Galatiyeku 4:11 - Mewar Alqawarang

¹¹ Ɗyi nun shiki nang wa sa tang tu̱k sawa, ba wa no za bonye nang zaki ɗyinonu nang wa kha bam!

Galatiyeku 4:11 ပူးပေါင်းရင်းမြစ်များ

Tlu̱nar ɓu̱ Pudeku 16:6

Tu̱ baara dlar ghai Pargiya ndu̱ Galatiya nu̱ke Jiimbi shakhshakhndi wa nggu̱tl wor ku̱ shi ɓalar ɓu̱ Magham mbu̱ dlar ghai Asiya ɓa.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

Galatiyeku 2:2

Nga ɗu̱ ku̱me Magham wa wut ya za ɗu̱ nga, nang khu̱lki tang qa dlegumeku ɓu̱ nu̱ mbu Yesu kwang nu̱ konggol tang zu̱ su̱ Labar mbarkandi nang wopaki ye nduki nu̱ke ɗya Yakhude ku ɓa ndang ye wora. Nga shi wanang ku̱me nang shim ku̱ tlu̱nar nang shiki ndu̱ nu̱ke nga shiran kha bam ɓa.

Galatiyeku 4:10

Tun wa gaɓ tun a khutlo fu̱ɗarku ndu̱ chereku ndu̱ sarchiku zum zum ndu̱ sonyiriku.

Galatiyeku 4:12

Yang nga khutonu nyeezaku, kha ma wa nga jiwa nga wa tun tu̱k yang nun shi zop ya sar da ɓa.

Galatiyeku 4:20

Awai! Tu̱ga nga su̱yen ndu̱ tun leendang, mbu̱m nga su̱qura nu̱gha. Ai, nga damtaran maɗyi ku̱me tunu!

Filipiyeku 2:16

Kha ma ma yarang nu̱ke a wuti, tun khuɓ ɓalar nu̱ka vu̱rki nyifiri nang maɗyi, ngga shi wakhti ye Fu̱ɗar nu̱ke Masiya ka ɗa gaɓki ku̱me nang shi wute tang za bonye bam ɓa.

1 Tasalonikeku 3:5

Nang ke ɗyi nu̱ saki nang kanaɗa ɓa, tang ru̱k ma tu̱k nga labar maito ɓaanu. Nga sawa ku̱ nu̱ lambar nang, chin Sheɗan lamba nu, ku̱ tlu̱nar ɓaarem kha bam ɓa.

2 Yokhana 1:8

Ku̱me nang ku̱r ma vaanu, ma ku̱ ɗyi nun tlu̱naki kha bam ɓa, me ɓu̱ nang tun gwa ɗye ɓi ɓaanu nyeedlan.