Luka 16:16 - Mewar Alqawarang

¹⁶ “Nduki a mbu kya Taurete ɓu̱ Musa ndu̱ lagarkati ɓu̱ annabiku ma khu̱dli sarchi nu̱ Yokhana nu̱ baptisma a ɓa ki, yang ba sarchi nu̱ wopaki labar mbarkandi nu̱ kwaaɗar ɓu̱ Magham, aakya wuta viiri nu̱ mban.

Luka 16:16 ပူးပေါင်းရင်းမြစ်များ

Matta 10:7

Ɗu̱ ma tun a shi waazu ɓalar ɓu̱ Magham ye wor nun za, ‘Kwaaɗar ɓu̱ Magham a shi bing ɓari.’

Matta 15:11

Ɗyi nu̱ ka viki nu̱ mbu̱ me nduku nu̱ka sa tu̱ kha ndu̱ ‘zop ɓa,’ kope ɗyi nu̱ ka viki ɓar mbu̱ men chin ke nu̱ sa nduk tu̱ kha ndu̱ ‘zop.’ ”

Matta 21:32

Ku̱me Yokhana a ɓa tu̱ wuɗ njiv toropndi ye nu, yang nun maita ɓa. Wonji nu̱ dlu̱r zhaanggalku ndu̱ man mu̱nggu̱lku wa maita. Yang kap ndu̱ nang, nun nggoɗ tun maita ɓa.

Matta 3:2

a zu̱ran za, “Nggoɗ ma tun njig solar ɓaanu, ku̱me kwaaɗar viɗi a shi bing.”

Matta 4:17

Ji ye sarchi nang tu̱ Yesu nggaasi wopa ɓalar ɓu̱ Magham a zu̱ran za, “Nggoɗ ma tun njig solar ɓaanu ku̱me kwaaɗar viɗi a shi bing ɓari.”

Matta 4:23

Tu̱ Yesu baara mbu̱ dlar ghai Galili ɓar kap, a shogar ye nduki mbu̱ kib tabar ɓaanda. A wopa labar mbarkandi nu̱ kwaaɗar ɓu̱ Magham. Kom ndu̱ shaanar nduki nu̱ke var wor mu̱n ɓa ndu̱ aa nyi pooni khaati nu̱ke a damta wora.

Markus 1:14

Gaanje wa khi Yokhana nu̱ baptismang gha zhaaru̱m, tu̱ Yesu a ɓa mbu̱ dlar ghai Galili a waazu labar mbarkandi ɓu̱ kwaaɗar ɓu̱ Magham.

Markus 1:45

Tu̱ yang njifang ɗu̱ ta zu̱ ɓalarang nu̱ dam ye aaki ku̱ tu̱kki nu̱ke Yesu nu̱ ɗu̱ma viri nu̱ mbu̱ ghai nggur ye dalang tu̱k ɓa. Tu̱ ka kha varan gha gar ye maa nu̱ke nduka nje ɓa, yang kap ndu̱ nang, tu̱ nduki ki ɓar she nda mbu̱ aa nyi maa.

Luka 10:11

‘Aa kalau mbu̱ ghai ɓaanu nu̱ mbu̱ sarerem chem a mbaran nu̱gha ye nu. Yang ɗo zu̱n ma, kwaaɗar ɓu̱ Magham a ɓa bing ndu̱ tunu!’

Luka 10:9

Tun shaana nu̱ khaatiku nu̱ mbu̱ ghayang nu̱ gha tun ze ndukyang nun za, ‘Kwaaɗar ɓu̱ Magham aa ɓa bing ndu̱ tunu.’

Luka 16:29

“Tu̱ Yibram tlogha yenda za, ‘Wopar ɓu̱ Musa ndu̱ lagarkati ɓu̱ annabiku a njig she wora, mbu nda ɗyi nu̱ zu̱ki ye worang.’

Luka 16:31

“Tu̱ Yibram ze nda za, ‘Mbu̱ nu̱ gwa dlu̱mndi wor ye wopar ɓu̱ Musa ndu̱ Annabikwang ɓa, ɓu̱ gwa dlu̱mndi wor ku̱me njif nggur wa ji mbe mu̱ti ɓa.’ ”

Luka 9:2

Tu̱ ru̱k wor ma wopa kwaaɗar ɓu̱ Magham ye nduki su̱yen ndu̱ shaanar nu̱ khaatiku.

Yokhana 1:45

Tu̱ Filibus gwa Nataniyel tu̱ ze nda za, “Chem wa gwa njif nu̱ Musa bu̱laki labar ɓaran mbu̱ taurete ndu̱ lagarkatiku ɓu̱ annabikwang, chin ke Yesu khuzi Nazaret, Yi ɓu̱ Yusufu.”

Yokhana 11:48

Mbu̱ chem wa njigti nda tu̱ ki shi ɗyiku nang nduki kap ka maita nda. Kom Romekwang kaɗa ɓa tu̱ lawa maa ɓaarem ɓar khaarem tu̱ gu̱ɗa Rafti ɓu̱ Maghamang yerem nu̱gha!”

Yokhana 12:19

Tu̱ Pariseku shi ɓalar chele ɓaanda za, “Nggu̱t ma, ɗyi nang ɓu̱ ɗu̱ ndu̱ chem aa fu̱n ɓa, na ma larji a gaanje nda guma da!”

Yokhana 5:4

Ku̱me nu̱ ru̱kti ɓu̱ Magham wa ka ɓa sarchi ngguri tu̱ du̱gɗa ɗyimang. Kap njif nu̱ nggu̱ɗki nu̱ mbu̱ ɗyim du̱gɗakandang gumapaali, ka shaana mbe aa nyi khaati nu̱ke a damta nda.

Tlu̱nar ɓu̱ Pudeku 3:18

Yang tu̱k nu̱ ku̱nshe shir ɓu̱ ɗyiku nang Magham wa nyel ɗyi nu̱ zu̱ki nu̱ ku̱nshe annabikwang kap, ku̱me wa zu̱ za Masiya ɓaran ka za bonye.