Yang nang da nyifi ɓang ma aa nu̱m ɓa, mbu̱ ngga ɗu̱ma woɗa tlu̱nar nu̱ Zhinerem gwaanji Yesu vu̱rki ya nang, nang ke, saida nga Labar Mbarkandi nu̱ mu̱nkir ɓu̱ Magham.
Nu naki song sawar ɓu̱ Biturus ndu̱ Yokhana tu̱ zu̱n ku za nu̱ shi zu̱ndi ku ɓa, yang ɗya aa nu̱m ku ɓa, tu̱ shi lazham ku, tu̱ yang da mban ku za wa shi khar ku ndu̱ Yesu.
Nang ke ye maa nu̱ bu̱lar Ɓalar ɓu̱ Magham nyeelki nu̱ zu̱ki za, “Ku̱me Yibram wa maita Magham, tu̱ Magham shiga ɗyi nu̱ shiki nang ma dambu she nda.” Nang ke ɗyi nu̱ saki tu̱ qa Yibram rapti Magham.
Mbu̱ yang tun ka za bonye ku̱me shir ɗyi nu̱ke torop, barkya ve nu. Ku̱me nang “Tu̱k nu sawar ɓu̱ ɗyiku nu̱ke a sawaran ku ɓa, yang ku̱ damta nu ndu̱ wor zum ɓa.”
Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.