Kolosiyeku 2:4 - Mewar Alqawarang

⁴ Nga zu̱ nang ye nu ma ku̱ aaki lamba nu ndu̱ keele bamndi ɓa, aa me mbaran shoro.

Kolosiyeku 2:4 ပူးပေါင်းရင်းမြစ်များ

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 24:4

Tu̱ Yesu tlogha ye wor za, “Ku̱r ma vaanu, ku̱ aaki lamba nu ɓa.

Markus 13:22

Ku̱me Masiye nu̱ kotame ku ndu̱ annabi kotame ku ka ɗa viiku, kaa wut ɗye saidu ku, ndu̱ ɗye lazham ku, ma lamba nduki, mbu̱ ka ɗu̱ma ku tu̱ga ka lamba aa nduki datkandikwang.

Tlu̱nar ɓu̱ Pudeku 20:30

Aa chele ɓaanu ɓeeni nduki kaɗa vi tu̱ zu̱ shim nggoɗ zhire ku nu̱ gha, ma ku̱ dut nu̱ mbu Yesu ku nu̱ she wora.

1 Korintiyeku 2:4

yang kap ndu̱ nang, nang shi boote ndu̱ maghar ɓala nu̱ kaɗari ɓu̱ nu̱ mbu̱ shogar ndu̱ wopar labar mbarkandang ɓa. Nga njigkya zalale ɓu̱ Jiimbi shakhshakhndi tu̱ shi tlu̱nar ɓaran mbe shogar ndu̱ wopar labar mbarkandang,

2 Korintiyeku 11:3

Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

Galatiyeku 2:4

Ɓalar ku̱ nduk dla san nu̱gha nang a vi she nduki nu̱ kotaran ku za wor nyeezerem, nu̱ ɗa viki nu̱ chele ɓaarem mbu̱ tuka. Yang a vi ku ma su̱bu̱r dli ɗyin nyem gwaki nu̱ ku̱nshe Masiya Yesu nu̱ gha. A shim gaɓ ndu̱ chem ku ma maava,

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

Afiseku 4:17

Nga ɓalar nang ye nu, yang nga shikya maataran ye nu mbu̱ dlu̱m Zhinerem gwaanji nu̱ ɗyine, ku̱ kha nu wa nduki nu̱ke ɗya Yakhudeku ɓa nda ɓa, nu̱ kwaari bamndiku.

Afiseku 5:6

Ku̱ nduk lamba nu ndu̱ ɓalar bamndi ɓa. Ai, shokhnar ɓu̱ Magham ka ɓa nu̱ ɗyine nu̱ zhangndi tu̱kti maa ku ku̱me pooni solarku nang.

Kolosiyeku 2:18

Ku̱me nang ku̱ njig nu tu̱ nu̱ pakhti ɗyin nggur shi nggu̱ti zop ye nu ku̱me yitan wa ka na ɗyin mbu̱ tuka ɓa. Pooni nduki nang wa ka gang vaanda nu̱ ve wuti katar ɗyin nu̱ wollo ndu̱ ghaari ghai ye nu̱ ru̱kti ku ɓu̱ Magham. Yang alapa ɓa a wutkya gwaari ɗyin nu̱ke ɗyin su̱ ɓa, ɗya nu̱ ndolar ɗyin ku ndu̱ nu̱ pooni ɗye shir malkandi ɓu̱ nduk ɗyenda.

Kolosiyeku 2:8

Ku̱ njig nu tu̱ nduk gaɓ ndu̱ tun ma maava nu̱ ku̱nshe lambar bamndi nu̱ kaɗari ɓu̱ nduk ɓa. Pooni zu̱ndi nang a vi she nduki nu̱ke a larji, kom ndu̱ khu̱kheetiku nu̱ke a zalale ndu̱ larji, nu̱ ɗa vi she Masiya ɓa.

2 Timoti 2:16

To ɗa ɓalar bamndiku nu̱ wuti ndu̱mndi ye Magham, ku̱me nu̱ shiran ku wanang wa ka ɗu̱ ku ɓakh mbu̱ song sawar Magham.

2 Timoti 3:13

Yang nduki malkandi ndu̱ nu̱ lambar ku nu̱ tlu̱nar malkandi ku ka shaata maatli, a lamba nduki, nduki a lamba wora.

1 Yokhana 2:18

Tun qusonggi ɓanga, nang ke lauɗar su̱ qaandi virkirku. Ba wa nun tu̱kki za, nu̱ zhangndi Masiya a nje a ɓari, yang aa leendang nu̱ zhangndi Masiya ku khang a ɓa. Nang ke ɗyi nu̱ saki chem zu̱n za chem a mbu̱ lauɗar su̱ qaandiku.

1 Yokhana 2:26

Nga bu̱la ɗyikunang ye nu nu̱ ɗyine nduki nu̱ke a shim lamba nu ma gal nu gha.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

2 Yokhana 1:7

Nu̱ lambar nduki khang a vi ku, tu̱ lakhtan aa fu̱n mbu̱ larji. Nu̱ maita ku za Yesu Masiya a ɓa mbu̱ larji mbu̱ manva ɓa. Kap nu̱ pooni shogar nang wor ke nu̱ lamba ndu̱ nu̱ zhangndi Masiya.

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.

Ɗyin mbu̱ tukari 20:3

Tu̱ mbukti nda nu̱ mbu̱ ge gargha mboɓongndi nu̱ke tu̱ɓ si ɓaandang. Tu̱ za menang nu̱gha, tu̱ khi nu̱ gha tu̱ dlu̱rɗa nu̱ gha, ma ku̱ lamba dlar maa ku tu̱k ɓa, kope gaanje sonyi du̱pu (1,000) nang wa peeta. Qu̱rse nang ka ngga nda gha me sarchi koɗomma.

Ɗyin mbu̱ tukari 20:8

yang ka ɗa vi tu̱ lamba dlar maa ku nu̱ke a nje lakhtaran ve ngginggeetli vatndi ɓu̱ larji kap, wor ke, Gog ndu̱ Magog. Sheɗan ka taba wor ma dakhlari, khang ɓaanda ka kha wa wuɗyiri nu̱ me ɗyim chitndi.