Luka 16:25 - Mewar Alqawarang

²⁵ “Tu̱ Yibram tlogha yenda za, ‘Yi ɓanga, mbu̱ ta kori, ta woɗa dlu̱ ɗye ɓi ɓa mbarkandi mbu̱ khar viti no shiki larji. Yang chin Liazaru za kya bonye, wonji yang meeni wa gwa du̱ngndi memu̱na, ɓa yang ta mbu̱ bonye.

Luka 16:25 ပူးပေါင်းရင်းမြစ်များ

Matta 27:63

tu̱ shi ghai yenda ku za, “Gundi! Chem wa kor ɗyi ni nu̱ lambar nduki nang zu̱ki sarchi nu̱ke a nje ndu̱ nyifiri, a za gaanje qaandi kunung chin ka ji mbe mu̱ti.

Markus 9:45

Mbu̱ saaroro wa ka sa ma zop tu̱k ku̱rto nu̱ gha, ku̱me kuzhom gwana nyifirang ndu̱ saaror da, ye ku̱ sa nu̱ mbu̱ giɗim ɓai ndu̱ saaror rap. Ye maa nu̱ke ɓai ɓaran nu̱ka shi piita ɓa,

Luka 16:20

Yang nu̱ khuti nggur a nje tu̱k qaandan me vi ɓu̱ nu̱ gu̱narang dlu̱man za Liazaru, yang khaatan ku̱me varanang kap mbir.

Luka 16:23

Tu̱ gwa varan mbu̱ giɗim ɓai ye maa zar bonye maɗyikandi. Nu̱ daki yitan nu̱ viɗi, tu̱ na Yibram ɓakh fara su̱yen ndu̱ Liazaru.

Luka 16:26

Nang ɗyenda ɓa, kereng a nje dlamdlam yang kiri chele ɓaarem ndu̱ tunu, ku̱me ɗu̱ma nu dlar nu̱ she rem ɓa, yang chem ɓu̱ ɗu̱ma dlar nu̱ she nu zum ɓa.’

Luka 6:24

“Tun nu̱ gu̱narku meeni. Tun ɗye zhiyaye ku̱me nang ke lauɗarsi tu̱kti mu̱ndi ɓaanu.

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Romeku 8:7

Aaki damtaki ndu̱ ɗyiku ɓu̱ manva ɗya nu̱ zhangndi ɓu̱ Magham, ku̱me ɓu̱ mbu bibiti ɓu̱ Magham ɓa, yang ɓu̱ ɗu̱ma shiran zum ɓa.

Filipiyeku 3:19

Yang ka su̱ya ku ye lauɗar san. Mbu wor ke maghamndi ɓaanda. A worol ku ndu̱ ɗye kawar nu̱ shiki ku. Ɗyin larji ke damtar ɓaanda.

1 Tasalonikeku 3:3

ma ku̱ bonye nang sa njif nggur tu̱ kha damtaran ɓa. Ai, tun ndu̱ ɗyinonu tun wa zu̱n za nang ke ɗyi nu̱ saki tu̱ daasa remi ye wora.

Yibraniyeku 11:25

Wa dat ku̱ za nji bonye ndu̱ nduki ɓu̱ Magham ye ku̱ tu̱k nji mu̱ndi ɓu̱ solar me sarchi koɗomma.

1 Yokhana 2:15

Ndola nu larji ɓa, yang aa nyi ɗyi nu̱ke a mban zum ɓa. Kap njif nu̱ke a ndola larji, ndolar Zhinkirang a nje mbe nda ɓa.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.