Luka 1:70 - Mewar Alqawarang

⁷⁰ ba wa nu̱ zu̱ki nu̱ ku̱nshe annabiku shakhshakhndi nu̱ dlu̱r ɓalarku she Magham nu̱ kya nje ku zhu tang.

Luka 1:70 ပူးပေါင်းရင်းမြစ်များ

Markus 12:36

Yang Dauda wa zu̱ ndu̱ men nu̱ ku̱nshe Jiimbi Shakhshakhndi za, Magham wa ze Zhinkir ɓang gwaanji za, “khon ve bu̱na nu̱ zu̱ma, kope nga sa nu̱ zhangndi ɓaa ku, tu̱ kha ma ɗye du̱ngndi saroro.”

Luka 24:44

Tu̱ ze wor za, “Nang ke ɓalar nang zu̱ki ye nu sarchi nu̱ke nga su̱yen ndu̱ tunwang, nga za ɗyi nu̱ Taurete ɓu̱ Musa ndu̱ Lagarkati ɓu̱ annabiku ndu̱ Zaburya zu̱ki ɗyina kap ka nyedli.”

Tlu̱nar ɓu̱ Pudeku 28:25

Ku̱me nang nu̱ da mbu̱ ɓu̱ yen ku ɓa. Me ku̱ njig ye maaranang ku, tu̱ Bulus zu̱ za, “Alapa Jiimbi shakhshakhndi wa shi zhire nu̱ shiki ɓalar ye zhikaneremku nu̱ ku̱nshe annabi Yishaya. Nu̱ zu̱ki za,

Romeku 1:2

Magham wa shi alqawar Labar mbarkandi nang zhu tang nu̱ ku̱nshe annabiku ɓaran, ba wa nu̱ke a nje bu̱laran mbu̱ bu̱lar Ɓalar ɓu̱ Magham shakhshakhndi.

Yibraniyeku 3:7

Ku̱me nang, ba wa nu̱ Jiimbi shakhshakhndi zu̱ki, “Meeni mbu̱ tun wa tu̱k su̱qur Magham a ɓalari,

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

2 Bitu̱rus 1:21

Jiwa ɓalar nu̱ annabiku zu̱ki nu̱ ɗa vi mbe shaandi ɓu̱ nduk sar da ɓa. Jiimbi shakhshakhndi ke nu̱ viri nu̱ mbu̱ memu̱na wora tu̱ sa wor ku̱ zu̱ ɗyiku nu̱ dlu̱ki ku she Magham.

2 Bitu̱rus 3:2

Nga shim ku̱ kor nu ɗyiku nu̱ke annabiku shakhshakhndi nu̱ zhu zu̱ki, kom ndu̱ ɓalar nu̱ Zhinerem gwaanji ndu̱ nu̱ ɗana rem zu̱ki mbu̱ me pudeku nu̱ ɗa ru̱kki nu̱ she nu.

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.