Luka 2:14 - Mewar Alqawarang

¹⁴ “Zhaaji ye Maghamndi nu̱ viɗi, mbu̱ larji yang ku̱ nduki nu̱ Magham tu̱kki mu̱ndi ɓaanda kha ndu̱ qaandi memu̱na.”

Luka 2:14 ပူးပေါင်းရင်းမြစ်များ

Matta 21:9

Tu̱ nduki nu̱ke a guma ndu̱ gana da su̱qura wor nu̱ viɗi a zu̱ran ku za, “Zhaaji ve Yi ɓu̱ Dauda! Chin nu̱ke a ɓar mbu̱ dlu̱m Zhinkir gwaanji ɗya nu̱ barka! Zhaaji ve Magham nu̱ viɗi!”

Luka 1:79

ma vu̱r yarang ye nduki nu̱ke kharan mbu̱ zhumi, ndu̱ jiimbi mu̱ti. Ka khutlo saarerem ku̱ mbu njiv nu̱ke qaandi memu̱nar a si.”

Luka 19:38

Tu̱ ku̱s zu̱ran ku, za, “Barkya ve kuji nu̱ke a ɓar mbu̱ dlu̱m Zhinerem gwaanji, qaandi memu̱nar a mbu̱ viɗi ndu̱ zhaaji ye Magham nu̱ viɗi.”

Luka 2:13

Tu̱ tabar nu̱ ru̱ktiku ɓu̱ Magham a zhur mbu̱ viɗi tu̱ gor dlu̱m Magham ku su̱yen ndu̱ nu̱ ru̱kti ɓu̱ Magham nu̱ gumapaalyang. A zu̱ran ku za,

Luka 2:15

Gaanje nu̱ ru̱ktiku ɓu̱ Magham wa gaɓ vaanda nu̱ viɗi, tu̱ nu̱ khutlo kwang ze yen ku za, “Ɗyem Baitalami chem a na ɗyi nu̱ Magham zu̱ki yeremang.”

Luka 3:22

Tu̱ Jiimbi ɓu̱ Magham a shur nu̱ ɗyine nda wa mboole. Tu̱ ɓalar a vi viɗi za, “To Yi ɓanga ngaa ndola ro, Nga tu̱k mu̱ndi ɓaaro maɗyi.”

Yokhana 14:27

“Nga njig kharmu̱ndi ɓang ye nu. Nga vu̱rkya kharmu̱ndi ɓang ye nu. Nang vu̱r ye nu wa nu̱ke larji ka vu̱rki ɓa. Damta nu ɓa, yang tu̱k nu sawa zum ɓa.”

Yokhana 17:4

Nga vu̱r zhaaji yor mbu̱ larji ku̱nshe shir tlu̱nar no vu̱rki ya.

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Tlu̱nar ɓu̱ Pudeku 10:36

Tun wa zu̱n labar nu̱ Magham ru̱kki ye nduki nu̱ Israila, nu̱ zu̱ki Labar Mbarkandi nu̱ qaandi memu̱nar nu̱ ku̱nshe Yesu Masiya chin ke Zhinkir ɓu̱ aaki.

Romeku 5:1

Nu̱ke chem wa kha waare sola gume Magham nu̱ ku̱nshe maito, chem wa gwa qaandi memu̱na chele ɓaarem ndu̱ Magham nu̱ ku̱nshe Zhinerem gwaanji Yesu Masiya.

Afiseku 1:6

Shi wanang ma ku̱ kuna mi zhaaji ɓu̱ mu̱nkir ɓaran nu̱ vu̱rki yerem mu̱nki ndu̱ yele tu̱k nu̱ ku̱nshe Yi ɓaran nu̱ke a ndolaran.

Afiseku 1:9

Tu̱ Magham sa chem zu̱n shimndi ɓaran tukakandi ɗyine ɗyi nyin ku̱rki, tu̱ yang nyel nda nu̱ ku̱nshe Masiya.

Afiseku 2:4

Yang Magham ɗya nu̱ nar zhiyaye maɗyi, ndolar ɓaran yerem khang maɗyi,

Afiseku 2:7

Yang Magham shi nang ma ku̱ wut mu̱nkir ɓaran nu̱ke koɗokhsi ɓa ye aa nyi sarchi nu̱ke a ɓari. Wut mu̱nkir ɓaran nang, mbe Masiya Yesu.

Filipiyeku 2:11

Aa nyi ghin ka saida za Yesu Masiya ɗya Zhinerem gwaanji, ma vu̱r zhaaji ye Magham Zhinki.

Filipiyeku 2:13

Jiwa Magham kya tlu̱nar mbu̱ memu̱na nu, viɗ ɗyine ku̱rti shimndi ɓaran, ma ku̱ shi nu ɗyi nu̱ dlu̱ki mban.

Kolosiyeku 1:20

Magham somta ɗyi nyin shiki kap ye varan nu̱ ku̱nshe Woyang. Somta ɗyiku nu̱ke a viɗi ndu̱ vu̱ghai ye varan nu̱ ku̱nshe tom nu̱ Yi ɓaran mbu̱ɗki ɗyine qu̱far kaatlang.

2 Tasalonikeku 2:16

Bu ku̱ Zhinerem gwaanji Yesu Masiya ndu̱ ɗyinan, ndu̱ Magham Zhinkir ɓaarem, nu̱ke a ndolarem, vu̱r shokhku̱rokh me bu̱n yerem nu̱ke nu̱ka shi woɗa ɓa, ndu̱ sar memu̱nar mbarkandi nu̱ ku̱nshe mu̱nkir ɓaran.

Ɗyin mbu̱ tukari 5:13

Tang tu̱k aa nyi tun nu̱ Magham shiki mbu̱ viɗi ndu̱ vu̱ghai, ndu̱ mbu̱ vu̱ghai, ndu̱ mbu̱ gaawu gwaanji, ɗyiku nu̱ nyifiri nu̱ke a mbu̱ maaku nang kap a qa taazi ku. A zu̱ran ku za, “Ma yir she njif nu̱ke kharan ɗyine zhakhɗyang nu̱ Ye gamndang. Bu ku̱ khamndi, ndu̱ gorkiri, ndu̱ zhaaji, ndu̱ zalale, kha nda aakochi koɗokhsi ɓa!”