Kolosiyeku 1:9 - Mewar Alqawarang

⁹ Nang ke ɗyi nu̱ saki ba ye sarchi nyem tu̱kki labar nang, nyem laada shi barar ye nu ɓa. Chem a khuɗ Magham ku̱ wut shimndi ɓaran ye nu ye dalangi ma ku̱ gwa nu kaɗari ɓu̱ Jiimba, tun gwa dar mbu̱ aa nu̱m kap.

Kolosiyeku 1:9 ပူးပေါင်းရင်းမြစ်များ

Yokhana 7:17

Aaki datki shir shimndi ɓu̱ Magham, ka zu̱n za shogar ɓanga vi she Magham, ɗya ɓang ɓa.

Tlu̱nar ɓu̱ Pudeku 12:5

Sarchi nu̱ke Biturus a zhaaru̱m, tu̱ tabar ɓu̱ nu̱ mbu Yesu ku ki barar ye Magham maɗyi ku̱me chin.

Romeku 12:2

Ku̱ mbu nu su̱ ɗyi nu̱ke nduki nu̱ larji nang a san ɓa, nggoɗ ma nu̱ ku̱nshe nggooti memu̱nanu, kom tun ka ɗu̱ma buuran tun zu̱n yel mbu̱ ɗya shimndi ɓu̱ Magham. Tun ka ɗu̱ma zu̱ndan nu̱ ɗyine shimndi ɓu̱ Magham mbari, dlu̱ran kom nyeedlan.

1 Korintiyeku 1:5

Jiwa tun gu̱naran mbe nda nu̱ ku̱nshe ɓalar ɓaanu ndu̱ zu̱ndi nun shiki kap,

Afiseku 1:8

nu̱ vu̱rki yerem koɗokhsi ɓa, ndu̱ kaɗari nu̱ke koɗokhsi ɓa, ndu̱ dar mbu̱ tun tu̱k.

Afiseku 5:10

gang ma kya ɗyi nu̱ke Zhinkir gwaanji ka tu̱kki mu̱ndan.

Afiseku 5:17

Ku̱me nang ku̱ kha nu ma nggu̱bu̱ngku ɓa, zu̱n ma ɗyi nu̱ke Magham a shim ku̱ shi nu.

Afiseku 6:6

Shi nu tlu̱nar nar yiti, wa nduki nu̱ke a shim ku̱ nduki kuna wor ɓa, nu̱ke tun maavi ɓu̱ Masiya, shi ma ɗyi nu̱ke Magham a shimndan, ndu̱ memu̱na nu da.

Filipiyeku 1:4

Nga ka shi kashar maɗyi sarchi nu̱ke nga barar ye Magham ku̱me tun kap,

Kolosiyeku 1:6

Labar mbarkandi nang a ɓar ndu̱ barke, a gwa dlu̱r aa fu̱n mbu̱ larji tu̱k, ba wa nu̱ shiki chele ɓaanu sarchi nun nggaki su̱ tu̱k labar mu̱nkir ɓu̱ Magham, tun da mbu̱ zhire nu̱ke a mban.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

Kolosiyeku 4:12

Apafaras da chele ɓaanu, nu̱ke ɗya maavi ɓu̱ Masiya Yesu, a qaandi ye nu. A barar maɗyikandi aakochi ku̱me tunu a khuɗ Magham ma ku̱ ching nu gha shaanggu̱ɗang, tun kha nyeedlan, tun a tlu̱na shimndi ɓu̱ Magham, mbonu kaada.

Kolosiyeku 4:5

Mbe khar ɓaanu ndu̱ nduki nu̱ke ɗya nu̱ mbu Yesu ku ɓa, tun shi aa nu̱m ndu̱ kaɗari, tun a boote ndu̱ aa nyi zalale nu̱ke a kha nu.

1 Tasalonikeku 1:3

Chem a kor tlu̱nar maito ɓaanu gume Maghamndi ɓaarem, ndu̱ Zhinkir ɓaarem, ndu̱ wute nu̱ke tun a san ku̱me ndola. Kom ndu̱ sar memu̱nar mbe kanaɗyi ku̱me sar memu̱nar nun shiki ɗyine Zhinerem gwaanji Yesu Masiya aakochi.

1 Tasalonikeku 5:17

Tun ki barar laada su̱ ɓa.

2 Tasalonikeku 1:11

Mbe kwaari ɗyiku nang chem a barar ye nu aakochi nu̱ ɗyine ku̱ Maghamndi ɓaarem sa tun shi khar viti nu̱ khaki dlu̱ran ndu̱ qar nu̱ qaki nu maaran. Bu ku̱ sa tun shi ɗyi mbarkandiku kap nun shimki shiran, nu̱ ku̱nshe zalale ɓaran tu̱ nyel tlu̱nar maito ɓaanu.

Filimon 1:4

Nga ka kuna Magham ku̱me to aakochi sarchi nu̱ke nga bararku ɓanga.

Filimon 1:6

Nga barar yoro ku̱me ching na gha kartap mbe zu̱r maito ɓa ye nduki, ku̱me ku̱ da na mbu̱ ɗyi mbarkandiku kap nu̱ke ɗya ɓaarem mbe Masiya.

Yibraniyeku 10:36

Wa shipa tun gu̱n memu̱na nu, ku̱me shir wanang ka sa tun shi shimndi ɓu̱ Magham, qu̱rsan tun gwa ɗyi nu̱ shiki alqawaranang.

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

Yaqub 1:5

Mbu̱ ke nduk a nje chele ɓaanu nu̱ke kaɗari ve nda ɓa, ku̱ khuɗ Magham nu̱ka vu̱rki ye aaki kharan nggaran yang nu̱ka zham me nduk ɓa, ka vu̱r yenda.

Yaqub 3:17

Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

1 Biturus 2:15

Jiwa ɗya shimndi ɓu̱ Magham ku̱ shi nu tlu̱nar mbarkandi gume nduki nu̱ke ghu̱rtan ku ɓa, ma ku̱ za nu me nduki nu̱ke a ɓalar ɗyine nu mbu̱ song zu̱ndi.

1 Biturus 4:2

Ku̱me nang khar ɓaran mbu̱ man va, ɗyi nu̱ke ka shiki zalale ndu̱ chin, ɗya shimndi ɓu̱ Magham, ɓu̱ mbu shimndi ɓu̱ manva ɓa.

1 Yokhana 2:17

Chin larji ndu̱ ɗye melakhku malkandi nu̱ke a mban a peetar ku, yang njif nu̱ke a shi ɗyi nu̱ke Magham a shimndan, ka gwa nyifi nu̱ke nu̱ka shi woɗa ɓa.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.