki tang na tabar ɓu̱ nduki khang ku̱na shiga. A vi mbu̱ aa nyi pooni dlar maa ku, ndu̱ pooni nduki, ndu̱ nduki, ndu̱ me ghaiku, chingndan gha ku gume zhakhɗyang kom ndu̱ gume Ye gamndang. Wa sa luktiku ɓongndi, khubtan nu̱ me bu̱n qu̱far jipu̱no mbu̱ khar wora.

Ɗyin mbu̱ tukari 8:2

Kom tang na nu̱ ru̱kti ku ɓu̱ Magham mutndikwang chingndan gha ku gume Magham, tu̱ yang vu̱r domndiku mut ye wora.