Galatiyeku 4:4 - Mewar Alqawarang

⁴ Yang nu̱ sarchi a khu̱lki tu̱m, tu̱ ɗa ru̱k Yi ɓaran. Yang kha nda nu̱ ku̱nshe nusu ɗyenda. Kha nda nu̱ mbu̱ bu̱n Bibitang,

Galatiyeku 4:4 ပူးပေါင်းရင်းမြစ်များ

Matta 1:23

“Nggu̱t ma, ye wonkha ka ɓa shi ghu̱rɓan, tu̱ kha ye khusku, ka qa dlu̱man za Imanuwel” mban za, “Magham su̱yen ndu̱ chem.”

Matta 3:15

Tu̱ yang Yesu tlogha yenda za, “Njig ku̱ kha ma wanang leendang, ku̱me wa shi mbari shem aa nyi tun nu̱ke ɗya shimndi ɓu̱ Magham.” Kom tu̱ Yokhana tlogha yenda.

Matta 5:17

“Taman nu za nga ɓakya ma nggu̱tl wopar ɓu̱ Musa ndu̱ bu̱larku ɓu̱ annabikwang nu̱gha ɓa. Na nga ɓa ma pasha wor nu̱gha ɓa, nga ɓakya ma nyel wora.

Markus 1:15

Tu̱ ku̱s zu̱ran za, “Sarchi wa shi ku̱me kwaaɗar ɓu̱ Magham wa shi bing, yang njig ma solar ɓaanu tun maita labar mbarkandang.”

Luka 1:31

To ka shi ghu̱rɓan, to kha woi ye khusku, to ka qa dlu̱man Yesu.

Luka 1:35

Tu̱ nu̱ ru̱ktang ze nda za, “Jiimbi shakhshakhndi ɓu̱ Magham ka shur nu̱ ɗyinoro, zalale ɓu̱ Magham nu̱ viɗi ka lu̱pa ro. Ku̱me nang, woyang ka kha shakhshakh, ka qa nda Yi ɓu̱ Magham.

Luka 2:7

Tu̱ kha ye khuski gomir ɓaran, tu̱ ɗyikhla nda nu̱ mbu̱ kapari, yang ku̱me song maa kha, tu̱ sa nda nu̱ mbu̱ ɗye zu̱r ɗye zu̱mndi ye ɗye nggarku.

Luka 20:44

Nu̱ke kuji Dauda wa qa Masiya kuji datkandi ɓu̱ Magham za, ‘Zhinkir ɓaran gwaanji.’ Yang Masiya ka kha ma zhikan kikimnda?”

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 10:36

yang nga nu̱ Magham wakaki, tu̱ ɗa ru̱kti nga nu̱ larji. Ka kha ma ɓalar ndu̱m ku̱me nga zu̱ za, ‘Nga Yi ɓu̱ Magham’ mu?

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 6:38

Jiwa na nga shur viɗi ma shi shimndi ɓang ɓa, nga ɓakya ma shi shimndi ɓu̱ njif nu̱ ɗa ru̱kki nga.

Yokhana 8:42

Tu̱ Yesu ze wor za, “Mbu̱ Magham ke zhinonu tu̱ga tun wa ndola nga, ku̱me nga vi she Magham, yang wonji nga fan. Na nga ɓa ndu̱ zalale ɓang ɓa, Magham a ru̱kki nga.

Tlu̱nar ɓu̱ Pudeku 1:7

Tu̱ Yesu ze wor za, “Zhinkirang ɗyenda ke nu̱ zalale sar sarchiku ndu̱ fu̱ɗarku, nu̱ vu̱r zalale zu̱ndi nang ye nu ɓa.

Romeku 1:3

Yang Labar Mbarkandang a shikya ɓalar ɓu̱ Yi ɓaran Masiya Yesu Zhinerem gwaanji. Ye khar ɓaran nduku, mbu̱ manva a vi me sham ɓu̱ Dauda.

