Galatiyeku 5:1 - Mewar Alqawarang

¹ Masiya dli ɗyineremang ma ku̱ kha mi vaarem zu̱ran. Ku̱me nang tun ching gha shaanggu̱ɗang, vu̱r nu vaanu ma tlu̱nar maava tu̱k ɓa.

Galatiyeku 5:1 ပူးပေါင်းရင်းမြစ်များ

Matta 23:4

Wa ka gu̱n shipiti taɗakandi nu̱ke ka shi shar ku̱ nduk da, tu̱ sa ye nduki nu̱ daran yang ɓu̱ shaata nduki nu̱ daran a nu̱ ye khar da ɓa.

Luka 5:38

Ɗyim anap mewakandi ka zu̱n mbu̱ kidlingndi ku̱zu̱mndi mewakandi.

Tlu̱nar ɓu̱ Pudeku 15:10

Yang nu̱m saki tun a keela Magham nu̱ ku̱nshe du̱ngdi shipiti taɗakandi nang ye nu̱ mbu Yesu ku nang, ma nu̱ke aa chem ndu̱ zhikaneremku nyem ɗu̱ma daran ɓa?

Romeku 6:14

Ku̱ sola shi kwaaɗar ɗyine nu ɓa, nu̱ke tun a mbu̱ bu̱n Bibitang ɓa, tun a mbu̱ bu̱n mu̱nki.

Romeku 6:18

Wa dli ɗyinonu, tun lawa mbe sola, tun kha ma maavi ɓu̱ dambu.

Romeku 7:3

Mbu̱ ke zhimen a nje ndu̱ nyifiri, tu̱ yang ɓu̱r njif nggur zum, wa kha ma nu̱ zawa. Mbu̱ yang mu̱ɗ mu̱ɗi bibiti ɓu̱rtang a nje ɗyine nda tu̱k ɓa, aa wa shi ɓu̱rti ngguri nu̱ kha ma nu̱ zawa ɓa.

Romeku 7:6

Yang leendang ɗyinerem wa vi, chem wa lawa mbe Bibitang nu̱ke chem wa mu̱t mbe ɗyi nu̱ gu̱nki rem nu̱gha. Leendang chem a shikya tlu̱nar ɓu̱ Magham ndu̱ mewar khar viti nu̱ ku̱nshe Jiimbi ɓaran. Tlu̱nar nyem shiki ye Bibitikwang wa peeta.

Romeku 8:15

Jiwa Jiimbi nu̱ vu̱rki ye nwang ɗya nu̱ khar maava ɓa, nu̱ke tun ka tu̱kki sawa ɓa. Ɗya Jiimbi nu̱ gaɓki ndu̱ chem ma qusonggi ɓu̱ Magham, chem a qa Magham, nyem za, “Aba! Zhinki!”

Romeku 8:2

Nu̱ke bibiti ɓu̱ Jiimbi nu̱ka vu̱rki nyifiri wa lawa nga mbe bibiti solar ndu̱ mu̱ti nu̱ ku̱nshe Masiya Yesu.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

1 Korintiyeku 16:13

Kha ma daasaran, tun ching gha shaanggu̱ɗang mbu̱ maito ɓaanu, tun kha wang, ndu̱ du̱mbu̱r tu̱k.

1 Korintiyeku 7:22

Mbu̱ nduk ɗya maava, tu̱ yang Zhinerem gwaanji qa nda, she Zhinkir gwaanji ɗyinan dliiran, yang tu̱k mbu̱ nduk ɗya maava ɓa, tu̱ yang Zhinerem gwaanji qa nda, wa kha ma maavi ɓu̱ Masiya.

2 Korintiyeku 11:20

Jiwa mbu̱ nduk wa gaɓ ndu̱ tun ma maaviku ɓaran, tun wa ka kanaɗa, tun wa ka shi wanang aa nduk lawakya tun ɓar kha nu, aa shikya batal ye nu, aa wutkya ndolar ɗyin ye nu, aa ɓu̱tlonu.

2 Korintiyeku 3:17

Zhinkir gwaanji ke Jiimba. Yang ye maa nu̱ke Jiimbi ɓu̱ Zhinkir gwaanji a nje, dli ɗyin a nje.

Galatiyeku 2:4

Ɓalar ku̱ nduk dla san nu̱gha nang a vi she nduki nu̱ kotaran ku za wor nyeezerem, nu̱ ɗa viki nu̱ chele ɓaarem mbu̱ tuka. Yang a vi ku ma su̱bu̱r dli ɗyin nyem gwaki nu̱ ku̱nshe Masiya Yesu nu̱ gha. A shim gaɓ ndu̱ chem ku ma maava,

Galatiyeku 3:25

Yang leendang nu̱ke sarchi ɓu̱ maito a ɓa, chem a mbu̱ bu̱n Bibitang tu̱k ɓa.

