Luka 12:19 - Mewar Alqawarang

¹⁹ Yang tang zu̱ ve memu̱nara nga za, “Nggu̱t ka! Gu̱nar ɓaara nje khaaro, me sonyi khang, kho va gha to maasi, to zu̱m, to za, to tu̱k mu̱ndi ɓaaro.” ’

Luka 12:19 ပူးပေါင်းရင်းမြစ်များ

Luka 12:18

“Kom za, ‘Wonji ɗyi nu̱ke ngga shiki, nga ka gu̱ɗa gatleku ɓang nu̱gha tang du̱n rututundi tang zu̱ ye gur ɓanga ndu̱ ɗye vara nu̱ mban.

Luka 16:19

Tu̱ Yesu zu̱m guma ndu̱ ɓalarang za, “Nu̱ gu̱nar nggur a nje nu̱ka saki lukti vyangndi ndu̱ linen mbarkandi nu̱ me mu̱zhindi, a khar yele ɓaran.

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

1 Korintiyeku 15:32

Ye tamandi ɓaanu dakhlar nang shiki ndu̱ dlu gaariku Afisa nang, mbu̱ nga shi ku̱me ɗyi nu̱ke nduki ka saki memu̱na wor nu̱ ɗyinan, ngga gwakya nu̱m mban ɗo, mbu̱ke mu̱tiku ɓu̱ ji ɓa? “Bu zu̱m mi chem za, nu̱ke wuri chem a ma mu̱ti.”

Filipiyeku 3:19

Yang ka su̱ya ku ye lauɗar san. Mbu wor ke maghamndi ɓaanda. A worol ku ndu̱ ɗye kawar nu̱ shiki ku. Ɗyin larji ke damtar ɓaanda.

1 Timoti 5:6

Yang ku̱du̱w nokhzi nu̱ke a khar tu̱kti mu̱ndi ɓaran, mu̱tan aa nu̱ke a nje khurma.

1 Timoti 6:17

Zu̱ ma ye nu̱ gu̱narku nu̱ mbu̱ larji nang ku̱ kha ndu̱ gwaari ɗyin ku ɓa yang ku̱ sa memu̱na wor nu̱ ɗyin gu̱nar ɓaanda nu̱ke nu̱ka shoɓ ɓa nda ɓa. Ku̱ sakya memu̱na wor ye Magham nu̱ka vu̱rki aa nu̱m yerem kharan nggaran ma ku̱ tu̱k mi mu̱ndi.

2 Timoti 3:4

Nu̱ zu̱mndi amana, nu̱ wakho nu̱ke ɗyin su̱ ɓa, nu̱ nggu̱nggal ku, nduki nu̱ shimndi tu̱kti mu̱ndi tu̱ duk shimndi Magham.

Yaqub 5:5

Tun wa shi khar ɓaanu mbu̱ larji nang mbu̱ tu̱kti mu̱ndi, tun a zu̱mndi ndu̱ zari mbu̱ yele. Nu̱ke wanangang tun khutlokya ɗyinonu ma bu fu̱ɗar dlar qura nu.

1 Biturus 4:3

Jiwa tun wa woɗa su̱bu̱r sarchi mbe khar ɓaanu ɗau fara, nang ke pooni khar nu̱ke nduki nu̱ke nu̱ zu̱n Magham ɓa a tu̱k mu̱ndan. Tu̱ na aa nyi ɗye shir malkandi, ndu̱ melakh ɓu̱ man var ku zum zum, ndu̱ me kuyari, ndu̱ nggar zu̱mndi bamndi, ndu̱ zar ɗyiku bam bam, ndu̱ ghaari ghai ye mu̱lu̱mku, nu̱ khaki ma ɗye zhaana.

Ɗyin mbu̱ tukari 18:7

Vu̱r ma bonye yenda maɗyi ndu̱ chiti mbi, ku̱rku̱r ndu̱ zhaaji nu̱ tu̱kti mu̱ndi nu̱ vu̱rki ye varan, mbu̱ memu̱naran. A kham ɗyinan za, ‘Nga kuji nusukandi ɗyine zhakhɗye kwaaɗar ɓanga. Nga ku̱ɗuwan ɓa, yang sar da chiti mbu ɓu̱ gwa nga ɓa.’