Galatiyeku 5:7 - Mewar Alqawarang

⁷ Tun a ɗar mbarkandi gumapaali. Yang ki zhaki nu̱ gume nu mbe mburi zhiryang na?

Galatiyeku 5:7 ပူးပေါင်းရင်းမြစ်များ

Matta 13:21

Yang nu̱ke nu̱ shi dlu̱dlarsi ɓa, nu̱ shoɓ maɗyi ɓa. Sarchi nu̱ bonye a ɓa ki ku̱me ɓalar ɓu̱ Maghamang, tu̱ gaɓ varan nu̱ gana.

Tlu̱nar ɓu̱ Pudeku 6:7

Tu̱ ɓalar ɓu̱ Magham shaata yir aa fu̱n. Tu̱ nu̱ mbu Yesu ku shaata shir khang maɗyi mbu̱ ghai Urshalima. Kuruku khang tu̱ maita labar mbarkandang.

Romeku 10:16

Yang nduki nu̱ Israila kap dlu̱ki Labar Mbarkandang ɓa. Ba wa nu̱ Yishaya zu̱ki za, “Zhinkir gwaanji, ki maitaki labar nyem zu̱kyang na?”

Romeku 15:18

Ngam ɓu̱ shi lu̱kshi ɓalar ɗyine ɗyi nggur ɓa, kope ɗyi nu̱ Masiya shiki nu̱ ku̱n sha nu̱ ɗa ɓa ki ndu̱ nduki nu̱ke ɗya Yakhudeku ɓa nu̱ Magham shiki. Tu̱ mbu zu̱r ɓaran nu̱ ku̱nshe ɓalar ɓanga ndu̱ tlu̱narku ɓanga.

Romeku 16:26

yang leendang a ɗal ye dalangi nu̱ ku̱nshe bu̱larku ɓu̱ annabiku. Nu̱ ku̱nshe zu̱r ɓu̱ Magham nu̱ke lauɗarsi ve nda ɓa, yang wa wut ɗyen tu̱k ye nduki kap, ma ku̱ maita ku ku̱ mbu.

Romeku 2:8

Yang nu̱ shimndi ɗyin ku, nu̱ke ka tlu̱nakya song zhire ndu̱ mu̱na, ka ɓi wor mbe su̱bu̱rti memu̱na ndu̱ shokhna.

Romeku 6:17

Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

1 Korintiyeku 9:24

Tun wa zu̱n mbu̱ nduki a palam ɗari, chele ɓu̱ nu̱ ɗar kwang, aakya wuta ku̱ peeta nji mu̱dlen, yang nduk kaada ka gwaki ɗye ɓiirang ɓa goma? Ki ma pooni ɗar nu̱ke ka saki tun gwa ɗye ɓiirang ɗo.

2 Korintiyeku 10:5

Chem wa ka ra aa nyi keele, chem gu̱ɗa aa nyi ɓalar nu̱ ka nggu̱tlki zu̱ndi Magham nu̱gha si, chem sa nduki tu̱ shi kwaari mbu̱ ghaari ghai ndu̱ mbu zu̱r ɓu̱ Masiya nu̱ke a shiran ku.

Galatiyeku 2:2

Nga ɗu̱ ku̱me Magham wa wut ya za ɗu̱ nga, nang khu̱lki tang qa dlegumeku ɓu̱ nu̱ mbu Yesu kwang nu̱ konggol tang zu̱ su̱ Labar mbarkandi nang wopaki ye nduki nu̱ke ɗya Yakhude ku ɓa ndang ye wora. Nga shi wanang ku̱me nang shim ku̱ tlu̱nar nang shiki ndu̱ nu̱ke nga shiran kha bam ɓa.

Galatiyeku 3:1

Tun nggu̱bu̱ng Galatiyeku, ki zu̱mki ɗyinonwa? Nga nang, nga wutki Yesu Masiya nu̱ katlki nda gha ɗyin qu̱far kaatli ye nu ye dalangi.

Galatiyeku 5:10

Yang kap ndu̱ nang nga maita nu. Khar ɓaarem mbe tlu̱nar ɓu̱ Zhinkir gwaanji saki tang maita nu̱ ɗyine tun ɓu̱ da ɓalar ɓu̱ njif nggur tu̱ duk ɓang ɓa. Yang njif nu̱ke a ɓar ndu̱ rokhdlar nang ka gwa kumari, aa nu̱zhin ɗya ki.

2 Tasalonikeku 1:8

Ma vu̱r bonye ye nduki nu̱ zhangki zu̱ndi Magham, kom ndu̱ nduki nu̱ zhangki mbu Labar mbarkandi ɓu̱ Zhinerem gwaanji Yesu gha.

Yibraniyeku 11:8

Maito saki tu̱ Yibram mbu zu̱r ɓu̱ Magham tu̱ ku̱s njiv ma yir ye maa nggur zum nu̱ shiki alqawaran yenda za ka ɓa zu̱m ɗye mbu̱ ge ni. Tu̱ yang ku̱s njivi aa nu̱ke nu̱ zu̱n ye maa nu̱ke chin a yir su̱ ɓa.

Yibraniyeku 12:1

Ku̱me nang, nu̱ke tabar ɓu̱ nu̱ saiduku khang maɗyi a nje kararan ndu̱ chem, bu ku̱ mbuk mi kap ɗyi nu̱ke ka nggu̱tlki rem ɗar gha, ndu̱ aa nyi solar nu̱ takhshaki rem nu̱ gha. Chem shi ɗar nu̱ke a gume rem nang ndu̱ shokhku̱rokh me bu̱n.

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.