Luka 12:37 - Mewar Alqawarang

³⁷ Maaviku nangang ka ɓa shi kashar ku mbu̱ke zhin nda nu̱ raftang a khu̱l tu̱ gwa wor daasaran a ku̱rsa gaɓti ɓarani. Nga zu̱kya zhire ye nu, ka nggosa lukti nu̱ gha, tu̱ ze wor za ku̱ kha gha, tu̱ vu̱r ɗye zu̱mndi ye wora.

Luka 12:37 ပူးပေါင်းရင်းမြစ်များ

Matta 24:42

“Ku̱me nang, tun kha daasaran, ku̱me nun zu̱n fu̱ɗar nu̱ke Zhinonu gwaanji kaɗa ɓa ki ɓa.

Luka 12:36

Tun kha wa nduki nu̱ke a ku̱rsa gaɓti ɓu̱ zhinkir nu̱ rafti ye maa gu̱ndi ɓu̱rti, ku̱me mbu̱ke aa ɓa tu̱ ghwaɗ me viri, ka ɗu̱ma jiiri ku fan ndu̱ fan tu̱ qu̱n me virang yenda.

Luka 12:43

Barkya ve maavi nu̱ke nu̱ rafti ɓaran a gaɓki tu̱ gwa nda a shir ɗyiku nu̱ke nu̱ rafti ɓaran zu̱ki yendang ka ɓa tu̱k mu̱ndi.

Luka 17:8

Alapa ɓu̱ ze maavyang za, ‘Dooso ɗyi nu̱ke ngga zu̱mki to kosa mbu̱ va nu̱gha, to vu̱r ɗye zu̱mndi virkir ya dong to ɗa ɓa si tang zu̱m tang za, kom to zu̱m ɓa gana fan ɓa goma?’

Luka 21:36

Tun kha daasaran ɗo, tun a barar aakochi ku̱me gwa nu du̱mbu̱r lawar mbe ɗyiku nu̱ke a ma shir nang, tun ɗu̱ma chingndi gha gume Yi ɓu̱ Nduk tu̱k.”

Luka 22:27

Woɗye ki dukki gwaari chele njif nu̱ khaki gha ma zu̱m ɗye zu̱mndi ndu̱ njif nu̱ke a shakhtanang na? Nga za njif nu̱ke a zu̱m ɗye zu̱mnda ɓa goma? Yang wonji nga chele ɓaanu ba wa njif nu̱ke a shakh ɗye zu̱mndi.

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

1 Korintiyeku 2:9

Yang a nje bu̱laran ba wanang nu̱ zu̱ki za, “Ɗyi nu̱ Magham daasaki ye nduki nu̱ke a ndola nda nang, ɗya ɗyi nu̱ke nduk a nje nu̱ naki sar da ɓa, yang nduk a nje nu̱ tu̱kki ɓa. Yang nduk a nje nu̱ korki ka shi tun wanang ɓa.”

Filipiyeku 1:21

Ku̱me ɓang, mbu̱ nga nje ndu̱ nyifiri, nga nje ku̱me Masiya, mbu̱ yang nga mu̱ɗi ɗya zu̱mndi guma.

Filipiyeku 1:23

Kap ɓaanda mbar ya. Yang ye shimndi ɓanga, ngga gaɓ nu̱ she Masiya tang kha gha su̱yen ndu̱ chini. Wanang dukki nu̱ mbaari.

2 Bitu̱rus 1:11

Shir wanang ka sa tun gwa gaɗar mbarkandi ma viri nu̱ mbu̱ kwaaɗar ɓu̱ Zhinerem gwaanji nu̱ke nu̱ka shi woɗa ɓa ndu̱ nu̱ Nu̱ Ɗanar rem Yesu Masiya.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

Ɗyin mbu̱ tukari 14:13

Tang gaɓ tang tu̱k su̱qur ɓalar nggur viɗi a zu̱ran za, “Bu̱lo nang. Barkya ve nduki nu̱ke ka mu̱tki ku mbu̱ tlu̱nar ɓu̱ Zhinkir gwaanji ji ɗyin leendang!” Jiimbyang za, i “Shwat! Ka mas ku mbe bonye ɓaanda, ku̱me tlu̱nar ɓaanda ka mbu wora!”

Ɗyin mbu̱ tukari 16:15

“Wonji, nga ɓar wa nu̱ muuri! Barkya ve njif nu̱ khaaki daasaran nu̱ ɗye sarku ɓaran khanda, ma ku̱ shi nji yir san nggaran chin tu̱k kawa chele ndukiku ɓa!”

Ɗyin mbu̱ tukari 3:21

Kap njif nu̱ raki wute, ngga sa nda tu̱ kha gha su̱yen ndu̱ nga wudle zhakhɗye kwaaɗar ɓanga, ba wa nang raki wute tang kha gha su̱yen ndu̱ Zhinkir ɓang wudle zhakhɗye kwaaɗar ɓaran.

Ɗyin mbu̱ tukari 7:17

Jiwa Ye Gamndi nu̱ke a chele zhakhɗyang ka khaki ma nu̱ khutlo ɓaanda, ka ɗu̱ ndu̱ wor ye maa nu̱ke ɗyim nyifiri ka ɓaghaki. Magham ka pasha koonyi ɗyim gho ɓaanda ɓar kap mbu̱ yiti wora.”