Luka 17:1 - Mewar Alqawarang

¹ Tu̱ Yesu ze nu̱ mburindakwang za, “Ɗye sar nduki ma sola ba a nje aakochi, yang njif na ɓa ki si ɗya ɗye zhiyaye.

Luka 17:1 ပူးပေါင်းရင်းမြစ်များ

Matta 16:23

Tu̱ Yesu mbu̱m tu̱ ze nda za, “Ɗu̱ ɓar ya fan, Sheɗan! Ta khar ndogdi ji sar sha, ku̱me ta shikya kwaari ɓu̱ nduku, no shi kwaari ɓu̱ Magham ɓa.”

Matta 18:7

Larji ɗya ɗye zhiyaye ku̱me ɗyiku khang nu̱ka saki nduki ma sola! Ɗyiku nu̱ka saki nduki ma solari a nje a ɓari, yang njif na ɓa ki si ɗya ɗye zhiyaye.

Luka 16:31

“Tu̱ Yibram ze nda za, ‘Mbu̱ nu̱ gwa dlu̱mndi wor ye wopar ɓu̱ Musa ndu̱ Annabikwang ɓa, ɓu̱ gwa dlu̱mndi wor ku̱me njif nggur wa ji mbe mu̱ti ɓa.’ ”

Romeku 14:13

Ku̱me nang njig mi kuma yen. Me ɓu̱ nang, ku̱ aaki san mbu̱ memu̱naran nu̱ ɗyine chin ɓu̱ kha ma ɗye ji sar ye mu̱dlen ɓa.

Romeku 16:17

Nyeezaku, nga khutonu tun shi khankal ndu̱ nduki nu̱ka ɓa ki ndu̱ shakhti ɗyin chele ɓaanu tu̱ sa ɗye ji saari nu̱ gumenu, nu̱ke a kare ndu̱ shogar nun dlu̱ki. Kha ma ɓakh ndu̱ wora!

1 Korintiyeku 10:32

Ku̱ sa nu Yakhudeku, aa nduki nu̱ke ɗya Yakhudeku ɓa ndu̱ tabar ɓu̱ nu̱ mbu Yesu ku tu̱ shi sola ɓa.

1 Korintiyeku 11:19

Yang wa ku̱s ku̱ ɗyinonu shakki ma ku̱ zu̱n nu̱ zhire ku nu̱ke a chele ɓaanu.

1 Korintiyeku 8:13

Ku̱me nang mbu̱ ɗyi nu̱ke nga zu̱mndan ka sa mu̱dla tu̱ shi zop, ngam ɓu̱ nji dlu̱ sar da ɓa ma ku̱ sa nga mu̱dla tu̱ shi zop ɓa.

1 Timoti 4:1

Nang ɗo, Jiimbyang wa wut ye dalangi za ye lauɗar su̱ qaandi virkirku ɓeeni nduki ka njig maita ɗyi nyem maitaki, tu̱ mbu jiimbiku nu̱ lambari ndu̱ shogar ɓu̱ khu̱kheetiku.

Ɗyin mbu̱ tukari 2:14

Yang kap ndu̱ nang ɗyiku a nje koɗom nu̱ke ngga zu̱ki nu̱ ɗyinoro: Nduki a nje chele ɓaanu nu̱ke a mbu shogar ɓu̱ Balaam. Chin nu̱ shogaki ye Balak ku̱ zala qusa Israila ku̱ shi solarku nu̱ ku̱nshe zu̱mndi ɗye zu̱mndi nu̱ shiki sadke ni ye mu̱lu̱mku, kom nu̱ shir zawar ku tu̱k.

Ɗyin mbu̱ tukari 2:20

Yang kap ndu̱ nang wonji ɗyi nu̱ke a nje khara ɗyinoro: ta khar kaɗanyi ndu̱ Jezebel nokhzi nu̱ka qaki varan za chin a mbu̱ annabi. Nu̱ ku̱nshe shogar ɓaran a zala pudeku ɓanga tu̱ ku̱s zawarku ndu̱ zu̱mndi ɗye zu̱mndi nu̱ shiki sadke su̱ ye mu̱lu̱mku.