Kolosiyeku 2:8 - Mewar Alqawarang

⁸ Ku̱ njig nu tu̱ nduk gaɓ ndu̱ tun ma maava nu̱ ku̱nshe lambar bamndi nu̱ kaɗari ɓu̱ nduk ɓa. Pooni zu̱ndi nang a vi she nduki nu̱ke a larji, kom ndu̱ khu̱kheetiku nu̱ke a zalale ndu̱ larji, nu̱ ɗa vi she Masiya ɓa.

Kolosiyeku 2:8 ပူးပေါင်းရင်းမြစ်များ

Matta 10:17

“Tun ku̱r vaanu ndu̱ nduki, ku̱me ka da zhaano ɓaanu nu̱ gume nu̱ kumarku tu̱ shi kurpi ye nu mbu̱ maa tabarku ɓaanda.

Matta 16:6

Tu̱ Yesu ze wor za, “Ku̱r ma vaanu, tun shakh ɗyinonu ndu̱ yis ɓu̱ Pariseku ndu̱ Sadukeku.”

Matta 7:15

“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Tlu̱nar ɓu̱ Pudeku 17:18

Wanang tu̱k, tu̱ Abikuriyeku ndu̱ Su̱tokiyeku nu̱ shiki zu̱ndi shi keele ndu̱ chin. Tu̱ ɓeenan chele ɓaanda zu̱ za, “Woɗye nu̱ khang ɓalar nang a zu̱kya nu̱ma?” Ɓeenan za, “Ba wa a shikya waazu ɓu̱ pooni maghamndiku nggur zum nu̱ke a nje khaarem fan ɓa.” Zu̱ wanang ku ku̱me Bulus a zu̱kya Labar Mbarkandi ɓu̱ Yesu, ndu̱ jiiri mbe mu̱ti.

Tlu̱nar ɓu̱ Pudeku 17:32

Nu̱ tu̱kki ɓalar dar nda nu̱ viɗi mbe mu̱ti tu̱ ɓeenan shi ɓalar ndu̱mndi yenda, yang tu̱ ɓeenan zu̱ za, “Chem a shim tu̱k mi ɗyi nu̱ke to ka zu̱ki ɗyine ɓalar nang tu̱k.”

Romeku 16:17

Nyeezaku, nga khutonu tun shi khankal ndu̱ nduki nu̱ka ɓa ki ndu̱ shakhti ɗyin chele ɓaanu tu̱ sa ɗye ji saari nu̱ gumenu, nu̱ke a kare ndu̱ shogar nun dlu̱ki. Kha ma ɓakh ndu̱ wora!

1 Korintiyeku 10:12

Ku̱me nang mbu̱ to chingndan shaanggu̱ɗang ye nar ɓaaro, ching gha va buran ma ku̱ nggu̱ɗ na ɓa.

1 Korintiyeku 8:9

Yang shi ma laya laya ku̱ gwar zalale nang sa tun a ɓa ndu̱ ɗye nggu̱di ɓu̱ nduki nu̱ke khukhutan mbe maito ɓaanda ɓa.

2 Korintiyeku 10:5

Chem wa ka ra aa nyi keele, chem gu̱ɗa aa nyi ɓalar nu̱ ka nggu̱tlki zu̱ndi Magham nu̱gha si, chem sa nduki tu̱ shi kwaari mbu̱ ghaari ghai ndu̱ mbu zu̱r ɓu̱ Masiya nu̱ke a shiran ku.

Galatiyeku 1:14

Tun wa zu̱n tu̱k nu̱ ɗyine nga mbu̱ ghaari ghai ɓu̱ Yakhudeku nang. Nga gwa zu̱mndi guma mbu̱ ghaari ghai nang tang duk nu̱ ji ɗyina ku nga nu̱ zhiri mburi me ghai ɓu̱ zhikanerem ku nang maɗyi.

Galatiyeku 4:3

Chem ba wanang tu̱k, chem a khar wa qusongga pichichi chem maaviku nu̱ke a mbu shogar ku ɓu̱ nduki nu̱ larji nang.

Galatiyeku 4:9

Yang nu̱ke tun wa zu̱n Magham leendang, “Aa nu̱ke ɗya Magham zu̱nki nu” Shi kikimndi tun a gaɓ ma mbu̱ shogarku ɓu̱ nduki nu̱ larji nang nu̱ke khukhutan kwang na? Ai, a khar ɗye zhiyaye ku. Nu̱m saki tun a shim gaɓ nu tun kha ma maavi ɓaanda tu̱ka?

Galatiyeku 5:15

Yang mbu̱ tun wa kha wa dlu gari ku, tun a dakhla yen, tun a ku̱ti, tun a nji yen, gaɓ ma nu̱ mbu̱ konyi ɓaanu ɗo, mbu̱ wanang ɓa tun ka su̱ya yen nu̱gha!

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Afiseku 4:20

Tun yang nun shoga tun wanang she Masiya ɓa!

