Luka 19:47 - Mewar Alqawarang

⁴⁷ Tu̱ Yesu ki shogar aa nyi ɗaatli ma mbu̱ Rafti ɓu̱ Magham, yang kuruku rututundi ndu̱ Maalu̱m Taurete ku ndu̱ dlegumeku nu̱ke a chele ndukyang, ki konyi gwanda njiv nu̱ke wor ka tlaghaki nda.

Luka 19:47 ပူးပေါင်းရင်းမြစ်များ

Matta 21:23

Nu̱ Yesu viki nu̱ mbu̱ Rafti ɓu̱ Maghamang a shogar ye nduki tu̱ kuruku rututundi ndu̱ dle gume ɓu̱ Yakhudekwang a ɓa ku she nda. Tu̱ zham nda ku za, “Ɗyi nu̱ke ta shiran ku nang, ta shiran ndu̱ nyi zalalya, yang ki vu̱rki zalale shiran yora?”

Matta 26:55

Ye sarchi nang tu̱ Yesu ze wor za, “Tun a vi ndu̱ kaskarku ndu̱ saɓirku ma ku̱si nga, nga nu̱ yetar njiva mu? Yang aa nyi fu̱ɗa nga mbu̱ Rafti ɓu̱ Maghamang nga shogaran ɓara yang nun ku̱si nga ɓa.

Markus 11:18

Nu̱ kuruku rututundi kwa ndu̱ Maalu̱m Taurete ku tu̱kki tu̱ nggasi laɓ njiv nu̱ke wor ka tlaghaki nda. Kha a sawa nda ku ku̱me ndukiku kap a lazham pooni shogar ɓaran.

Markus 12:12

Tu̱ dle gume ɓu̱ Yakhudekwang laɓ njiv nu̱ke wor ka ku̱s ki nda, ku̱me wa zu̱n ku za a ku̱r ɓalarang nu̱ ve wora, tu̱ yang tu̱k sawar ɓu̱ ndukikwang tu̱ njig nda ku tu̱ ɗu̱ vaanda.

Markus 14:1

Wa njig kya qaandi rap ma ku̱ tabar peetar ɗyin ndu̱ tabar ɓurti tolir nu̱ke yis su̱ ɓa a khu̱dli. Yang kuruku rututundi ndu̱ Maalu̱m Taurete kwang nggu̱t njiv nu̱ke wor ka ku̱ski Yesu mbu̱ tuka, ku̱me tlagha nda nda nu̱ gha.

Markus 14:49

Ai aakochi ngaa su̱yen ndu̱ tunu mbu̱ Rafti ɓu̱ Magham, nga shogar ye nu yang nun ku̱si nga ɓa, yang wa ku̱s ku̱ bu̱lar ɓalar ɓu̱ Magham nyedli.”

Luka 19:48

Yang nu̱ gwa njiv shiran ku ɓa ku̱me aakya shim tu̱k ɓalar ɓaran maɗyi.

Luka 20:19

Tu̱ Maalu̱m Taurete ku ndu̱ kuru rututundikwang laɓ njiv nu̱ke wor ka ku̱ski Yesu waare su̱bu̱rti sarchi, ku̱me wa zu̱n ku za ku̱rti ɓalar nu̱ Yesu zu̱kya a shiran ndu̱ wora tu̱ yang tu̱k sawar ɓu̱ ndukiku.

Yokhana 10:39

Tu̱ shi ku tu̱k ma ku̱s nda, yang nu̱ gwa tu̱ ku̱s nda ku ɓa.

Yokhana 18:20

Tu̱ Yesu tlogha ye wor za, “Ai, nga shi ɓalar ye larji ye dalangi gume aaki, nga shogar ye nduki aakochi mbu̱ maa tabar ɓaanu ndu̱ mbu̱ Rafti ɓu̱ Magham, ye maa nu̱ke Yakhudeku ka tabaki. Sar da nang zu̱ ɗyi nggur mbu̱ tuka ɓa.

Yokhana 7:19

Woɗye Musa vu̱rki woparang ye nu de? Yang kap ndu̱ nang aa da nduk a nje nu̱ka khutloki Woparang chele ɓaanu ɓa. Yang nu̱m saki tun a shim tlagha nga?”

Yokhana 7:44

Tu̱ ɓeenan shim ku̱si nda, yang nduk a nje nu̱ su̱ɓaki nda ɓa.