Luka 18:23 - Mewar Alqawarang

²³ Nu̱ tu̱kki ɓalar nang, tu̱ memu̱naran su̱bu̱r maɗyi ku̱me gu̱naran maɗyi.

Luka 18:23 ပူးပေါင်းရင်းမြစ်များ

Matta 19:22

Nu̱ nyakhtlirang tu̱kki wanang, tu̱ ɗu̱ varan ndu̱ su̱bu̱rti memu̱na, ku̱me ɗya nu̱ gu̱na maɗyi.

Markus 10:22

Tu̱ su̱bu̱r mbi yitan nu̱gha ku̱me ɓalar nang, tu̱ yang ɗu̱ varan memu̱naran su̱bu̱rtan ku̱me gu̱naran maɗyi.

Luka 12:15

Tu̱ zu̱m guma ndu̱ zu̱ran ye wor za, “Ku̱r ma vaanu, ka shi nu khape ɓa, aa gu̱nar ɓu̱ nduk khang wa nu̱m, chin ke nyifi ɓaran ɓa.”

Luka 18:22

Nu̱ Yesu tu̱kki wanang, tu̱ ze nda za, “Ta mbu̱ɗ tun da nu̱ke no shi ɓa. Moso ɗyi nu̱ke a kha ɓar kap to vu̱r mu̱zhindan ye nu̱ nungndiku. To ka gwa du̱ngndi gu̱nar no shikyang mbu̱ viɗi. Kom to ɗa gaɓ to mburi nga.”

Luka 18:24

Nu̱ Yesu naki memu̱naran wa su̱bu̱ri tu̱ zu̱ za, “Ka shi shar maɗyi ku̱ nu̱ gu̱na vi nu̱ mbu̱ kwaaɗar ɓu̱ Magham!

Luka 19:8

Tu̱ yang Zakka ji tu̱ ching gha tu̱ ze Zhinerem gwaanji za, “Zhinerem gwaanji tu̱ku! Ba fan meeni, ngga vu̱r bindi gu̱nar ɓang ye nu̱ nungndiku, mbu̱ yang nga shi batal ye njif nggur ɗyine ɗyi ngguri, ngga gaɓ ndu̱ khwaatan yenda sar vat.”

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

Luka 8:14

Pooni nu̱ ku̱ɗbaki nu̱ ɓere njekhtikwang a khar wa nduki nu̱ tu̱kki, yang qan tu̱ ji kwaari ɗyin larji ndu̱ kaalar gu̱na, ndu̱ shimndi tu̱kti mu̱ndi larji tu̱ nggu̱tl wor shir ɗyi mbarkandi.

Afiseku 5:5

Tun wa zu̱n nu̱ ɗyine shwat, nu̱ zawa, ndu̱ nu̱ tlu̱nar zop, ndu̱ me khape (nu̱ke chin ndu̱ nu̱ ghaari ghai ye mu̱lu̱m da ku), ɓu̱ gwa maa mbu̱ kwaaɗar ɓu̱ Masiya ndu̱ ɓu̱ Magham, sar da ɓa.

Filipiyeku 3:8

Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

1 Yokhana 2:15

Ndola nu larji ɓa, yang aa nyi ɗyi nu̱ke a mban zum ɓa. Kap njif nu̱ke a ndola larji, ndolar Zhinkirang a nje mbe nda ɓa.