Romeku 15:8

Jiwa nga zu̱ran ye nu nu̱ ɗyine Masiya wa kha ma nu̱ tlu̱nar ye Yakhudeku ma ku̱ wut zhire ɓu̱ ɓalar ɓu̱ Magham, tu̱ wut zhire ɓu̱ alqawar nu̱ shiki ye zhikankirku ɓaanda.

Romeku 5:6

Jiwa ba ye sarchi nu̱ khaki torop, mbu̱ sarchi nu̱ke chem ku̱naki shaata vaarem, tu̱ Masiya mu̱t ku̱me chem, chem nu̱ke ɗye shir ɓaarem nu̱ kha torop ndu̱ shimndi ɓu̱ Magham ɓa.

Romeku 8:3

Jiwa Magham wa shi ɗyi nu̱ke Bibitang nu̱ ɗu̱ma shiran ɓa ku̱me tu̱ɓti ɓu̱ nduku mbe ɗye shir ɓaran. Magham a ru̱kkya Yi ɓaran mbu̱ shipar ɓu̱ man vaarem nu̱ka shiki solar nang, ma ku̱ kha ma sadke ku̱me solar ɓaarem, tu̱ gu̱ɗa zalale ɓu̱ sola nu̱ gha mbu̱ man va.

Romeku 9:5

A khar nduki nu̱ke ɗya qusonggi ɓu̱ zhikankirku nu̱ nduki zu̱nki wor maɗyi. Masiya ɗya pooni ɓaanda ye khar ɓaran nduku. Chin nu̱ke ɗya Magham ɗyine aa nu̱m, bu ku̱ dlu̱ kunari koɗokhsi ɓa. Amin.

Afiseku 1:10

Ku̱rti ɓaran chin ke, mbu̱ sarchi wa nyedli, chin ka taba aa nu̱m ɗyi nu̱ke a viɗi kap ndu̱ ɗyiku nu̱ vu̱ghai tu̱ khan mbu̱ bu̱n zalale ɓu̱ Masiya.

Kolosiyeku 2:14

Tu̱ pasha kudum malkandi bu̱lakandi ɗyinerem nu̱ gha, kom ndu̱ bibiti nu̱ke a si, tu̱ pasha wor nu̱gha guma da, nu̱ ku̱nshe kaatlan gha me qu̱far kaatli.

1 Timoti 2:6

Chin vu̱rki nyifi ɓaran ma dli ɗyin nduki kap. Nang ke saidu nu̱ Magham vu̱rki ye larji mbu̱ sarchi ni.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Yibraniyeku 2:14

Yang nu̱ke qusonggi nang ɗya dlu ndu̱ tom, tu̱ kha wa wor tu̱k nu̱ daki man var nu̱ke ɗya dlu ndu̱ tom tu̱ kha man var wor wayen. Shi wanang ma ku̱ tlagha nji njif nu̱ke zalale mu̱ɗi a mbu̱ kharan, chin ke Sheɗan, nu̱ ku̱nshe mu̱ti ɓaran nu̱ shiki.

Yibraniyeku 9:10

Yang ɗyiku nang ɗya ɓalar zu̱mndi ndu̱ zari, ndu̱ shibtiku zum zum. Ɗyiku nang ɗya bibitiku ɓu̱ nduku nu̱ shiki me ku̱ sarchi ɓu̱ mewar ɗyiku a ɓa.

1 Yokhana 4:14

Chem wa nggu̱ɗi, chem saida tu̱k nu̱ ɗyine Zhinkirang wa ru̱k Yi ɓaran tu̱ kha ma Nu̱ Ɗanar larji.

1 Yokhana 4:2

Wonji ma ɗyi nu̱ke tun ka zu̱nki Jiimbi ɓu̱ Magham nu̱ si, aa nyi jiimba nu̱ saidaki za Yesu Masiya a ɓa mbu̱ man va, a vi she Magham.