Galatiyeku 4:26

Yang ɓu̱ Urshalime nu̱ke a mbu̱ viɗi ɗya maava ɓa yang chin ke manerem.

Galatiyeku 4:31

Ku̱me nang, nyeezaku, chem qusonggi ɓu̱ maava ɓa, chem qusonggi ɓu̱ nokhzi nu̱ zalalyang.

Galatiyeku 4:9

Yang nu̱ke tun wa zu̱n Magham leendang, “Aa nu̱ke ɗya Magham zu̱nki nu” Shi kikimndi tun a gaɓ ma mbu̱ shogarku ɓu̱ nduki nu̱ larji nang nu̱ke khukhutan kwang na? Ai, a khar ɗye zhiyaye ku. Nu̱m saki tun a shim gaɓ nu tun kha ma maavi ɓaanda tu̱ka?

Galatiyeku 5:13

Nyeezaku, ɓaanu qa nu ma ku̱ ɗyinonu vi. Yang shi ma laya laya ma ku̱ vi ɗyin nun gwaki nang kha ma njiv mbu shimndi ɓu̱ manva ɓa. Me ɓu̱ nang bu ku̱ sa tun shi tlu̱nar wuti ndolar ye yen.

Afiseku 6:14

Ku̱me nang, ching ma gha ndu̱ du̱mbu̱r ɗo, tun gu̱n wudlonu nu̱ gha ndu̱ zhire, ku̱ dambi kha ma lukti vi nu̱ kanggar memu̱nanu.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

1 Tasalonikeku 3:8

Yang leendang chem a nyifi shwat, ma nu̱ke tun a nje chingndan gha shanggu̱ɗang mbe Zhinkir gwaanji.

2 Tasalonikeku 2:15

Ku̱me nang, nyeezaku, tun ching gha shaanggu̱ɗang, tun khuɓ me ghai nyem shogaki ye nu, aa mbu̱ ɓala aa mbu̱ lagarkat.

Yibraniyeku 10:23

Bu ku̱ ching mi gha shanggu̱ɗang ɗyine sar memu̱nar ɓaarem, nu̱ke chem a saidaran, ku̱me njif nu̱ shiki alqawaran ɗya nu̱ zhire.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

Yibraniyeku 4:14

Yang ɗo, nu̱ke gorkir kuru gwaanji a nje khaarem, chin ke Yesu Yi ɓu̱ Magham chin nu̱ ɗu̱ki mbu̱ viɗi gume Magham, khuɓ mi maito ɓaarem nu̱ gha ɓang ɓang.

1 Biturus 2:16

Shi ma khar ɓaanu wa nduki nu̱ke ɗya maava ɓa, yang ku̱ gaɓ nu ndu̱ nang tu̱ kha ma njiv shir ɗyi nu̱ke galkandi ɓa. Shi ma khar nu̱ke ka wutki za tun maaviku ɓu̱ Magham.

2 Bitu̱rus 2:19

A da alqawar gwar ɗyin ye nduki, yang wor ndu̱ vaanda ɗya maavi ɓu̱ ɗye shir malkandi ku. Ku̱me nduk a khar maavi ɓu̱ ɗyi nu̱ke a zalale ndu̱ chin.

Yakhuda 1:3

Raptaku nu̱ke nga ndolaran, aa nu̱ke nga kasha bu̱laran ye nu ɗyine ɗanar ɓaarem nang. Yang qu̱rsan tang na wa ku̱s ku̱ bu̱la nga ye nu tang khutonu ku̱ shi nu wute maɗyi, ku̱me ɓalar maito ɓaarem nu̱ Magham saki nu̱ mbu̱ khar nu̱ mburi nda ku, sar kaada ye kharki.

Ɗyin mbu̱ tukari 2:25

Yang khuɓ ma ɗyi nu̱ke a kha nu mbari kope nga gaɓi.

Ɗyin mbu̱ tukari 3:3

Ku̱me nang kor ɗyi no tu̱kki to dlang. Nggoɗ to njig solar nu̱ke ta shiran to mbu zhire ni. Mbu̱ yang no nakha ɓa, ngga ɗa ɓa ba wa nu̱ke nu̱ muuru ka shiki, ngga ɗa ɓa yang tom ɓu̱ zu̱m sarchi nu̱ke ngga ɗa ɓa ki ɓa.