6 Yang tu̱ ndukyang mbu̱ɗ ɗyi nu̱ke zu̱ nda.
Yang nduk a nje nu̱ ɗu̱maki tlogharan yenda ɓa. Gana fan tu̱k nduka nje nu̱ shiki zhamndi yenda tu̱k ɓa.
Tu̱ ɓalar nu̱ shiki nang vu̱r kawar ye nu̱ zhangndiku ɓaran. Tu̱ yang ɓeena ndukyang kap kasha ku̱me ɗye lazham nu̱ shikyang.
Yang ku̱me nu̱ gwa ɗyi nu̱ke wor ka ku̱ski nda si gume ndukyang ɓa, tu̱ ɗyin wor ɓu̱tli, a lazham pooni tloghar zhamndi nu̱ shiki ye wora, kom tu̱ kha yit ku.
Gaanje nang, nduk a nje nu̱ ɗu̱maki zham nda ɗyi nggur tu̱k ɓa.
Ku̱me nga vu̱r ɓalarku ndu̱ kaɗari ye nu nu̱ke nduk a nje chele ɓu̱ nu̱ zhangndi ɓaanu nu̱ke ka ɗu̱maki mbu̱m ɓalar ɓaanu nu̱ gha tu̱ keela ɗyi nun zu̱ki ɓa.
Yang nu̱ ɗu̱ma nda ku ɓa ku̱me a ɓalarang ndu̱ kaɗari nu̱ Jiimbi shakhshakhndi vu̱rki yenda.
