Galatiyeku 3:1 - Mewar Alqawarang

¹ Tun nggu̱bu̱ng Galatiyeku, ki zu̱mki ɗyinonwa? Nga nang, nga wutki Yesu Masiya nu̱ katlki nda gha ɗyin qu̱far kaatli ye nu ye dalangi.

Galatiyeku 3:1 ပူးပေါင်းရင်းမြစ်များ

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 7:26

“Yang tu̱k kap njif nu̱ tu̱kki ɓalar ɓang nang, tu̱ yang zhang tlu̱nar si gha a khar wa nggu̱bu̱ng nggur nu̱ du̱nki rafti ɓaran nu̱ ɗyin wuɗyiri.

Luka 24:25

Tu̱ yang Yesu ze wor za, “Ai sagharku, tun nu̱ke nun ka maita ɓalar ɓu̱ annabiku mbu̱ memu̱nanu kap ɗau ɓa.

Tlu̱nar ɓu̱ Pudeku 16:6

Tu̱ baara dlar ghai Pargiya ndu̱ Galatiya nu̱ke Jiimbi shakhshakhndi wa nggu̱tl wor ku̱ shi ɓalar ɓu̱ Magham mbu̱ dlar ghai Asiya ɓa.

Tlu̱nar ɓu̱ Pudeku 6:7

Tu̱ ɓalar ɓu̱ Magham shaata yir aa fu̱n. Tu̱ nu̱ mbu Yesu ku shaata shir khang maɗyi mbu̱ ghai Urshalima. Kuruku khang tu̱ maita labar mbarkandang.

Romeku 10:16

Yang nduki nu̱ Israila kap dlu̱ki Labar Mbarkandang ɓa. Ba wa nu̱ Yishaya zu̱ki za, “Zhinkir gwaanji, ki maitaki labar nyem zu̱kyang na?”

Romeku 2:8

Yang nu̱ shimndi ɗyin ku, nu̱ke ka tlu̱nakya song zhire ndu̱ mu̱na, ka ɓi wor mbe su̱bu̱rti memu̱na ndu̱ shokhna.

Romeku 6:17

Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

1 Korintiyeku 11:26

Mbu̱ ɓalar nang a wutan za sarchi nu̱ke tun a nji ɓurti tolirang, tun a zaran mbu̱ ɗyekhtang, tun a wopakya mu̱ti ɓu̱ Zhinerem gwaanji, ma yir sarchi nu̱ke ka ɗa gaɓki.

1 Korintiyeku 2:2

Ku̱me nga da ye memu̱nara nu̱ ɗyine mbu̱ khar ɓang ndu̱ tunu kap, ngam ɓu̱ shoga ɗyi nggur ye nu ɓa kope ɓalar ɓu̱ Yesu Masiya, yang nu̱ shi wa katli nda gha nu̱ shikya ɓa.

2 Korintiyeku 10:5

Chem wa ka ra aa nyi keele, chem gu̱ɗa aa nyi ɓalar nu̱ ka nggu̱tlki zu̱ndi Magham nu̱gha si, chem sa nduki tu̱ shi kwaari mbu̱ ghaari ghai ndu̱ mbu zu̱r ɓu̱ Masiya nu̱ke a shiran ku.

2 Korintiyeku 11:3

Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

Galatiyeku 1:2

Nyeezerem nu̱ke a su̱yen ndu̱ nga fan, kap a qaandi ye tabar ɓu̱ nu̱ mbu Yesu ku nu̱ke a Galatiya.

Galatiyeku 1:6

Nga lazham ɗyi nu̱ke tun a shiran nang maɗyi. Mbu̱ sarchi koɗomma tun a shim njig njif nu̱ qaki nu nu̱ ku̱nshe mu̱nkir ɓu̱ Masiya ma mbu mewar labar nggur zum.

Galatiyeku 2:14

Nang nggu̱tki, nu̱ shi ɗyi nang ku mbe zhire ɓu̱ Labar Mbarkandang ɓa, tang ze Biturus mbiyiti wor kap, nga za, “To Yakhude nduku, yang kap ndu̱ ta khar viti ɓaaro wa njif nu̱ke ɗya Yakhude nduk ɓa. Yang leendang ta ma ranna nduki nu̱ke ɗya Yakhudeku ɓa ku̱ mbu me ghai ɓu̱ Yakhudeku mu?”

