Luka 12:45 - Mewar Alqawarang

⁴⁵ Yang mbu̱ke maavyang wa kor za nu̱ rafti ɓaran a gaɓti dong ɓa, tu̱ vi ma mu̱nar ye ɓeena maaviku nu̱ su̱yen ndu̱ chin, khuzuku kap ndu̱ nusuku, wonji khang zu̱mndi ndu̱ zar ɗyamndi.

Luka 12:45 ပူးပေါင်းရင်းမြစ်များ

Matta 22:6

yang ɓeenan ku̱skya maavikwang tu̱ shi dlabti ye wor tu̱ tlagha wora.

Luka 12:44

Zhire nga zu̱ran ye nu, nu̱ raftang ka du̱ng maavi nanang tu̱ kha ma nu̱ ɗozar ɗye varan kap yenda.

Luka 12:46

Fu̱ɗa ngguri, nu̱ rafti ɓaranang ka ɓa ɗa gaɓi, sarchi nu̱ke maavyang nu̱ taman ɓa, yang sarchi nu̱ke nu̱ zu̱n zum ɓa. Tu̱ shi dlabti yenda maɗyi tu̱ kuma nda su̱yen ndu̱ nduki nu̱ zhangndi tu̱kti maari ku.

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

Yokhana 2:10

tu̱ zu̱ za, “Aaki ka vu̱rkya ɗyim anap mu̱nkandi ɓar gumapaali, mbu̱ nduki wa za, kom tu̱ ɗa ɓa ndu̱ nu̱ke mu̱ndan kata. Yang ɓa to du̱ng ɗyim anap mu̱nkandang gha kope leendang!”

Tlu̱nar ɓu̱ Pudeku 2:18

Ngga ɗa zu̱ Jiimbi ɓanga nu̱ ɗyine maaviku ɓang nusu ndu̱ khusku mbu̱ qaandiku naandang, ka wopa zu̱r ɓang ku.

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

2 Korintiyeku 11:20

Jiwa mbu̱ nduk wa gaɓ ndu̱ tun ma maaviku ɓaran, tun wa ka kanaɗa, tun wa ka shi wanang aa nduk lawakya tun ɓar kha nu, aa shikya batal ye nu, aa wutkya ndolar ɗyin ye nu, aa ɓu̱tlonu.

1 Tasalonikeku 5:7

Jiwa nduki nu̱ke ka zhiki ɗyeni ka zhi ku virkiri, nu̱ kuyar ku tu̱k ka kuya ku virkiri.

2 Bitu̱rus 2:13

Yang ba wa nu̱ vu̱rki bonye ye ɓeeni nduki, ka vu̱r bonye ye wor ba wanang tu̱k. Wa da ku za zar ɗyiku ndu̱ tlu̱nar malkandi nu̱ke a shiran ku fu̱ɗar gangtlu̱rang ndang ɗya tu̱kti mu̱ndi. Khar ɓaanda nu̱ke a shiran chele ɓaanu ɗya ɗye kawa, ndu̱ ɗyi malkandi tu̱k. A zu̱mndi a zar su̱yen ndu̱ tunu, yang qu̱rsan tu̱ ka tlu̱na ɗyi nu̱ke a shimndan ku.

2 Bitu̱rus 2:19

A da alqawar gwar ɗyin ye nduki, yang wor ndu̱ vaanda ɗya maavi ɓu̱ ɗye shir malkandi ku. Ku̱me nduk a khar maavi ɓu̱ ɗyi nu̱ke a zalale ndu̱ chin.

Ɗyin mbu̱ tukari 16:6

Jiwa nduki wa mbu̱t tom ɓu̱ daatiku ɓaaro ndu̱ ɓu̱ annabiku. Yang wonji ta vu̱r tom ye wor ku̱ za ku, nang ke ɗye ɓi ɓaanda ɗo!”

Ɗyin mbu̱ tukari 18:24

Wa gwa tom ɓu̱ annabiku mbe nda ndu̱ ɓu̱ nduki ɓu̱ Magham, i, tom ɓu̱ nduki nu̱ tlaghaki mbu̱ larji kap.”