Luka 11:31 - Mewar Alqawarang

³¹ Kuji nusukandi nu̱ke a kwaaɗar ghai Sheba ka ji su̱yen ndu̱ nduki nu̱ qaandi virkir meeni fu̱ɗar wuri tu̱ kha ma njiv kumar nduki nu̱ qaandi virkir meeni ku̱me wa ɗu̱ ma tu̱k kaɗari ɓu̱ kuji Solomon. Aa nu̱ke ghai ɓaran a ɓakh maɗyi, yang meeni wonji njif nu̱ dukki Solomon gwaari she nu.

Luka 11:31 ပူးပေါင်းရင်းမြစ်များ

Matta 12:42

Fu̱ɗar wuri, kuji nusukandi Sheba ka ji su̱yen ndu̱ nduki nu̱ qaandi virkir meeni tu̱ wuɗ ye wor za nu̱ shi ɗyi mbarkandi ku ɓa, ku̱me chin a ji ye maa ɓakhndi chin ɗu̱ ma tu̱k pooni kaɗari ɓu̱ kuji Solomon. Yang wonji njif nu̱ dukki Solomon fan.

Luka 3:22

Tu̱ Jiimbi ɓu̱ Magham a shur nu̱ ɗyine nda wa mboole. Tu̱ ɓalar a vi viɗi za, “To Yi ɓanga ngaa ndola ro, Nga tu̱k mu̱ndi ɓaaro maɗyi.”

Luka 9:35

yang tu̱ su̱qur a vi mbu̱ ku̱zaptang za, “Nang ke Yi ɓang nang datki, gwa ma dlu̱mndonu yenda.”

Romeku 2:27

Nduki nu̱ke su̱ wor dlaran ɓa yang a tlu̱na ɗyi nu̱ Bibitang zu̱ki, ka kuma ro, to nu̱ke bu̱lar Bibitang a nje khaaro, wonji ta dla soro nu̱gha tu̱k, yang no ka mbu zu̱r ɓu̱ Bibiti ɓu̱ Maghamang ɓa.

Yibraniyeku 11:7

Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.