Galatiyeku 3:8 - Mewar Alqawarang

⁸ Bu̱lar Ɓalar ɓu̱ Magham wa zu̱ zhu za ɓeeni nduki nu̱ke ɗya Yakhudeku ɓa ka gwa khar waare sola gume Magham nu̱ ku̱nshe maitar nda. Ku̱me zhu wa zu̱ Labar Mbarkandang ye Yibram za, “Larji kap ka gwa barke nu̱ ku̱n shoro.”

Galatiyeku 3:8 ပူးပေါင်းရင်းမြစ်များ

Yokhana 19:37

Ye maa nggur mbu̱ bu̱lar ɓalar ɓu̱ Magham nu̱ zu̱ki tu̱k za, “Ka nggu̱t njif nu̱ wor zhokhkyang.”

Yokhana 7:38

Kap njif nu̱ maitaki nga, ‘Njiv ɗyimku nu̱ke a ɓagha ɗyim nyifiri kaɗa kuɗa mbu̱ memu̱na aa nyi nduk nu̱ maitaki nga ba wa nu̱ bu̱lar ɓalar ɓu̱ Maghamang zu̱ki.’ ”

Yokhana 7:42

Nu̱ Bu̱lar ɓalar ɓu̱ Magham zu̱ za Masiya ka ɗa vi mbu̱ zhikankirku ɓu̱ Dauda ɓa goma? Yang ka ɗa vi mbu̱ ghai Baitalami, ye maa nu̱ Dauda khaki nu̱ njang de?

Tlu̱nar ɓu̱ Pudeku 2:35

kope nga sa nu̱ zhangndor ku nu̱ mbu̱ saaro ro.” ’

Romeku 9:17

Jiwa Bu̱lar ɓalar ɓu̱ Magham zu̱ ye Firauna za, “Nga sa to zu̱m kujirang ma wut nga zalale ɓang nu̱ ɗyinoro, ma ku̱ wopa dlu̱ma mbu̱ larji kap.”

Romeku 9:30

Yang chem ka zu̱ nyem za nu̱m ɗo? Nduki nu̱ke ɗya Yakhudeku ɓa nu̱ laɓ khar ma nu̱ dambu gume Magham ɓa, yang tu̱ gwa ku. Khar ma nu̱ dambu gume Magham nu̱ gwaki ku nang, ɗya pooni khar dambi nu̱ke nduk ka gwaki nu̱ ku̱nshe maito.

Galatiyeku 3:16

Wanang tu̱k, Magham wa ching ndu̱ alqawar gha chele ɓaran ndu̱ Yibram ndu̱ pooni ɓaran tu̱k. Lagarkatang nu̱ zu̱ za, “Ndu̱ pooniku” ɓaran ɓa, ma ku̱ taman mi za wor khang. Zu̱ za, “pooni ɓaaro” nduk kaada, chin ke Masiya.

Galatiyeku 3:22

Yang bu̱lar Ɓalar ɓu̱ Maghamang zu̱ za larji kap a khar maavi ɓu̱ sola. Shi wanang ku̱me ku̱ vu̱r alqawar nu̱ shiki nu̱ ku̱nshe maitar Yesu Masiya ye nduki nu̱ maitaki.

Galatiyeku 4:30

Yang a nje bu̱laran mbu̱ bu̱lar Ɓalar ɓu̱ Magham za, “Kombo nokhzi nu̱ke ɗya maavi nang ɓara ndu̱ woi ɓaranang. Ku̱me woi ɓu̱ maavi nang ɓu̱ gwa shakhti ɗye mbu̱ ge su̱yen ndu̱ woi ɓu̱ nokhzi nu̱ke ɗya maava ɓa ndang ɓa.”

Yibraniyeku 4:2

Jiwa chem wa woɗa tu̱k Labar Mbarkandang ba wa nu̱ tu̱kki ku. Yang Labar mbarkandi nu̱ tu̱kki kwang nu̱ boota wor sar da ɓa, ku̱me nu̱ dlu̱ ku su̱yen ndu̱ maito ɓa.

Ɗyin mbu̱ tukari 11:15

Tu̱ nu̱ ru̱kti ɓu̱ Magham nu̱ mut pi domndi ɓaran. Tang tu̱k su̱qur ɓalarku khang du̱mbu̱rkandi mbu̱ viɗi a zu̱ran ku za: “Kwaaɗar ɓu̱ larjyang wa kha ma kwaaɗar ɓu̱ Zhinerem gwaanji ndu̱ ɓu̱ Masiye ɓaran, yang ka shi kwaaɗar aakochi koɗokhsi ɓa!”