Luka 12:32 - Mewar Alqawarang

³² “Shi nu sawa ɓa tun shapir rakhndi, jiwa Zhinonu a kashari ma vu̱r nji kwaaɗarang ye nu.

Luka 12:32 ပူးပေါင်းရင်းမြစ်များ

Matta 14:27

Fan ndu̱ fan, tu̱ Yesu shi ɓalar ye wor za, “Damta nu ɓa! Ɗya Nga, tu̱k nu sawa ɓa!”

Matta 20:16

“Ku̱me nang nu̱ gana ka kha ma nu̱ guma, nu̱ guma ka kha ma nu̱ gana.”

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Matta 7:15

“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Luka 10:21

Ye sarchi nang, Yesu wa nyel nu̱ ɓong memu̱na ndu̱ kashari nu̱ ku̱nshe Jiimbi shakhshakhndi. Tu̱ zu̱ za, “Nga kunaro Aba, Zhinkir nu̱ viɗi ndu̱ maa vu̱ghai, ku̱me ta tuka ɗyiku nang gha ye nu̱ kaɗari ku ndu̱ nu̱ zu̱ndi ku̱, yang ta wuɗ ye qusonggi. I, Aba, ku̱me ta na wanang shiki yor mbari.

Yokhana 18:36

Tu̱ Yesu tlogha za, “Kwaaɗar ɓang ɗya poonan ɓu̱ larji ɓa, tu̱ga maaviku ɓang wa dakhla nduki ma vi nga nu̱ mbu̱ khar Yakhudeku ɓa.”

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 20:29

Nga zu̱n qu̱rse nga ɗu̱ vara yiɗi gaariku malkandi kaɗa vi nu̱ chele ɓaanu, yang ɓu̱ njig shapirang ɓa.

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

Filipiyeku 2:13

Jiwa Magham kya tlu̱nar mbu̱ memu̱na nu, viɗ ɗyine ku̱rti shimndi ɓaran, ma ku̱ shi nu ɗyi nu̱ dlu̱ki mban.

2 Tasalonikeku 1:11

Mbe kwaari ɗyiku nang chem a barar ye nu aakochi nu̱ ɗyine ku̱ Maghamndi ɓaarem sa tun shi khar viti nu̱ khaki dlu̱ran ndu̱ qar nu̱ qaki nu maaran. Bu ku̱ sa tun shi ɗyi mbarkandiku kap nun shimki shiran, nu̱ ku̱nshe zalale ɓaran tu̱ nyel tlu̱nar maito ɓaanu.

2 Tasalonikeku 1:5

Ɗyi nang kap a wutan za kumar ɓu̱ Magham ɗya kumar zhirekandi. Ma ku̱ gwa nu ku̱ shiga nu nu̱ mbu̱ nduki nu̱ke ka khaki nu̱ mbu̱ kwaaɗar ɓu̱ Magham. Ku̱me bonye nu̱ke tun a zaranang, tun a zaran ku̱me kwaaɗar ɓu̱ Magham.

Yibraniyeku 12:28

Yang nang ɗo, nu̱ke chem a ma viri nu̱ mbu̱ kwaaɗar nu̱ke ɓu̱ shi yakhta ɓa, ku̱ kuna mi, chem ghar ghai ye Magham wa nu̱ke a shimndan. Mbu̱ sawar ndu̱ vu̱rti gorkiri,

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

2 Bitu̱rus 1:11

Shir wanang ka sa tun gwa gaɗar mbarkandi ma viri nu̱ mbu̱ kwaaɗar ɓu̱ Zhinerem gwaanji nu̱ke nu̱ka shi woɗa ɓa ndu̱ nu̱ Nu̱ Ɗanar rem Yesu Masiya.

Ɗyin mbu̱ tukari 1:6

Chin gaɓki ndu̱ chem, chem kha ma kwaaɗari ndu̱ kuruku ma tlu̱nar ye Magham ndu̱ ɓaran nu̱ Zhin. Ku̱me nang bu ku̱ Yesu Masiya dlu̱ zhaaji ndu̱ kwaaɗar koɗokhsi sar da ɓa! Amin.

Ɗyin mbu̱ tukari 22:5

Virkir nje tu̱k ɓa, ɓu̱ gang pitile ku ɓa yang yarang fu̱ɗa ɓa, ku̱me Magham Zhinkir gwaanji ka vu̱rki yarang ye wora. Ka shi kwaaɗar ku koɗokhsi ɓa.