Luka 16:22 - Mewar Alqawarang

²² “Sarchi mu̱ti ɓu̱ nu̱ khuti nang, tu̱ nu̱ ru̱ktiku ɓu̱ Magham da nda tu̱ ɗu̱ ndu̱ chin she Yibram (ye maa khar mu̱nkandi.) Gana fan, tu̱ nu̱ gu̱narang mu̱ɗ tu̱k, tu̱ pa nda gha.

Luka 16:22 ပူးပေါင်းရင်းမြစ်များ

Matta 18:10

“Ku̱r ma vaanu, ku̱ ndu̱m nu da chele qusonggiku na ɓa, ku̱me nga zu̱ran ye nu nu̱ ru̱ktiku ɓu̱ Magham nu̱ khutlo wor nu̱ke a mbu̱ viɗi sot a nggu̱t mbu̱ yiti Zhinkir ɓanga.

Matta 24:31

Kaɗa ru̱k nu̱ ru̱ktiku ɓaran tu̱ pi domndi nu̱ qur maɗyi, tu̱ taba nduki nu̱ datki ɗokhatla ndu̱ mugu, kona ndu̱ zan ndu̱ aa fu̱n mbu̱ larji.

Matta 8:11

Nga zu̱ran ye nu, nduki khang ku nu̱ke ɗya Yakhudeku ɓa ka ɗa vi ku ɗokhatla ndu̱ mugu tu̱ kha gha ku maa zu̱m ɗye zu̱mndi su̱yen ndu̱ Yibram ndu̱ Yishaku, ndu̱ Nyagham mbu̱ kwaaɗar viɗi.

Markus 8:36

A fu̱nke boote ni mbu̱ nduk wa gwa larji kap tu̱ yang mbu̱ɗ nyifi ɓarana?

Luka 12:20

“Yang tu̱ Magham ze nda za, ‘To nggu̱bu̱ng, to ka mu̱ɗ mbu̱ virkir nang, ki ka khaki nu̱ me ɗyiku no tabaki ye vaara na?’

Luka 16:21

Aakochi Liazaru wa ka shim zu̱m nji ɗye zu̱mndi nu̱ka ku̱ɗbaki nu̱ su̱ tebu̱r ɓu̱ nu̱ gu̱narang. Yiɗaku tu̱k wa ka ɓa tu̱ nyii mbiranang.

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 13:23

Yang da chele ɓu̱ nu̱ mburindakwang, nu̱ke Yesu a ndola nda a nje kharan bing ndu̱ Yesu.

Yokhana 21:20

Nu̱ Biturus mbu̱mki tu̱ nggu̱t maa gana, tu̱ na nu̱ mburi nu̱ke Yesu a ndola ndang a mbu wora. Nang ke nu̱ mburi nu̱ khaki nu̱ bing ndu̱ Yesu sarchi nu̱ke a zu̱m ɗye zu̱mndi tabar peetar ɗyinang. Chin zhamki Yesu za, “Zhinerem gwaanji, ki kya ma vu̱rtor ɓara?”

Yibraniyeku 1:14

Yang shwat ɗa, nu̱ ru̱ktiku ɓu̱ Magham ɗya jiimbiku nu̱ tlu̱nar ku ma shaata nduki nu̱ke a ma zu̱m ɗye mbu̱ ge ɗanar ɓa goma?

Yibraniyeku 2:14

Yang nu̱ke qusonggi nang ɗya dlu ndu̱ tom, tu̱ kha wa wor tu̱k nu̱ daki man var nu̱ke ɗya dlu ndu̱ tom tu̱ kha man var wor wayen. Shi wanang ma ku̱ tlagha nji njif nu̱ke zalale mu̱ɗi a mbu̱ kharan, chin ke Sheɗan, nu̱ ku̱nshe mu̱ti ɓaran nu̱ shiki.

Yaqub 1:11

Jiwa mbu̱ fu̱ɗar a vi ɓwa tu̱ maarang shi gu̱rgu̱r maɗyi, wuzu̱ndiku wa ka su ɓara, tu̱ viiri ɓaanda nggu̱ɗi, tu̱ mbu̱ɗ mbaari ɓaanda. Wanang tu̱k nu̱ gu̱na ka mu̱t mbu̱ gomar nu̱ke a shiran.

1 Biturus 2:24

Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

Ɗyin mbu̱ tukari 14:13

Tang gaɓ tang tu̱k su̱qur ɓalar nggur viɗi a zu̱ran za, “Bu̱lo nang. Barkya ve nduki nu̱ke ka mu̱tki ku mbu̱ tlu̱nar ɓu̱ Zhinkir gwaanji ji ɗyin leendang!” Jiimbyang za, i “Shwat! Ka mas ku mbe bonye ɓaanda, ku̱me tlu̱nar ɓaanda ka mbu wora!”