Luka 11:13 - Mewar Alqawarang

¹³ Yang mbu̱ tun nu̱ solarku, tun wa zu̱n ɗyi mbarkandi nu̱ke tun ka vu̱rki ye qusonggi ɓaanu, bele zhunonu nu̱ viɗi nu̱ke kaa vu̱rki Jiimbi shakhshakhndi ye nu̱ khuti nda?”

Luka 11:13 ပူးပေါင်းရင်းမြစ်များ

Matta 5:16

Wanang tu̱k, bu ku̱ kha nu ndu̱ yarang gume nduki, ku̱me mbu̱ wa na ɗye shir mbarkandi nu̱ke tun a shiran, ka gor dlu̱m Zhinonu nu̱ke a mbu̱ viɗi.

Matta 5:45

Mbu̱ tun wa shi wanang tun ka kha ma qusonggi ɓu̱ Zhinonu nu̱ke a mbu̱ viɗi, ku̱me wa ka sa fu̱ɗar tu̱ shi yarang ɗyine nduki mbarkandi ndu̱ nduki malkandi, tu̱ vu̱r romndi ye nu̱ jeembu ndu̱ nu̱ mu̱narku.

Matta 6:14

“Ku̱me mbu̱ tun wa yaapa solar ɓu̱ nduki nu̱ shiki solar ye nu, Zhinonu nu̱ke a mbu̱ viɗi ka yaapa solar ɓaanu ye nu tu̱k.

Matta 6:30

Yang mbu̱ Magham ka ɗoona wuzu̱ndi gar nu̱gha mbari wanang aa nu̱ke nu̱ka shoɓ ku ɓa, mbu̱ wa gorku meeni, wur ka va wor nu̱gha, yang tun ɗa, alapa ɓu̱ ɗoona nu dukti nang ɓa? Tun nu̱ song maito!

Matta 6:32

Ku̱me nduki nu̱ke nu̱ zu̱n Magham ɓa kya laɓ poona ɗyiku nang. Yang Zhinonu nu̱ke a mbu̱ viɗi wa zu̱n tun a gang ɗyiku nang kap.

Matta 7:11

Mbu̱ yang tunu aa nu̱ke tun nu̱ mu̱narku yang tun wa zu̱n ɗyi mbarkandi nu̱ke tun ka vu̱rki ye qusonggi ɓaanu, yang Zhinonu nu̱ke a mbu̱ viɗi ɗa, ai ka vu̱r ɗyi mbarkandi ye nduki nu̱ khuɗki nda!

Luka 11:12

Ki ka vu̱rki ghu̱rɗar ye woi ɓarana mbu̱ke khuɗ kya nggaral?

Luka 11:2

Tu̱ Yesu ze wor za, “Mbu̱ tun a ma shi barari, tun zu̱ nun za, ‘Zhinerem, ku̱ dlu̱mor kha shakhshakh. Kwaaɗar ɓa ta ɓa.

Luka 18:7

Yang alapa Magham ɓu̱ ɗa kobyo ɓu̱ daatiku ɓaran nu̱ kya ghoori yenda fu̱ɗar ndu̱ virkir ɓa? Ka zhang tu̱k wor gha mu?

Yokhana 4:10

Tu̱ Yesu tlogha yenda za, “Mbu̱ ta zu̱n vu̱rti ɓu̱ Magham, ndu̱ njif nu̱ khuɗki ɗyim kha nang, tu̱ga ta khuti nda ka vu̱r ɗyim nu̱ka vu̱rki nyifiri yoro.”

Tlu̱nar ɓu̱ Pudeku 2:38

Tu̱ Biturus ze wor za, “Nggoɗ ma, tu̱ shi baptisme ye aaki chele ɓaanu mbu̱ dlu̱m Yesu Masiya ma ku̱ ndu̱m solar ɓaanu ye nu, tun ka dlu̱ Jiimbi shakhshakhndi mu̱nki.

Romeku 5:17

Solar ɓu̱ Adamu chin ɗyenda nu̱ saki tu̱ mu̱ti shi kwaaɗar ɗyine aaki nang, ɗya aa nu̱m ɓa mbu̱ ta gonta ndu̱ ɗyi nu̱ nduk kaadandi, Yesu Masiya nang a ɓa ki si. Chem gwa khang mu̱nkir ɓu̱ Magham ndu̱ vu̱rti nu̱ saki chem kha waare sola gume Magham nu̱ ku̱nshe nda. Chem ka shi kwaaɗar mbu̱ khar viti ɓaarem nu̱ ku̱nshe nda tu̱k.

Romeku 7:18

Nga zu̱ni, ye khar ɓang nduku, ɗyi mbarkandi a nje kharan mbya ɓa. Jiwa nga shim shi ɗyi mbarkandi, yang shir ɗyen wa ku̱na nga.

Romeku 8:32

Magham nu̱ nggu̱tlerem ndu̱ Yi ɓaran ɓa, tu̱ yang vu̱rti nda ku̱me chem kap. Yang Magham nu̱ vu̱rki Yi ɓaranang, ɓu̱ vu̱r aa nu̱m yerem kharan nggaran ɓa goma?

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.