Kolosiyeku 3:4 - Mewar Alqawarang

⁴ Masiya ke nyifi ɓaanu zhirekandi. Mbu̱ a ɓa tu̱k, tun ka ɓa kha gha su̱yen ndu̱ chin tun gwa me ɓaanu mbe zhaaji ɓaran.

Kolosiyeku 3:4 ပူးပေါင်းရင်းမြစ်များ

Matta 13:43

Ye sarchi nang nu̱ dambi ku ka kha yarang wa fu̱ɗa mbu̱ kwaaɗar ɓu̱ Zhinkir ɓaanda. Nu̱ dlu̱mndi tu̱kti maa ku̱ tu̱kki.

Luka 17:30

“Ka shi ba wanang fu̱ɗar gaɓti ɓu̱ Yi ɓu̱ Nduku.

Yokhana 11:25

Tu̱ Yesu ze nda za, “Ai, nga ke jiiri mbe mu̱ti, nga ke nyifi tu̱k. Njif nu̱ maitaki nga, aa wa mu̱ɗi, ka ji.

Yokhana 14:3

Mbu̱ nga ɗi tang a daasa maa ye nu, ngga ɗa gaɓ tang ɗu̱ ndu̱ tun ye maa nu̱ke nga si, ku̱me kha nu gha sha.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

Romeku 8:18

Ai, bonye nu̱ke chem a zaran leendangang ɗya aa nu̱m ɓa mbu̱ ta gonta nda ndu̱ zhaaji nu̱ke a ma wutan yerem gana fan.

Romeku 8:19

Sarchi a nje a ɓari nu̱ke Magham ka ɓa wutki qusonggi ɓaran ye dalangi. Yang ɗyiku nu̱ du̱ngki kap a ku̱rsa sarchi nang wa nu̱m gom.

1 Korintiyeku 1:7

Ku̱me nang, nun laada gwa aa nyi barka sarchi nu̱ke tun zu̱ki yitonu tun a bu gaɓti ɓu̱ Zhinerem gwaanji Yesu Masiya ɓa.

1 Korintiyeku 15:43

Ka pa gha zhaaji su̱ ɓa, yang ka ji ndu̱ chin mbu̱ zhaaji. Ka pa gha du̱mbu̱r su̱ ɓa, ka ji ndu̱ chin du̱mbu̱ran.

2 Korintiyeku 4:17

Jiwa bonye koɗommandi nu̱ke chem a zaran nang ɓu̱ shoɓ ɓa, yang ka vu̱r zhaaji khangndi yerem koɗokh si ɓa.

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

Filipiyeku 3:21

Chin ke nu̱ zalale sar aa nu̱m kap nu̱ mbu̱ bu̱nan. Ka nggoɗ man vaarem ndu̱mkandi nang nu̱gha nu̱ ku̱nshe zalale ɓaranang, tu̱ gaɓ ndu̱ wor tu̱ kha wa man varan nu̱ zhaaji nang.

1 Tasalonikeku 4:17

Kom chem nu̱ke chem a nje ndu̱ nyifiri ye sarchi ni, ka da rem su̱yen ndu̱ wor mbu̱ ku̱zapti, ma ku̱ gama mi ndu̱ Zhinerem gwaanji mu̱na viɗi mbu̱ khu̱kheeti. Chem ka kha gha su̱yen ndu̱ Zhinerem gwaanji koɗokhsi ɓa.

1 Timoti 6:14

To khutlo woparku nang waare ɗye zop ndu̱ ɗye pu̱zi ma yir ye sarchi nu̱ Zhinerem gwaanji Yesu Masiya kaɗa gaɓki.

2 Timoti 1:1

Lagarkati nang a vi she Bulus pude ɓu̱ Masiya Yesu wa nu̱ Magham shimki tu̱ ru̱kti nga ma ku̱ zu̱ nga alqawar nyifi nu̱ke a mbe Masiya Yesu.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

1 Biturus 1:13

Ku̱me nang tun daasa memu̱na nu ma tlu̱nari, tun ku̱s vaanu yeyen, tun sa memu̱na nun ve mu̱nkir nu̱ke a ma vu̱rtan ye nu ye fu̱ɗar nu̱ke Yesu Masiya ka ɗa gaɓki.

1 Biturus 5:4

Mbu̱ tun wa shi wanang, ye fu̱ɗar nu̱ke Masiya chin Gorkir Nu̱ khutlorang ka ɗa ɓa ki, ka vu̱r ɗye zhar nu̱ zhaaji ye nu nu̱ke ɗyiman nu̱ka shi vi ɓar ɓa.

1 Yokhana 2:28

Leendang, tun qusonggi ɓang nu̱ke nga ndolaran zu̱m ma guma ndu̱ khar mbe Masiya, ku̱me fu̱ɗa ɓar ɓaran chem ɓu̱ tu̱k kawa ɓa chem ka kha ndu̱ shokhku̱rokh memu̱na gume nda.

1 Yokhana 3:2

Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.

1 Yokhana 5:12

Njif nu̱ gwaki Woyang, wa gwa nyifiri. Yang njif nu̱ke nu̱ gwa Yi ɓu̱ Magham ɓa, nyifi nje kha nda ɓa.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.

Ɗyin mbu̱ tukari 2:7

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu ku! Kap njif nu̱ raki wute nang, ngga vu̱r zalale nji ye qu̱far Nyifiri yenda nu̱ke a nje viɗ zhena ɓu̱ Magham mbu̱ viɗi.

Ɗyin mbu̱ tukari 22:1

Kom tu̱ nu̱ ru̱kti ɓu̱ Magham wut gaawu ya nu̱ka vu̱rki ɗyim nyifiri, yaryar wa gu̱las, yang a kuɗar she zhakhɗye ɓu̱ Magham ndu̱ ɓu̱ Ye gamndang.

Ɗyin mbu̱ tukari 22:14

“Nduki nu̱ shiɓki luktiku ɓaanda nu̱ gha, ma ku̱ gwa zalale nji qu̱far nyifiri, tu̱ vi ku nu̱ mbu̱ ghayang ve me viri, ɗya nu̱ barka ku.