Galatiyeku 2:9 - Mewar Alqawarang

⁹ Nar mu̱nkir nu̱ Magham shiki ya saki tu̱ Yaqub ndu̱ Biturus ndu̱ Yokhana tlogha san. Wor dlu̱ki nga ndu̱ Barnaba memu̱na wor da wor ke du̱mbu̱r ɓu̱ dlegumeku ɓu̱ tabar nu̱ mbu̱ Yesu ku. Chem wa zu̱ chele ɓaarem nu̱ ɗyine chem ka ɗu̱ she nduki nu̱ke ɗya Yakhudeku ɓa, yang ɓaanda wor ka ɗu̱ she Yakhudeku.

Galatiyeku 2:9 ပူးပေါင်းရင်းမြစ်များ

Matta 16:18

Ngaa zu̱ran yoro, to ke Biturus (ndogdi koɗommandi) yang ngga du̱n nduki nu̱ mbuki nga nu̱ ɗyine ndogdi (gwaanji) nang, nu̱ke mu̱ɗ ɓu̱ gwa zalala ɗyine wor ɓa.

Luka 22:8

Tu̱ Yesu ru̱k Biturus ndu̱ Yokhana za, “Ɗu̱ ma tun a daasa zu̱mndi tabar peetar ɗyinang yerem ma zu̱m mi su̱yen.”

Yokhana 1:42

Tu̱ ɗu̱ ndu̱ chin she Yesu. Tu̱ Yesu nggu̱ti nda tu̱ zu̱ za, “To ke Siman yi ɓu̱ Yokhana, ka qa za Kefas” Nang ke Biturus mban za, “Ndooga.”

Tlu̱nar ɓu̱ Pudeku 12:17

Tu̱ yang Biturus bu ye wor nu̱ kharan za ku̱ kha yit ku, kom tu̱ ndaa su̱ ɗyi nu̱ Magham shiki ta fet nda ɓar mbu̱ zhaaru̱mang. Tu̱ ze wor tu̱k za, “Zu̱ ma ɗyi nang ye Yaqub ndu̱ ɓeeni nyeezerem.” Kom tu̱ ji tu̱ ɗu̱ ye maa ngguri.

Tlu̱nar ɓu̱ Pudeku 15:13

Qu̱rse wa du̱ng me ɓalarang ku, tu̱ Yaqub dlu̱ men za, “Nyeeza, gwa ma dlu̱mndonu ya.

Tlu̱nar ɓu̱ Pudeku 15:7

Qu̱rse wa shi ɓalarku khang, tu̱ Biturus ji nu̱ viɗi. Tu̱ zu̱ za, “Nyeezaku, tun wa zu̱n nu̱ ɗyine ɗau fara Magham wa daati nga chele ɓaanu, ma ku̱ nduki nu̱ke ɗya Yakhudeku ɓa tu̱k Labar Mbarkandang tu̱ maita ku ku̱n sha.

Tlu̱nar ɓu̱ Pudeku 4:36

Yusufu, nu̱ke ɗya ye me sham ɓu̱ Lawi, khuzi Saipurus, nu̱ Pudekwang ka qaki nda za Barnaba (mban za, nu̱ vu̱rti shokhku̱rokh me bu̱n),

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 12:3

Ku̱me mu̱nkir nu̱ shiki ya, nga zu̱ran ye aaki chele ɓaanu: Ku̱ aaki da ɗyinan tu̱ peeta maa nu̱ke a si ɓa. Me ɓu̱ nang ku̱ aaki kuma ɗyinan viɗ ɗyine vu̱rti zhire nu̱ Magham vu̱rki yenda.

Romeku 15:15

Nga vi ye dalang mbu̱ lagarkati ɓang nang sawa su̱ ɓa, tang shi ɓalar ɗyine ɓeeni ɗyiku ku̱me mu̱nkir nu̱ Magham shiki ya.

1 Korintiyeku 15:10

Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.

