Luka 16:2 - Mewar Alqawarang

² Tu̱ qa nu̱ tlu̱narang tu̱ ze nda za, ‘Nga tu̱k kya nyi pooni labar ɗyino shoɗa? A ɓo ndu̱ lagarkati shigar si ɗyi no shiki mbu̱ tlu̱nar ɓa ya kap, ku̱me tom kha ma nu̱ nggu̱ti gu̱narang ya tu̱k ɓa.’ ”

Luka 16:2 ပူးပေါင်းရင်းမြစ်များ

Matta 12:36

Ngaa zu̱ran ye nu, nduki ka shiga su̱ aa nyi maatli ɓalar nu̱ wor shiki fu̱ɗar wuri.

Matta 20:8

“Nu̱ mugdi shiki, tu̱ nu̱ damang ze nu̱ shaatar nda ndu̱ nggu̱ti damang za, ‘Qo nu̱ tlu̱narkwang to ɓi wora, to nggaasan ndu̱ nduki nu̱ qaki wor gana ma yi ɗyin nduki nang qaki wor gumapaalyang.’

Luka 12:20

“Yang tu̱ Magham ze nda za, ‘To nggu̱bu̱ng, to ka mu̱ɗ mbu̱ virkir nang, ki ka khaki nu̱ me ɗyiku no tabaki ye vaara na?’

Luka 12:42

Tu̱ Zhinerem gwaanji tlogha za, “Nga ɓalarang ku̱me nu̱ shir zhire, nu̱ kaɗari tu̱k nu̱ke nu̱ rafti ɓaran du̱ngki nda za ku̱ kosa rafti ɓaran yenda tu̱ ku̱s vu̱r ɗye zu̱mndi ye pudeku ɓaran aa nyi sarchi.

Luka 16:1

Tu̱ Yesu ze nu̱ mburindakwang za, “Nu̱ gu̱nar nggur a nje nu̱ gwaki labaran za nu̱ tlu̱nar ɓaran a palam ndu̱ gu̱nar nyin saki nu̱ mbu̱ bu̱nan.

Luka 16:3

“Tu̱ nu̱ tlu̱narang zu̱ ve memu̱naran za, ‘Nu̱ rafti ɓanga ma komba nga ɓar me tlu̱nar ɓanga, yang ngga shi kima? Nga zu̱n nga ma ɗu̱ma ghuɗ ɓa, ku̱me du̱mbu̱r ɓang kata, yang ngam ɓu̱ ɗu̱ma viri ma khuti zum ɓa, ku̱me ka kha ya ma ɗye kawa.

Romeku 14:12

Aa nyi nduk da chele ɓaarem ka shiga si khar viti nyin shiki ye Magham.

1 Korintiyeku 1:11

Nyeezaku, nga gwa labaran she nduki nu̱ mbu̱ rafti ɓu̱ Kuluwi, za keele wa gang chele ɓaanu.

1 Korintiyeku 4:2

Yang wa ku̱s ku̱ njif nu̱ dlu̱ki du̱ngndi tunu ku̱ shi zhire ye zhin nu̱ rafa.

1 Korintiyeku 4:5

Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

2 Korintiyeku 5:10

Jiwa wa ku̱s ku̱ ching mi nu̱ gume du̱ku̱l kumar ɓu̱ Masiya kap ɓaarem, ma ku̱ kuma rem. Aaki ka dlu̱ ɗye ɓi ɓaran ba wa nu̱ tlu̱naki sarchi nu̱ke a mbu̱ man var nu̱ larji nang, aa mbarkandi aa malkandi.

1 Timoti 4:14

Ku̱ njig na vu̱rti nu̱ke a mbe ro no gwaki nu̱ ku̱nshe ɗyi nu̱ Magham zu̱ki sarchi nu̱ nduk kudaandikwang saki khar barke yorang ɓa.

1 Timoti 5:24

Solar ɓu̱ ɓeeni nduki a ye dalangi, aaki wa zu̱ni me ku̱ kuma wora. Yang ɓu̱ ɓeeni ndukyang kaɗa vi ye dalang gana fan.

1 Biturus 4:10

Ku̱ aaki shi boote ndu̱ vu̱rti nu̱ Magham shiki yenda ma shaata yen, ma ku̱ kha nu ma nu̱ du̱ngndi ɗyiku zum zum nu̱ Magham vu̱rki du̱ngdan ye nu mbe mu̱nkir ɓaran.

1 Biturus 4:5

Yang Magham daasaran ma ku̱ kuma nu̱ nyifi ku ndu̱ nduki nu̱ mu̱tki. Ka shiga su̱ ɗyi nu̱ wor shiki gume nda.

Ɗyin mbu̱ tukari 20:12

Tang na nduki nu̱ mu̱tki ku, woi ndu̱ gorki, chingndan ku gume zhakhɗyang yang tu̱ qu̱n lagarkatiku nu̱gha. Kom tu̱ qu̱n lagarkati nggur tu̱k nu̱gha, chin ke, Lagarkati nu̱ Nyifiri. Tu̱ kuma nduki nu̱ mu̱tki ɗyine ɗyi nu̱ shiki ku, ba wa nu̱ke a nje bu̱laran mbu̱ lagarkatikwang.