Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luka 21:19 - Mewar Alqawarang

19 Mbu̱ tun wa gu̱n memu̱na nu nyifi ɓaanu ka ɗana.

အခန်းကိုကြည့်ပါ။ ကော်ပီ




Luka 21:19
26 ပူးပေါင်းရင်းမြစ်များ  

Nduki kap ka zhangndonu ku̱me nga, yang njif nu̱ kanaɗaki ma khu̱dli ye lauɗar san ka ɗana.


Yang kap njif nu̱ kanaɗaki ma yir ve lauɗarsan ka ɗana.


Wor nu̱ ku̱ɗbaki nu̱ mbu̱ ghai mbarkandang yang wor ke nduki nu̱ tu̱kki ɓalar ɓu̱ Magham, tu̱ khuɓ nu̱gha ku mbari ndu̱ memu̱na wor da, tu̱ daa kanaɗyi ku tu̱ vu̱r boota.


Jiwa kap ɗyi nu̱ bu̱laki zhu mbu̱ bu̱lar Ɓalar ɓu̱ Magham bu̱la ma shoga tun yerem. Ma ku̱ kha mi ndu̱ sar memu̱na mbe kaɗanyi, ndu̱ par du̱mbu̱r nu̱ke bu̱lar Ɓalar ɓu̱ Magham a vu̱rtan yerem ku̱me gwami sar memu̱na.


Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.


Yang nu̱ ching ye nang ɗyenda ɓa, chem a zhakhzhakh tu̱k mbu̱ bonye ɓaarem, nu̱ke chem wa zu̱n nu̱ ɗyine bonye wa ka sa gu̱ndi memu̱na.


Yang gu̱ndi memu̱na wa ka sa ɗye shir ɓaarem tu̱ kha mbari, ɗye shir mbarkandi wa ka sa chem kha ndu̱ sar memu̱na.


Yang mbu̱ chem wa sa memu̱narem nu̱ ɗyine ɗyi nu̱ke nyem gwa dong ɓa, ai, chem wa ka bu ndu̱ kaɗanyi.


Chem a kor tlu̱nar maito ɓaanu gume Maghamndi ɓaarem, ndu̱ Zhinkir ɓaarem, ndu̱ wute nu̱ke tun a san ku̱me ndola. Kom ndu̱ sar memu̱nar mbe kanaɗyi ku̱me sar memu̱nar nun shiki ɗyine Zhinerem gwaanji Yesu Masiya aakochi.


Bu ku̱ Zhinerem gwaanji mbu ndu̱ tun mbe ndolar ɓu̱ Magham nang, tun ching gha shaanggu̱ɗang mbe du̱mbu̱r ɓu̱ Masiya.


Wa shipa tun gu̱n memu̱na nu, ku̱me shir wanang ka sa tun shi shimndi ɓu̱ Magham, qu̱rsan tun gwa ɗyi nu̱ shiki alqawaranang.


Chem a shim ku̱ aaki zu̱m guma ndu̱ shiran wanang ma yir ve lauɗar san, ma ku̱ nyel nu ɗyi nun saki memu̱na nu nu̱ ɗyinanang.


Qu̱rse Yibram wa gu̱n memu̱naran ndu̱ kaɗanyi maɗyi, wa dlu̱ ɗyi nu̱ shiki alqawaran yendang.


ku̱me tun wa zu̱n nu̱ ɗyine bonye nang a shim nakya du̱mbu̱r maito ɓaanu, ma ku̱ sa kaɗanyi ɓaanu ku̱ shaata.


Yang njig ma ku̱ kanaɗyi ɓaanu shi tlu̱nar ɓaran, tu̱ sa nu tun kha ɗyinonu ku̱san tun kha nyeedlan tu̱k nun mbu̱ɗ aa nu̱m ɓa.


Ɗyine zu̱ndi ɗyiku ɓu̱ Magham tun shaata ku̱si ɗyini. Tun shaata gu̱ndi memu̱nar nu̱ ɗyine ku̱si ɗyinang. Tun shaata sawar Magham nu̱ ɗyine gu̱ndi memu̱narang.


Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.


Njif nu̱ shimki nda ndu̱ tlu̱nar maava, ka ɗu̱kya ndu̱ chin ma tlu̱nar maava. Njif nu̱ shimki ku̱ tlagha nda nu̱ gha ndu̱ kaskari, ka tlagha nda ndu̱ kaskari. Ɗyinang a shimkya daati ɓu̱ Magham ku̱ kha nu̱ kanaɗyi ndu̱ gu̱ndi memu̱nar du̱mbu̱rkandi ndu̱ maito ɓu̱ nu̱ mburi Magham.


Nang a shimkya kanaɗyi mbe gu̱ndi memu̱nar du̱mbu̱rkandi ɓu̱ nduki ɓu̱ Magham, nu̱ke a mbu bibiti ɓaran, a khar zhire mbe maitar Yesu nu̱ shiki ku.


Nu̱ke ta khutlo ɓalar ɓanga mbe gu̱ndi memu̱nar mbe kanaɗyi no shiki, ngga kangga mbe sarchi bonye nu̱ke a ɓari ɗyine larji ma buu nduki nu̱ke a mban.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