Luka 17:6 - Mewar Alqawarang

⁶ Tu̱ Yesu tlogha ye wor za, “Mbu̱ maito kha ba koɗomma wa pooni mastad, to ka ɗu̱ma ze qu̱far zhar nang no za, ‘Ɓu̱ɗ va ta pa va gha mbu̱ ɗyim chitndi,’ yang ka shi ɗyi no zu̱ki yendang.”

Luka 17:6 ပူးပေါင်းရင်းမြစ်များ

Matta 14:29

Tu̱ Yesu ze nda za, “A ɓo.” Tu̱ Biturus vi ɓar mbu̱ du̱mbu̱lang tu̱ nggaasi khatl ɗyimang a yir she Yesu.

Matta 17:20

Yang tu̱ Yesu tlogha ye wor za, “Ku̱me maito ɓaanu wa shi koɗomma. Zhire ngaa zu̱ran ye nu, mbu̱ maito khanu nu̱ khu̱lki ye pooni mastad, aa nu̱ke chin dukki aa nyi ye pooni koɗomme, tun ka ɗu̱ma zu̱ran ye dleng nang ku̱ ji ɓar fan ma yir fara, yang ka ji. Tun a nje ka ku̱naki nu ɓa.”

Matta 21:21

Tu̱ Yesu tlogha ye wor za, “Zhire nga zu̱ran ye nu, mbu̱ maito kha nu, yang nu̱ memu̱nanu zhang ye nu ɓa, tun ka ɗu̱ma shi ɗyi dukki ɗyi nang shiki ye qu̱far sugar nang. Aa tun ka zu̱kya ye dleng nang nun za, ‘Ju to nggu̱ɗ nu̱ mbu̱ ɗyim chitndi,’ ka shi.

Markus 4:31

Wa shipa ye pooni mastad nu̱ke wa kata aa nyi pon nu̱ nduki ka kaɓki mbu̱ larji nang.

Markus 9:23

Tu̱ Yesu tlogha yenda za, “To za mbu̱ ngga ɗu̱ma? Ai tun a nje nu̱ke ka ku̱naki njif nu̱ maitaki ɓa.”

Luka 13:19

Wa shipa ye pooni mastad (nu̱ke ɓaran pichichi) nu̱ kaɓki nu̱ mbu̱ dami, yang nu̱ gorki tu̱ kha ma qu̱far gwaanji, tu̱ ɗyikhtiku nu̱ viɗi shi pugdi ɓaanda nu̱ me bu̱nankwang.”

Luka 17:7

“Yang ki chele ɓaanu nu̱ke maavyang kha nda nu̱ke a ghuti yenda, aa a khutlokya guno ndu̱ɓangku yenda. Mbu̱ maavyang a gaɓ gar, ɗa, nu̱ rafti ɓaranang ka shi wakho zu̱ran yenda za, ‘Kho gha to zu̱m ɗye zu̱mndi mu?’

Luka 19:4

Tu̱ yang Zakka ɗan guma tu̱ ɗa dlan mbu̱ qu̱far du̱ndakhle ngguri. Ku̱me wa zu̱n nu̱ke Yesu a ma mbuuri nje, yang mbu̱ aa ɓa ka na nda.

Luka 7:13

Nu̱ Zhinerem gwaanji naki nokhzang, tu̱ na zhiyaye ɓaran, tu̱ ze nda za, “Shi na gho ɓa.”

Luka 7:19

tu̱ qa nduki rap chele ɓaanda. Tu̱ ru̱k wor nu̱ she Yesu ndu̱ zhamndi za, “To ke Masiya nu̱ke chem a buranang mu yang nggu̱t mi njiv ɓar ɓu̱ njif nggur zum mu?”

1 Korintiyeku 13:2

Aa nga ka zu̱ ɓalar ɓu̱ Magham, tang zu̱n ɗyi tukakandi kap, tang shi zu̱ndi ɗyine tun kap, aa maito ɓang maɗyi wa nu̱m gom, nu̱ke ngga ɗu̱ma ɓu̱t dlengku, yang za nga nu̱ ndola ɓa, nga aa nu̱m ɓa.