Luka 12:15 - Mewar Alqawarang

¹⁵ Tu̱ zu̱m guma ndu̱ zu̱ran ye wor za, “Ku̱r ma vaanu, ka shi nu khape ɓa, aa gu̱nar ɓu̱ nduk khang wa nu̱m, chin ke nyifi ɓaran ɓa.”

Luka 12:15 ပူးပေါင်းရင်းမြစ်များ

Markus 7:22

Kom ndu̱ khape ndu̱ mu̱nari ndu̱ kotame ndu̱ kwari shimndi zawar ndu̱ zhiri ndu̱ su̱bu̱rti dlu̱m, ndu̱ gwaari ɗyin ndu̱ me nggu̱bu̱ng.

Luka 12:16

Kom tu̱ Yesu shi ku̱rti ɓalar nggur ye wora, za, “Njif nggur a nje mbu̱r fara, nu̱ke dam ɓaran shiki boote mbari.

Luka 16:14

Nu̱ Pariseku nu̱ shimndi mu̱zhindi maɗyi a tu̱kki ɓalar nang, tu̱ dut me wor nu̱ ɗyine Yesu.

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

Luka 8:14

Pooni nu̱ ku̱ɗbaki nu̱ ɓere njekhtikwang a khar wa nduki nu̱ tu̱kki, yang qan tu̱ ji kwaari ɗyin larji ndu̱ kaalar gu̱na, ndu̱ shimndi tu̱kti mu̱ndi larji tu̱ nggu̱tl wor shir ɗyi mbarkandi.

1 Korintiyeku 6:10

Nu̱ muuri ku, ndu̱ nu̱ khape ku, ndu̱ nu̱ me kuyar ku, ndu̱ nu̱ gu̱ndi virkir ku, ndu̱ nu̱ batal ku nu̱ke ka viki nu̱ mbu̱ kwaaɗar ɓu̱ Magham ɓa.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

2 Timoti 3:2

Ku̱me nduki ka kha ma nu̱ shimndi ɗyin vaanda, nu̱ ndolar mu̱zhindi ku, nu̱ wakhti ku, nu̱ gwaari ɗyin ku, nu̱ pu̱ziku bam bam. Nu̱ song tu̱kti man nda ndu̱ zhin nda, nu̱ song wuti kuna, nu̱ shimndi khar mbu̱ zop ku,

Yibraniyeku 13:5

Shakh ma ɗyinonu ndu̱ ndolar mu̱zhin, tun gu̱n memu̱nanu ndu̱ ɗyi nu̱ke a kha nu. Wonji Magham wa zu̱ za, “Sar da ngam ɓu̱ njigto nu ɓa, alambu̱ram, ngam ɓu̱ yaɓti nu gha ɓa.”

2 Bitu̱rus 2:14

Aakochi a korkya laɓti nusu, nu̱ka nggum ku ndu̱ shir sola ɓa. A lamba nduki nu̱ke du̱mbu̱ran ku mbu̱ maito ɓaanda ɓa. Wa kha ku wang mbe melakh ɓaanda. Magham ka kuma pooni nduki nang shwat.

2 Bitu̱rus 2:3

Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.