Afiseku 5:6

Ku̱ nduk lamba nu ndu̱ ɓalar bamndi ɓa. Ai, shokhnar ɓu̱ Magham ka ɓa nu̱ ɗyine nu̱ zhangndi tu̱kti maa ku ku̱me pooni solarku nang.

Filipiyeku 3:2

Ku̱r ma ɗyinonu nu̱ yiɗaku nandang, nu̱ tlu̱nar malkandi ku, nu̱ dlar vaanda nu̱gha, za wora dla si nggwa.

Kolosiyeku 2:18

Ku̱me nang ku̱ njig nu tu̱ nu̱ pakhti ɗyin nggur shi nggu̱ti zop ye nu ku̱me yitan wa ka na ɗyin mbu̱ tuka ɓa. Pooni nduki nang wa ka gang vaanda nu̱ ve wuti katar ɗyin nu̱ wollo ndu̱ ghaari ghai ye nu̱ ru̱kti ku ɓu̱ Magham. Yang alapa ɓa a wutkya gwaari ɗyin nu̱ke ɗyin su̱ ɓa, ɗya nu̱ ndolar ɗyin ku ndu̱ nu̱ pooni ɗye shir malkandi ɓu̱ nduk ɗyenda.

Kolosiyeku 2:20

Nu̱ke tun wa mu̱t su̱yen ndu̱ Masiya, tun wa shakh ndu̱ khu̱kheetiku malkandi nu̱ larji nang, nu̱m saki tun ki khar ɓaanu wa tun ɓu̱ larji ma ɓar meenang na? Nu̱m saki tun ki mbu bibitiku nu̱ke nduki a vu̱rtan ye nu

Kolosiyeku 2:22

Pooni bibitiku nang a shikya ɓalar ɗyine ɗyiku nu̱ke nu̱ka shoɓ ku ɓa. Ɗya ɗyi nu̱ nduk shiki ndu̱ shogar ɓu̱ nduku.

Kolosiyeku 2:23

Ye nar ɓu̱ nduki pooni bibitiku nang kaɗari nje mban, wa ka vu̱r var wor tu̱ wut katar ɗyin ɓaanda mbe ghaari ghai nu̱ke a shiran ku aa nu̱ke kap ɗya wollo, tu̱ nduki ka vu̱r bonye ye var wora. Yang zhire ni chin ke bibitiku nang zalala nje su̱ nu̱ke ka shaataki nduk tu̱ duk du̱mbu̱r shimndi ɓu̱ manva ɓa.

1 Timoti 6:20

Timoti, to ɗang ɗyi nu̱ saki nu̱ mbu̱ kha ma nggu̱tanang. To shakh ɗyino ndu̱ ɓalar bamndiku nu̱ wuti ndu̱mndi ye Magham, ndu̱ shogar nu̱ke nyeedlan ndu̱ keeleku nu̱ daki ku za ɗya zu̱ni yang gatlan.

2 Timoti 3:13

Yang nduki malkandi ndu̱ nu̱ lambar ku nu̱ tlu̱nar malkandi ku ka shaata maatli, a lamba nduki, nduki a lamba wora.

Yibraniyeku 13:9

Ku̱ njig nu tu̱ mewar shogarku sa tun gal gha ɓa. Wa shipa ku̱ memu̱narem kha shokhku̱rokh nu̱ ku̱nshe mu̱nkir ɓu̱ Magham, yang nu̱ ku̱nshe mbu me ghai zu̱mndi ɗye zu̱mndi tu̱khu̱l ku ɓa. Pooni nang boota su̱ ye nduki nu̱ zu̱mki ɓa.

Yibraniyeku 3:12

Nyeezaku, shi ma ɗyi nu̱ke tun ka ɗu̱maki ma ku̱ njif nggur chele ɓaanu nu̱ke solar ndu̱ song maito nu̱ke a mbu̱ memu̱naran ka saki nda tu̱ njig Magham nu̱ nyifi ɓa.

1 Biturus 1:18

Jiwa tun wa zu̱n nu̱ ɗyine wa dli ɗyinonu mbe me ghaiku bamndi nu̱ zhikannu njigki ye nu. Nu̱ dli ɗyinonu ndu̱ ɗyiku nu̱ka su̱bu̱rki wa ghuri ndu̱ ginarwe ɓa.

2 Bitu̱rus 3:17

Ku̱me nang, tun raptaku nu̱ke nga ndolaran, nu̱ke tun wa woɗa da mbu̱ ɗyiku nang, ku̱r ma vaanu ndu̱ pooni nduki nu̱ njigki mbu Magham nang. Ku̱ shogar wollo ɓaanda da khangkal ɓaanu ɓar tun nggu̱ɗi tun njig ye maa nu̱ke tun a si ɓa.

2 Yokhana 1:8

Ku̱me nang ku̱r ma vaanu, ma ku̱ ɗyi nun tlu̱naki kha bam ɓa, me ɓu̱ nang tun gwa ɗye ɓi ɓaanu nyeedlan.