Luka 11:49 - Mewar Alqawarang

⁴⁹ Nang ke ba ɗyi nu̱ Magham zu̱ki mbu̱ kaɗari ɓaran za, ‘Ngga ru̱k annabiku ndu̱ pudeku ye wora, yang kaa tlagha ɓeenan tu̱ vu̱r bonye ye ɓeenanku.’

Luka 11:49 ပူးပေါင်းရင်းမြစ်များ

Matta 22:6

yang ɓeenan ku̱skya maavikwang tu̱ shi dlabti ye wor tu̱ tlagha wora.

Luka 11:48

Nang wa wuɗ nu̱ ɗyine tun wa saida ɗyi nu̱ zhikannu shiki yang tu̱k tun a mbu su̱ wor ku̱me wor tlaghaki annabikwang, yang tun du̱nki ku̱jip ɓaanda rong ma kaani.

Luka 24:47

Yang ka shi wopar njigti solar ndu̱ yaapar solar mbu̱ dlu̱man ye nduki nu̱ larji kap, yang ka nggaasan Urshalima.

Yokhana 16:2

Ka komba nu ku ɓar mbu̱ maa tabar ɓaanda. Sarchi a nje a ɓari shwat nu̱ke aaki tlaghaki nu ka taman za chin a shikya tlu̱nar ɓu̱ Magham.

Tlu̱nar ɓu̱ Pudeku 1:8

Yang ba tun ka kha ndu̱ zalale sarchi nu̱ Jiimbi shakhshakhndi a shurki ye nu, tun ka kha ma saidu ku ɓanga mbu̱ Urshalima ndu̱ Yakhudiya ndu̱ Samariya ma yir me koɗokh larji kap.”

Tlu̱nar ɓu̱ Pudeku 11:27

Ye sarchi nang, tu̱ annabiku na viki Urshalima a ɓa Antakiya.

Tlu̱nar ɓu̱ Pudeku 22:20

Wonji sarchi nu̱ tlaghaki Istafanus nu̱ saidaro, nga nje chingndan ye maaran. Nga gu̱n su̱ ye ɗyi nu̱ shiki kwang, yang nga nggu̱tki luktiku ɓu̱ nduki nu̱ tlaghaki nda ye wora.’

Tlu̱nar ɓu̱ Pudeku 7:57

Tu̱ ndukyang fer zhaano ku tu̱ za dlu̱mndi wor nu̱gha, tu̱ zhan ɗyine nda ku guma da.

Tlu̱nar ɓu̱ Pudeku 8:3

Yang ɓu̱ Shawulu, tu̱ ku̱s vu̱r bonye maɗyikandi ye nu̱ mbu Yesu ku. Tu̱ ki viri rafa rafa, a ku̱di nusuku ndu̱ khuzuku, a khi wor gha zhaaru̱m.

1 Korintiyeku 1:24

Yang she nduki nu̱ Magham qaki wora aa ɗya Yakhudeku aa nduki nu̱ke ɗya Yakhudeku ɓa, Masiya ke zalale ɓu̱ Magham ndu̱ kaɗari ɓaran.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

Afiseku 4:11

Chin shiki vu̱rti ye nduki. Wa shi vu̱rti nu̱ khar ma pude ɓu̱ Yesu ye ɓeeni nduki, ɓeenan ɗya annabiku, ɓeenan ɗya wopar Labar Mbarkandang, ɓeenan ɗya nu̱ khutlo nduki yang ɓeenan ɗya nu̱ shogar ku ɓara.

Kolosiyeku 2:3

Chin ke ɗye qu̱ndi nu̱ qu̱ndi kap gu̱nar tukakandi nu̱ kaɗari ndu̱ zu̱ndi ɓu̱ Magham.

Ɗyin mbu̱ tukari 16:6

Jiwa nduki wa mbu̱t tom ɓu̱ daatiku ɓaaro ndu̱ ɓu̱ annabiku. Yang wonji ta vu̱r tom ye wor ku̱ za ku, nang ke ɗye ɓi ɓaanda ɗo!”

Ɗyin mbu̱ tukari 18:20

Shi kashari ɗyine nda, to mbu̱ viɗi! Shi ma kashari ɗyine nda, tun nduki ɓu̱ Magham ndu̱ pudeku ndu̱ annabiku! Jiwa Magham wa kuma nda ku̱me ɗyi nu̱ shiki ye nu.’ ”