Galatiyeku 3:3

Alapa tun nggu̱bu̱ngan wanang goma? Wonji tun wa nggaasan ndu̱ Jiimbi shakhshakhndi ɗawar ɗo, yang leendang tun a shim lauɗa san ndu̱ komkomi ɓaanu!

Galatiyeku 4:9

Yang nu̱ke tun wa zu̱n Magham leendang, “Aa nu̱ke ɗya Magham zu̱nki nu” Shi kikimndi tun a gaɓ ma mbu̱ shogarku ɓu̱ nduki nu̱ larji nang nu̱ke khukhutan kwang na? Ai, a khar ɗye zhiyaye ku. Nu̱m saki tun a shim gaɓ nu tun kha ma maavi ɓaanda tu̱ka?

Galatiyeku 5:11

Nyeezaku, mbu̱ nga shikya waazu dlarsi ma ɓar meeni, nu̱m saki tu̱ nduki ki vu̱r bonye ya? Mbu̱ nga jiikya su̱ ku̱ aaki dla san nu̱gha, tu̱ga ɓalar mu̱ti ɓu̱ Masiya ɗyin qu̱far kaatli nu̱ke nga shiran nang ɓu̱ kha ma ɗye damta ɓa.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

Afiseku 5:15

Ku̱me nang tun ku̱r vaanu maɗyi mbe khar viti nu̱ke tun a mban. Ku̱ shi nu khar ɓaanu wa nggu̱bu̱ng ku ɓa, shi ma wa nu̱ kaɗari ku.

2 Tasalonikeku 1:8

Ma vu̱r bonye ye nduki nu̱ zhangki zu̱ndi Magham, kom ndu̱ nduki nu̱ zhangki mbu Labar mbarkandi ɓu̱ Zhinerem gwaanji Yesu gha.

1 Timoti 6:4

njif nang ɗya nu̱ gwaari ɗyin, yang nu̱ zu̱n aa nu̱m ɓa. Nu̱ taman ɗyi mbarkandi ɓa a shimkya keele ndu̱ dakhla ɗyine ɓalarku. Ai ɗyi nang ke nu̱ ɓar ndu̱ zhiri ndu̱ dakhla, ndu̱ pu̱ziku ndu̱ tamandi ɗyi malkandiku nu̱ ɗyine nduki,

Yibraniyeku 11:8

Maito saki tu̱ Yibram mbu zu̱r ɓu̱ Magham tu̱ ku̱s njiv ma yir ye maa nggur zum nu̱ shiki alqawaran yenda za ka ɓa zu̱m ɗye mbu̱ ge ni. Tu̱ yang ku̱s njivi aa nu̱ke nu̱ zu̱n ye maa nu̱ke chin a yir su̱ ɓa.

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 4:17

Jiwa sarchi kumar nduki a ɓa. Yang ka nggaasan ndu̱ nduki ɓu̱ Magham. Mbu̱ yang ka nggaasi kumarang ndu̱ chem, ɓu̱ nduki nu̱ zhangki tu̱k Labar mbarkandi na viki she Magham ɗa ka kha kikimndana?

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.

Ɗyin mbu̱ tukari 18:3

Jiwa dlar maa ɓu̱ nduki kap wa za ɗyim anap nu̱ zawar malkandi ɓaran maɗyi. Kujiku nu̱ larji wa shi zawar ndu̱ chin. Tu̱ nu̱ gomarku nu̱ larji shi gu̱nar ve nda nu̱ ku̱nshe wuti me yele ɓaran nu̱ peetaki gha.”

Ɗyin mbu̱ tukari 2:20

Yang kap ndu̱ nang wonji ɗyi nu̱ke a nje khara ɗyinoro: ta khar kaɗanyi ndu̱ Jezebel nokhzi nu̱ka qaki varan za chin a mbu̱ annabi. Nu̱ ku̱nshe shogar ɓaran a zala pudeku ɓanga tu̱ ku̱s zawarku ndu̱ zu̱mndi ɗye zu̱mndi nu̱ shiki sadke su̱ ye mu̱lu̱mku.