“Mbu̱ qusonggi rapndi nang, ki shiki ɗyi nu̱ke ku̱maandi ɓaranang a shimnda nang?” Tu̱ tlogha ku za, “Nu̱ gumapaalyang.” Tu̱ yang Yesu ze wor za, “Zhire ngaa zu̱ran ye nu, nu̱ dlu̱r zhaanggalku ndu̱ man mu̱nggu̱lku ka khan gume nu ndu̱ viri nu̱ mbu̱ kwaaɗar viɗi.
Kap ndu̱ nang, nga zu̱ran ye nu, aa kuji Solomon ndu̱ pooni zhaaji nu̱ke a khanda, sar da nu̱ sa lukti mbarkandi tu̱ shi viri wa da chele wuzu̱ndiku nang ɓa.
Tun datki nga ɓa, nga datki nu, tang sa nga za ɗu̱ nu tun a tlu̱na ɗyiku mbarkandi, qusonggi nu̱ke ka khaki koɗokhsi ɓa. Kom Zhinkirang ka vu̱r ɗyi nun khuɗki mbu̱ dlu̱ma ye nu kap.
Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.
Tu̱k ma ɗyi nu̱ Magham zu̱ki, “Nu̱ sarchi nang shimki wut nga mu̱nkir ɓang ye nu shiki, Tang tu̱kto nu. Nu̱ sarchi ɗanar a ɓa ki, Tang shaata nu.” Tu̱k ma! Nang ke sarchi nu̱ke tun ka dlu̱ki mu̱nkir ɓu̱ Magham, meeni ke fu̱ɗar gwar ɗanari!
Ku̱me nang, ku̱ kha mi ndu̱ shokhku̱rokh memu̱na. Chem a song nu̱ bing ndu̱ zhakhɗye mu̱nkir nu̱ kwaaɗar ɓu̱ Magham ma ku̱ na zhiyaye ɓaarem. Chem gwa mu̱nkir, nu̱ke ka shaataki rem mbu̱ sarchi nu̱ke chem a gang tunu.