Luka 10:42 - Mewar Alqawarang

⁴² Yang ba tun kaada ke ɗye gangi, Maryam wa kar tu̱ dat ɗyi mbarkandi, nu̱ke am ɓu̱ shi dlu̱ ɓar kha nda ɓa.”

Luka 10:42 ပူးပေါင်းရင်းမြစ်များ

Markus 8:36

A fu̱nke boote ni mbu̱ nduk wa gwa larji kap tu̱ yang mbu̱ɗ nyifi ɓarana?

Luka 10:39

Khachindi Marta a nje dlu̱man Maryam, tu̱ kha gha wudle Zhinerem gwaanji tu̱ ku̱s tu̱k ɓalar ɓaranang.

Luka 11:1

Sarchi nu̱ke Yesu woɗaki barar ye maa ngguri, tu̱ da chele ɓu̱ nu̱ mburindakwang khuɗ nda za, “Zhinerem gwaanji, shogo shir barar yerem tu̱k, wa nu̱ke Yokhana shogaki ye nu mburi nda kwang.”

Luka 12:20

“Yang tu̱ Magham ze nda za, ‘To nggu̱bu̱ng, to ka mu̱ɗ mbu̱ virkir nang, ki ka khaki nu̱ me ɗyiku no tabaki ye vaara na?’

Luka 12:33

Masa ma ɗyin kha nu ɓara, tun vu̱r sadke ye nduki nu̱ke nungndan. Shi ma du̱ngndi nu̱ ye maa nu̱ke am ɓu̱ su̱bu̱r ɓa. Du̱ng ma gu̱narang nu̱ mbu̱ viɗi she Magham ye maa nu̱ke ɓu̱ shi woɗa ɓa, nu̱ muuru ɓu̱ gwa maa muraran ɓa, yang susut ɓu̱ gwa tu̱ su̱bu̱r nu̱gha ɓa.

Luka 16:2

Tu̱ qa nu̱ tlu̱narang tu̱ ze nda za, ‘Nga tu̱k kya nyi pooni labar ɗyino shoɗa? A ɓo ndu̱ lagarkati shigar si ɗyi no shiki mbu̱ tlu̱nar ɓa ya kap, ku̱me tom kha ma nu̱ nggu̱ti gu̱narang ya tu̱k ɓa.’ ”

Luka 16:25

“Tu̱ Yibram tlogha yenda za, ‘Yi ɓanga, mbu̱ ta kori, ta woɗa dlu̱ ɗye ɓi ɓa mbarkandi mbu̱ khar viti no shiki larji. Yang chin Liazaru za kya bonye, wonji yang meeni wa gwa du̱ngndi memu̱na, ɓa yang ta mbu̱ bonye.

Luka 18:22

Nu̱ Yesu tu̱kki wanang, tu̱ ze nda za, “Ta mbu̱ɗ tun da nu̱ke no shi ɓa. Moso ɗyi nu̱ke a kha ɓar kap to vu̱r mu̱zhindan ye nu̱ nungndiku. To ka gwa du̱ngndi gu̱nar no shikyang mbu̱ viɗi. Kom to ɗa gaɓ to mburi nga.”

Luka 8:18

Ku̱me wanang, ku̱r ma vaanu ndu̱ dar mbu̱ ɗyi nu̱ke tun a tu̱ktan, ku̱me aaki tu̱kki shogar ɓang su̱yen ndu̱ dar mban, ka shaata dar mban yenda nu̱ si. Yang njif nu̱ke nu̱ shim tu̱ktan ma da nda mban ɓa, aa ɗyi nu̱ tamanki chin wa zu̱nang ka ɓa dlu̱ ɓar kha nda.”

Yokhana 11:1

Khuski nggur a nje mbu̱ gure Betani dlu̱man za Liazaru, yang varan mu̱n ɓa. Betani ke ghai ɓu̱ Maryam ndu̱ khachinkir ɓaran Marta.

Yokhana 11:19

Yakhudeku khang a ɓa she Marta ndu̱ Maryam ma qaandi mu̱ti khachindang ye wora.

Yokhana 12:3

Tu̱ Maryam da kulur mor zhiran mu̱nkandi nu̱ me mu̱zhindi nu̱ shiki ndu̱ nad me ɗyinan, tu̱ pu ye saari Yesu, tu̱ yang pasha saaranang nu̱gha ndu̱ ghosi ɗyinan. Tu̱ zhi mor mu̱nkandi nang dlu̱ mbu̱ raftang ɓar kap.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 4:14

yang aaki zaki ɗyim nu̱ke ngga vu̱rki yendang ɓu̱ tu̱k khuzhum gana tu̱k ɓa. Ɗyim nang vu̱rki yendang ka kha ma ɗyim nu̱ke a ɓaghar ma yir mbu̱ nyifi nu̱ke nu̱ka shi woɗa ɓa.”

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

1 Korintiyeku 13:3

Aa nga vu̱r ɗyin me khara ɓar kap ye nu̱ nungndiku, tang vu̱r vara ku̱ va nu̱ gha, mbu̱ nga nu̱ ndola ɓa, kap ɗyiku nang nu̱ boota nga ndu̱ aa nu̱m ɓa.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.