Tu̱ Yesu ze yenda za, “Mbu̱ ta shim kha na torop, to ɗu̱ to ɗa masa ɗyi nu̱ke a kha ɓar kap, to vu̱r mu̱zhindan ye nu̱ nungndiku, to ka gwa gu̱nar nu̱ mbu̱ viɗi. Kom to ɗa ɓa to mburi nga.”
“Sarda nduk ɓu̱ kha ma maavi ɓu̱ nu̱ rafti rap guma da ɓa, wa ku̱s ku̱ njig da to ku̱s da. Ka shi tlu̱nar zhirekandi ye dandang, tu̱ ndu̱m dandang. Sarda tom ɓu̱ ghar ghai ye Magham su̱yen ndu̱ shimndi mu̱zhin guma da ɓa.
Masa ma ɗyin kha nu ɓara, tun vu̱r sadke ye nduki nu̱ke nungndan. Shi ma du̱ngndi nu̱ ye maa nu̱ke am ɓu̱ su̱bu̱r ɓa. Du̱ng ma gu̱narang nu̱ mbu̱ viɗi she Magham ye maa nu̱ke ɓu̱ shi woɗa ɓa, nu̱ muuru ɓu̱ gwa maa muraran ɓa, yang susut ɓu̱ gwa tu̱ su̱bu̱r nu̱gha ɓa.
Mbu̱ ta shi wanang to ka gwa barka, ku̱me nduki nang ɓu̱ ɗu̱ma ɓi ro ɓa, yang Magham ɗyenda ka ɓa ɓiiki ro fu̱ɗar wuri, nang ke fu̱ɗar nu̱ke Magham ka nakhaki nduki nu̱ jeembu ku mbe mu̱ti.”
Ku̱ kha man mbe ndolar ɓu̱ Magham, tun a bu ɓar ɓu̱ Zhinerem gwaanji Yesu Masiya nu̱ke mbu̱ ɗaanar ɓaran ka ɗu̱ ndu̱ tun mbu̱ nyifi nu̱ke nu̱ka shi woɗa ɓa.