Luka 21:35 - Mewar Alqawarang

³⁵ Ji fu̱ɗar nang ka ɗa ɓa nu̱ ɗyine aaki mbu̱ larji nang.

Luka 21:35 ပူးပေါင်းရင်းမြစ်များ

Luka 17:37

Tu̱ nu̱ mburindakwang zham nda za, “Zhinerem Gwaanji, ɗyi nang ka shi fu̱na?” Tu̱ Yesu ze wor za, “Kap maa nu̱ke liipe a nje gochikku ka taba nu̱ nje.”

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

Luka 21:36

Tun kha daasaran ɗo, tun a barar aakochi ku̱me gwa nu du̱mbu̱r lawar mbe ɗyiku nu̱ke a ma shir nang, tun ɗu̱ma chingndi gha gume Yi ɓu̱ Nduk tu̱k.”

Tlu̱nar ɓu̱ Pudeku 17:26

Chin shiki nduk kap nu̱ ku̱nshe nduk da, ma ku̱ khan mu̱na larji, chin shiki lauɗar su̱ sarchi nu̱ke ku̱ shi ku, kom ndu̱ ye maa nu̱ke aa nyi pooni nduk ka khaki nje.

Ɗyin mbu̱ tukari 16:15

“Wonji, nga ɓar wa nu̱ muuri! Barkya ve njif nu̱ khaaki daasaran nu̱ ɗye sarku ɓaran khanda, ma ku̱ shi nji yir san nggaran chin tu̱k kawa chele ndukiku ɓa!”