Luka 18:14 - Mewar Alqawarang

¹⁴ “Nga zu̱ran ye nu, njif nang, gaɓki nu̱ kaari nu̱ gwar yaapar she Magham, yang Parise nang nu̱ gwa aa nu̱m ɓa. Aaki daki ɗyinan ma ɗyi ngguri ka gaɓ ndu̱ chin ma aa nu̱m ɓa, yang njif nu̱ kataki ɗyinan nu̱ gha, ka vu̱r gorkir yenda.”

Luka 18:14 ပူးပေါင်းရင်းမြစ်များ

Matta 23:12

Kap nu̱ gwaari ɗyin, ka gaɓ ndu̱ chin ma aa nu̱m ɓa. Yang kap njif nu̱ gaɓki ndu̱ ɗyinan ma aa nu̱m ɓa, ka vu̱r gorkir yenda.

Matta 5:3

Tu̱ ku̱s zu̱ran za, “Barkya ve nduki nu̱ zu̱nki katar ɓaanda mbu̱ jiimba, ku̱me kwaaɗar ɓu̱ Magham ɗya ɓaanda.

Luka 1:52

Wa fed kujiku ɓar mbu̱ kwaaɗar ɓaanda, tu̱ na zhaaji ɓu̱ nduki nu̱ke ndu̱mndan ku̱me ɗya aa nu̱m ku ɓa.

Luka 10:29

Yang ku̱me a shim lawa ɗyin varan nu̱ njifang, tu̱ zham Yesu za, “Ki ke nu̱ bing ɓanga?”

Luka 14:11

Ku̱me kap njif nu̱ daki ɗyinang ma ɗyi ngguri, ka gaɓ ndu̱ chin ma aa nu̱m ɓa, yang njif nu̱ kataki ɗyinan nu̱gha ka gwa gorkiri.”

Luka 16:15

Tu̱ yang Yesu ze wor za, “Tun kya shim wutan ye nduki za tun nu̱ jeembu, yang Magham wa zu̱n memu̱na nu. Ɗyi nu̱ke nduki a shimndan maɗyi ɗya ɗye zhaana she Magham.

Romeku 3:20

Jiwa nduk a nje nu̱ke ka khaki waare sola gume Magham nu̱ ku̱nshe mbu ɗyi nu̱ Bibitang zu̱ki ɓa, ku̱me Bibitang a wutkya solar ɓaarem yerem.

Romeku 4:5

Yang njif nu̱ke nu̱ dla varan nu̱ ve tlu̱nar ɓaran ɓa, tu̱ yang dla varan nu̱ ve Magham, chin nu̱ka saki nduki nu̱ke ɗye shir ɓaanda ɗya ɓu̱ Magham ɓa, ku̱ kha waare zop gume ndang. Maito ɓu̱ njif nang wa kha ma dambu.

Romeku 5:1

Nu̱ke chem wa kha waare sola gume Magham nu̱ ku̱nshe maito, chem wa gwa qaandi memu̱na chele ɓaarem ndu̱ Magham nu̱ ku̱nshe Zhinerem gwaanji Yesu Masiya.

Romeku 8:33

Ki ka daki zhaano ɓu̱ nduki nu̱ Magham datkyang na? Ai, Magham nu̱ ɗyinan gaɓki ndu̱ wor tu̱ kha waare sola gume nda.

Galatiyeku 2:16

Yang chem wa zu̱n nu̱ ɗyine nduk ɓu̱ kha waare sola gume Magham nu̱ ku̱nshe mburi Bibitang ɓa, kope wa maita Yesu Masiya. Ku̱me nang chem wa vu̱r vaarem ye Masiya Yesu. Chem shi wanang ma ku̱ kha mi waare sola gume Magham nu̱ ku̱nshe dlar vaarem nu̱ ve Masiya, nyem mbu nu̱ ku̱nshe mburi Bibitang ɓa. Ku̱me nduk a nje nu̱ke ka khaki waare sola gume Magham nu̱ ku̱nshe mburi Bibitang ɓa.

Yaqub 4:10

Wut ma katar ɗyin ɓaanu gume Zhinkir gwaanji, chin ka vu̱rki gorkir ye nu.

Yaqub 4:6

Yang Magham a nje a shaata mu̱nkir khangndi yerem, nang ke ɗyi nu̱ saki tu̱ bu̱lar Ɓalar ɓu̱ Magham zu̱ za, “Magham wa zhang nu̱ gwaari ɗyin, yang wa ka shi mu̱nkir ye nu̱ ɓu̱tokh memu̱na.”