Luka 14:23 - Mewar Alqawarang

²³ “Tu̱ nu̱ raftang ze maavi ɓaranang za, ‘Ɗu̱ yiti njiv gwaanjiku ndu̱ pichichindiku nu̱ qu̱rse ghayang to mata nduki ku̱ ɗa ɓa ku ma ku̱ rafti ɓang nyedli.

Luka 14:23 ပူးပေါင်းရင်းမြစ်များ

Matta 21:43

“Ku̱me nang ngaa zu̱ran ye nu, ka lawa kwaaɗar ɓu̱ Magham ɓar kha nu, tu̱ vu̱r ye nduki nu̱ke ka vu̱rki boote mbarkandi.

Matta 5:41

Mbu̱ nduk wa ranna ro za shi na yir kilomite da ndu̱ chin, to shi aa kilomite rap ndu̱ chini.

Luka 14:22

“Nu̱ maavyang a gaɓki tu̱ ze nu̱ rafti ɓaranang za, ‘Maasi, nga shi ba wa no zu̱ki ya, yang kap ndu̱ nang, ɓeena maarang nje nu̱ nyel ɓa.’

Luka 14:24

Nga zu̱ran ye nu, nduk a nje chele nduki nu̱ qaki wor tu̱ gho me wor nang nu̱ke ka darki ɗye zu̱mndi ɓang ɓa.’ ”

Luka 24:29

tu̱ khuti nda ku za, “Ku̱gam a gol nu̱ she rem ku̱me mugdi wa shi, wonji fu̱ɗar wa nggu̱ɗi.” Kom tu̱ ɗu̱ ta zhur nu̱ she wora.

Tlu̱nar ɓu̱ Pudeku 16:15

Nu̱ shiki baptisme yenda ndu̱ nduki nu̱ mbu̱ rafti ɓaran, tu̱ khuɗ wor za, “Mbu̱ tun wa maita nu̱ ɗyine nga maita Zhinkir gwaanji, a ɓa ma tun zhur nu̱ kaa ɓanga.” Tu̱ padla remi chem tlogha yenda.

Tlu̱nar ɓu̱ Pudeku 18:6

Tu̱ yang keela ku tu̱ ku̱s pu̱zi nda. Ku̱me nang tu̱ mba lukti ɓaran nu̱gha tu̱ ze wor za, “Ku̱ tom ɓaanu khan ɗyine nu! Zop ɗyina ku̱men ɓa, ji meeni ngga ɗu̱ kya she nduki nu̱ke ɗya Yakhudeku ɓa.”

Tlu̱nar ɓu̱ Pudeku 28:28

“Yang zu̱n man gha, Magham wa ru̱k labar gwar ɗanari nu̱ she nduki nu̱ke ɗya Yakhudeku ɓa. Yang ka dlu̱ ku.”

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 10:18

Yang bu shi nga zhamndi, “Nu̱ tu̱k labarang ku de?” Wa tu̱k ku shwat, Jiwa Bu̱lar Ɓalar ɓu̱ Magham wa zu̱ za, “Su̱ qur wor wa ɗu̱ mbu̱ larji kap, ɓalarku ɓaanda wa khu̱l aa fu̱n mbu̱ larji.”

2 Korintiyeku 5:11

Nu̱ke chem nu̱ sawar Magham, nang ke ɗyi nu̱ saki chem a me ɓaarem ma dut mi nduki ku̱ sawa nda tu̱k. Magham wa zu̱nderem kap, ngaa taman tun wa zu̱n ndu̱ nang mbu̱ memu̱na nu.

2 Korintiyeku 5:20

Ku̱me nang chem ke yiti Masiya she nduki, chem a khar wa Magham nu̱ ɗyinan kya ɓalar nu̱ ku̱nshe rem. Yang chem a khutonu mbu̱ dlu̱m Masiya, somta ma chele ɓaanu ndu̱ Magham.

2 Korintiyeku 6:1

Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

Kolosiyeku 1:28

Nang ke ɗyi nu̱ saki chem ki wopa Masiya Yesu ye aaki, chem a dut dlu̱mdi aaki, chem a shoga ɗyiku nang ɓar ndu̱ kaɗari nu̱ke a khaarem kap ma ku̱ vu̱r mi aaki nyeedlan mbe Masiya.

2 Timoti 4:2

Shi waazu ɓu̱ ɓalar ɓu̱ Magham; to kha daasaran aa zalala nje aa a nje ɓa; to ɗu̱r nduki, to wu wora, to pa du̱mbu̱r ye wora ndu̱ kaɗanyi maɗyikandi ta shogaran ɓara.