Galatiyeku 4:3 - Mewar Alqawarang

³ Chem ba wanang tu̱k, chem a khar wa qusongga pichichi chem maaviku nu̱ke a mbu shogar ku ɓu̱ nduki nu̱ larji nang.

Galatiyeku 4:3 ပူးပေါင်းရင်းမြစ်များ

Matta 11:28

“A ɓa ma sha kap ɓaanu, tun nu̱ke nun nggumki tun a bonye ndu̱ shipiti taɗakandi ku, ngga vu̱r maasi ye nu.

Yokhana 8:31

Tu̱ Yesu ze Yakhudeku nu̱ maitaki nda za, “Mbu̱ tun wa zu̱m guma ndu̱ khubti shogar ɓanga, tun ke nu̱ mburi nga ku zhirekandi.

Tlu̱nar ɓu̱ Pudeku 15:10

Yang nu̱m saki tun a keela Magham nu̱ ku̱nshe du̱ngdi shipiti taɗakandi nang ye nu̱ mbu Yesu ku nang, ma nu̱ke aa chem ndu̱ zhikaneremku nyem ɗu̱ma daran ɓa?

Romeku 7:14

Chem wa zu̱n nu̱ ɗyine Bibitang ɗya ɗyin mbu̱ jiimba. Yang ɗye shir ɓang ɗya ɓu̱ nduku, nga maavi ɓu̱ sola.

Romeku 8:15

Jiwa Jiimbi nu̱ vu̱rki ye nwang ɗya nu̱ khar maava ɓa, nu̱ke tun ka tu̱kki sawa ɓa. Ɗya Jiimbi nu̱ gaɓki ndu̱ chem ma qusonggi ɓu̱ Magham, chem a qa Magham, nyem za, “Aba! Zhinki!”

2 Korintiyeku 11:20

Jiwa mbu̱ nduk wa gaɓ ndu̱ tun ma maaviku ɓaran, tun wa ka kanaɗa, tun wa ka shi wanang aa nduk lawakya tun ɓar kha nu, aa shikya batal ye nu, aa wutkya ndolar ɗyin ye nu, aa ɓu̱tlonu.

Galatiyeku 2:4

Ɓalar ku̱ nduk dla san nu̱gha nang a vi she nduki nu̱ kotaran ku za wor nyeezerem, nu̱ ɗa viki nu̱ chele ɓaarem mbu̱ tuka. Yang a vi ku ma su̱bu̱r dli ɗyin nyem gwaki nu̱ ku̱nshe Masiya Yesu nu̱ gha. A shim gaɓ ndu̱ chem ku ma maava,

Galatiyeku 3:19

Yang mbu̱ wanang nu̱m saki tu̱ ɗa ɓa ndu̱ Bibitang na? Shaata Bibitang nu̱ si ma ku̱ wut sola ye dalangi. A ɓa si ma ku̱ shi boote si ma ɓar sarchi nu̱ke pooni ɓu̱ Yibram nang ka ɗa ɓa ki, ku̱me shi alqawarang ku̱me chin. Yang wonji Bibiti nang, ɗya nu̱ ru̱kti ɓu̱ Magham vu̱rki, nu̱ ku̱nshe nu̱ somta.

Galatiyeku 4:2

A mbu̱ bu̱n nu̱ molar nda ku a nggu̱t gu̱nar ɓaranang yenda ku kope sarchi nu̱ zhin du̱ngki yendang wa nyedli.

Galatiyeku 4:24

Ɗyi nang a wutkya ɗyi nggur yerem, nusuku rapndi nang a khar wa pooni alqawarku rap. Khajara ke man maaviku, a khar wa alqawar nu̱ shiki ɗyin Dleng Sinai.

Galatiyeku 4:25

Chin Khajara a khar wa chin ke Dleng Sinai nu̱ke a mbu̱ maa ɓu̱ Laru̱beku, a wut shipar ghai Urshalima nu̱ke a nje leendang, ku̱me chin ndu̱ qusonggi ɓaran ɗya maaviku.

Galatiyeku 4:31

Ku̱me nang, nyeezaku, chem qusonggi ɓu̱ maava ɓa, chem qusonggi ɓu̱ nokhzi nu̱ zalalyang.

Galatiyeku 4:8

Mbu̱r fara nun zu̱n Magham ɓa, tun a ghar ghai ye mu̱lu̱mku nu̱ke ɗya aa nu̱m ku ɓa.

Galatiyeku 4:9

Yang nu̱ke tun wa zu̱n Magham leendang, “Aa nu̱ke ɗya Magham zu̱nki nu” Shi kikimndi tun a gaɓ ma mbu̱ shogarku ɓu̱ nduki nu̱ larji nang nu̱ke khukhutan kwang na? Ai, a khar ɗye zhiyaye ku. Nu̱m saki tun a shim gaɓ nu tun kha ma maavi ɓaanda tu̱ka?

Kolosiyeku 2:20

Nu̱ke tun wa mu̱t su̱yen ndu̱ Masiya, tun wa shakh ndu̱ khu̱kheetiku malkandi nu̱ larji nang, nu̱m saki tun ki khar ɓaanu wa tun ɓu̱ larji ma ɓar meenang na? Nu̱m saki tun ki mbu bibitiku nu̱ke nduki a vu̱rtan ye nu

Kolosiyeku 2:8

Ku̱ njig nu tu̱ nduk gaɓ ndu̱ tun ma maava nu̱ ku̱nshe lambar bamndi nu̱ kaɗari ɓu̱ nduk ɓa. Pooni zu̱ndi nang a vi she nduki nu̱ke a larji, kom ndu̱ khu̱kheetiku nu̱ke a zalale ndu̱ larji, nu̱ ɗa vi she Masiya ɓa.

Yibraniyeku 5:12

Leendang shipa tu̱ga tun ka shogaki ɓar ye nduki, yang ma ɓar meeni tun a shim ku̱ njif nggur maata shogarku ndolndolndi nu̱ ɓalar ɓu̱ Magham ye nu. Nun khu̱l ma zu̱m ɗye zu̱mndi kaaku̱ɗakhndi ɓa, tun a zakya ɓiɓi ɗyenda!

Yibraniyeku 7:16

Yang kuru nang nu̱ ɗa ɓa nu̱ ku̱nshe mburi me ghai tom me sham ɓa, a ɓa nu̱ ku̱nshe zalale nyifi nu̱ke nu̱ka shi su̱ya ɓa.