Luka 1:17 - Mewar Alqawarang

¹⁷ Ka ɗa ɓa mbu̱ du̱mbu̱r ndu̱ memu̱nar tlu̱nar ɓu̱ annabi Iliya, chin ka ɗa ɓa ki gume Zhinerem gwaanji ma daasa nduki yenda me ku̱ ɗa ɓa. Ka sa memu̱na khuzuku tu̱ gaɓ nu̱ ɗyin qusonggi ɓaanda, nu̱ nggarvarku ka gwa dlu̱mndi wor ye kaɗari ɓu̱ nduki ɓu̱ Magham.”

Luka 1:17 ပူးပေါင်းရင်းမြစ်များ

Matta 11:14

Mbu̱ tun wa dlu̱ wopar ɓu̱ Yokhana, chin ke Iliya nu̱ zu̱ki za a ɓarang.

Matta 14:4

Yokhana wa ze Khiridus za nu̱ shipa ku̱ ɓu̱r nda ɓa.

Matta 3:3

Nang ke njif nu̱ annabi Yishaya shiki ɓalar ɓaran za, “Su̱ qur njif nggur a wopar mbu̱ gaari a zu̱ran za, ‘Daasa ma njiv peetar ye Zhinerem gwaanji, kwaɗa ma yiti njivkwang yenda nu̱ gha kwatu̱ra!’ ”

Matta 3:4

Yang Yokhana sakya lukti nu̱ shiki ndu̱ ghosi dliimokh, ɗye gu̱ndi mbu̱ varanang ɗya ku̱zu̱m, ɗye zu̱mndi ɓaran ɗya mbeega ndu̱ ɗyim ɗyiri.

Luka 1:16

Ka sa nduki nu̱ Israila khang tu̱ gaɓ nu̱ she Maghamndi ɓaanda Zhinkir gwaanji.

Luka 1:76

To woi nang tu̱k, ka ɓa qa annabi ɓu̱ Maghamndi nu̱ viɗi. To ka khan gume Zhinerem gwaanji ma daasa njiv ɓar ɓaran.

Yokhana 1:13

Nu̱ kha ma qusonggi ɓu̱ Magham ve njiv gwar qusonggi ɓu̱ nduk ɓa, yang nu̱ ku̱nshe gontar ɓu̱ nusu ndu̱ khusku ɓa, yang shimndi ɓu̱ nduk ɓa. Ɗya shir ɓu̱ Magham.

Yokhana 1:34

Nga na wanang, nga saida tu̱k nu̱ ɗyine njif nang ɗya Yi ɓu̱ Magham.”

Yokhana 3:28

Aa tun nu̱ vaanu tun ka saida nga, ku̱me nga ze nu nga za, ‘Nga ke Masiya ɓa, yang a ru̱kti nga ma a ɓa nga gume ɓar ɓaran.’ ”

Tlu̱nar ɓu̱ Pudeku 10:33

Nang ke ɗyi nu̱ saki tang ru̱k nu̱ sho ɗau, yang wa shi mbar nu̱ke ta ɓa. Yang leendang wonji rem gume Magham ma tu̱k mi ɗyi nu̱ke zu̱ki za zu̱na yerem.”

Romeku 9:23

Shi wanang ma wut nji yele ɓu̱ zhaaji ɓaran ye ɗyiku nyin shimki ɗaana nji wora. Daasa ɗyiku nyin ɗaanaki nang nu̱ ɗawi ma ku̱ gwa zhaaji ɓaran.

Kolosiyeku 1:12

Tun ki kuna Magham Zhinkirang ye aa nyi sarchi, ku̱me chin saki chem khan chele nduki nu̱ke a ma gwa ɗye mbu̱ ge mbu̱ ɗyiku nu̱ daasaki ye nduki ɓaran, mbu̱ kwaaɗar ɓu̱ yarangi.

2 Timoti 2:21

Kap njif nu̱ shakki ɗyinan ndu̱ ɗyiku nu̱ke zhaaji su̱ ɓandi nang, ka kha ma ɗyi nu̱ khaki shakhshakh ma tlu̱nar nu̱ke zhaaji su̱ ye nu̱ raftang, a nje daasaran ma aa nyi tlu̱nar mbarkandi.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

1 Yokhana 2:28

Leendang, tun qusonggi ɓang nu̱ke nga ndolaran zu̱m ma guma ndu̱ khar mbe Masiya, ku̱me fu̱ɗa ɓar ɓaran chem ɓu̱ tu̱k kawa ɓa chem ka kha ndu̱ shokhku̱rokh memu̱na gume nda.

Ɗyin mbu̱ tukari 20:4

Kom tang na zhakhɗye ku, ndu̱ nduki nu̱ vu̱rki zalale kumar ye wora kharan ɗyinang. Yang tang na nyifiku ɓu̱ nduki nu̱ ɗakhki ɗyin wor nu̱gha ku̱me wa saida Yesu, ndu̱ ɓalar ɓu̱ Magham. Wor ke nduki nu̱ke nu̱ ghar ghai ye dlu gaari nang ɓa, yang nu̱ shi ye shipar ɓaranang zum ɓa. Nu̱ dlu̱ bakhti ɓu̱ dlu gaari nang nu̱ ve me guma wor ɓa yang ve khar wor ɓa. Wor a gaɓki tu̱ kha ndu̱ nyifiri tu̱k, tu̱ shi kwaaɗar ku su̱yen ndu̱ Masiya me sonyi du̱pu.