Luka 2:13 - Mewar Alqawarang

¹³ Tu̱ tabar nu̱ ru̱ktiku ɓu̱ Magham a zhur mbu̱ viɗi tu̱ gor dlu̱m Magham ku su̱yen ndu̱ nu̱ ru̱kti ɓu̱ Magham nu̱ gumapaalyang. A zu̱ran ku za,

Luka 2:13 ပူးပေါင်းရင်းမြစ်များ

Luka 15:10

Nga maataran ye nu, wanang tu̱k nu̱ ru̱ktiku ɓu̱ Magham a kashari ɗyine aa nyi nu̱ solar da nu̱ tubaki.”

Luka 2:12

Tun ka nan ve nang, mbu̱ tun wa ɗi, tun ka gwa woi ɗyikhlaran mbu̱ kapari qaandan mbu̱ ɗye zu̱r ɗye zu̱mndi ye ɗye nggarku.”

Luka 2:14

“Zhaaji ye Maghamndi nu̱ viɗi, mbu̱ larji yang ku̱ nduki nu̱ Magham tu̱kki mu̱ndi ɓaanda kha ndu̱ qaandi memu̱na.”

Afiseku 3:10

Ɗya shimndi ɓaran leendang, ku̱ tabar ɓu̱ nu̱ mbu Yesu wut kaɗari ɓu̱ Magham zum zum ye nu̱ kwaaɗarku ndu̱ nu̱ zalaleku nu̱ke a mu̱na viɗi.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Yibraniyeku 1:14

Yang shwat ɗa, nu̱ ru̱ktiku ɓu̱ Magham ɗya jiimbiku nu̱ tlu̱nar ku ma shaata nduki nu̱ke a ma zu̱m ɗye mbu̱ ge ɗanar ɓa goma?

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

Ɗyin mbu̱ tukari 5:11

Nang nggu̱tki, tang tu̱k su̱qur nu̱ ru̱ktiku ɓu̱ Magham khang nu̱ dukki aru ndu̱ aru ndu̱ aru ku̱na shiga. Chingndan ku wa kara zhakhɗyang, su̱yen ndu̱ nu̱ nyifi kwang, ndu̱ ndukkudaandikwang,