Luka 12:48 - Mewar Alqawarang

⁴⁸ Yang maavi nu̱ke nu̱ zu̱n ɗyi nu̱ke nu̱ rafti ɓaran a shimndan ɓa, yang tu̱ shi ɗye gwar dlabti, ka gwa dlabtang laya laya. Njif nu̱ vu̱rki yenda khang, ka ɓa zham khang kha nda, njif nu̱ gwaki khang tu̱ duk mu̱dlen ka zham kha nda khang tu̱ duk ɓu̱ mu̱dlenang.

Luka 12:48 ပူးပေါင်းရင်းမြစ်များ

Matta 13:12

Ku̱me njif nu̱ke tun kha nda, ka shaata yenda nu̱ si tu̱ gama nda maɗyi, yang njif nu̱ke aa nu̱m khanda ɓa, aa ɗyi koɗommandi nu̱ke a kha ndang ka dlu̱ ɓara.

Matta 23:14

Tun nu̱ ɗyinonu nun vi ɓa, yang tun a nggu̱tl zalale viri ye nu̱ viri ku ku̱ vi. Tun ɗye zhiyaye, Maalu̱m Taurete ku ndu̱ Pariseku, nu̱ mu̱narku! Tun wa ka zu̱m gu̱nar ɓu̱ nusuku nu̱ zhime wor mu̱tki, tun shi barar kirkandi ma ku̱ nduki na nu. Tun ka gwa kumar maɗyikandi ku̱me nang.

Luka 12:41

Tu̱ Biturus zham za, “Zhinerem gwaanji, ku̱rti ɓalar nanga ta zu̱ran ku̱me chem mu, yang ku̱me aaki mu?”

Luka 12:49

“Nga ɓa ma ngga nga ɓai nu̱ larji, meeni tu̱ga ɓaiyang vindan!

Luka 16:2

Tu̱ qa nu̱ tlu̱narang tu̱ ze nda za, ‘Nga tu̱k kya nyi pooni labar ɗyino shoɗa? A ɓo ndu̱ lagarkati shigar si ɗyi no shiki mbu̱ tlu̱nar ɓa ya kap, ku̱me tom kha ma nu̱ nggu̱ti gu̱narang ya tu̱k ɓa.’ ”

Yokhana 15:22

Mbu̱ na nga ɓa tang shi ɓalar ye wor ɓa, tu̱ga sola ve wor ɓa. Yang leendang me ve wor ɗyine solar ɓaanda ɓa.

Tlu̱nar ɓu̱ Pudeku 17:30

Zhu tang Magham nu̱ kuma nduki ku̱rku̱r ndu̱ zop ɓaanda ɓa, ku̱me song zu̱ndi ɓaanda. Yang leendang wa qa nduki aa fu̱n ku̱ nggoɗ ku.

1 Timoti 1:11

Nang ke shogar nu̱ khaki torop ndu̱ Labar mbarkandi nu̱ zhaaji nu̱ke Magham nu̱ barka vu̱rki ya ma ku̱ wopa nga.

1 Timoti 1:13

Aa nu̱ke ɗau fara nga nu̱ ndu̱mndi Magham, ndu̱ wuti bonye ndu̱ vu̱rti takashi ye nu̱ mburi nda ku. Yang kap ndu̱ nang tu̱ na zhiyaye ɓanga ku̱me nga shi ɗyiku nang mbu̱ song zu̱ni ndu̱ song maito.

1 Timoti 6:20

Timoti, to ɗang ɗyi nu̱ saki nu̱ mbu̱ kha ma nggu̱tanang. To shakh ɗyino ndu̱ ɓalar bamndiku nu̱ wuti ndu̱mndi ye Magham, ndu̱ shogar nu̱ke nyeedlan ndu̱ keeleku nu̱ daki ku za ɗya zu̱ni yang gatlan.

Titus 1:3

Tu̱ yang wut nu̱ dam mbu̱ sarchi nu̱ khaki torop mbe ɓalar ɓaran nu̱ke nga waazu ni, nu̱ vu̱rki du̱ngdan ya nu̱ ku̱nshe zu̱r ɓu̱ Magham Nu̱ Ɗanar rem.

Yaqub 3:1

Nyeezaku, ku̱ nduki khang chele ɓaanu shim khar ma maalu̱mku ɓa, ku̱me tun wa zu̱n nu̱ ɗyine chem nyem ka shogaki ɓalar ɓu̱ Magham ɓara, ka kuma rem gu̱rgu̱r tu̱ duk ɓu̱ ɓeeni nduki.