2 Korintiyeku 11:5

Nang taman za nduki nun ka qaki wor za “pudeku rututundi” nang wa dukti nga ndu̱ aa nu̱m ɓa.

2 Korintiyeku 12:11

Aa nu̱ke nga gaɓ ndu̱ ɗyina wa nggu̱bu̱ng, tun saki nga. Yang wa ku̱s tu̱ga tun wa makhta nga. Aa nga mbu̱ ɗyi nggur ɓa, “Pudeku rututundi” ɓaanu nang nu̱ dukti nga ndu̱ aa nu̱m ku ɓa.

2 Korintiyeku 8:4

Wor khuɗki rem ku̱ njig mi wor ku̱ shi nda tlu̱nar shaatar nduki ɓu̱ Magham nu̱ke a mbu̱ dlar ghai Yakhudiya.

Galatiyeku 1:16

ku̱ qu̱n nji yita ma zu̱n nga Yi ɓaran Yesu, ma ku̱ shi nga waazu Labar Mbarkandang ye nduki nu̱ke ɗya Yakhudeku ɓa. Yang nu̱ shiki ɗyiku nang ya, nang laɓ sawari she aaki ɓa,

Galatiyeku 1:18

Kom qu̱rse sonyi kunung, tang ɗu̱ Urshalima ma na Kefas chin ke, Siman Biturus. Tang a shi qaandi gwanggu̱m qurmun chem a su̱yen.

Galatiyeku 2:1

Qu̱rse sonyi gwanggu̱m vat tang gaɓ nu̱ Urshalima tu̱k su̱yen ndu̱ Barnaba ndu̱ Titus.

Galatiyeku 2:2

Nga ɗu̱ ku̱me Magham wa wut ya za ɗu̱ nga, nang khu̱lki tang qa dlegumeku ɓu̱ nu̱ mbu Yesu kwang nu̱ konggol tang zu̱ su̱ Labar mbarkandi nang wopaki ye nduki nu̱ke ɗya Yakhude ku ɓa ndang ye wora. Nga shi wanang ku̱me nang shim ku̱ tlu̱nar nang shiki ndu̱ nu̱ke nga shiran kha bam ɓa.

Galatiyeku 6:3

Mbu̱ nduk a da varan za chin ɗyi ngguri, yang ɗya aa nu̱m ɓa, a lambakya varan.

Afiseku 2:20

Wa du̱ngndonu nu̱ ɗyine su̱ du̱ndi nu̱ pudeku ndu̱ annabikwang du̱nki, yang Masiya Yesu ke ndogdi ngginggeetli nu̱ dukki ndu̱ boota mbu̱ du̱ndang.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Kolosiyeku 1:29

Ma ku̱ ɗu̱ma nga tang shi ɗyinang, nga shi bonye tang shi wute, nga tlu̱nar nu̱ du̱mbu̱r maɗyikandi nu̱ Masiya vu̱r ki ya yang a tlu̱nar mbya.

1 Timoti 3:15

Mbu̱ yang wa khubti nga nu̱ gha ku, wa shipa ku̱ zu̱n na ɗyi nu̱ shipaki ku̱ nduki shi mbu̱ rafti ɓu̱ Magham. Nu̱ke nang ke tabar ɓu̱ nduki ɓu̱ Magham nu̱ nyifiri, yang chin ke zaure ndu̱ dlu̱dlarsi zhire tu̱k.

1 Yokhana 1:3

Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.

Ɗyin mbu̱ tukari 3:12

Aaki raki wute ngga gaɓ ndu̱ chin ma zaure mbu̱ rafti ɓu̱ Zhinkir ɓanga. Njif nang ɓu̱ njig ye maaran sar da ɓa. Nga bu̱la dlu̱m Maghamndi ɓanga kom ndu̱ dlu̱m ghai ɓu̱ Maghamndi ɓanga mewar Urshalima, nu̱ke ka ɗa shurki mbu̱ viɗi she Maghamndi ɓanga. Nga bu̱la mewar dlu̱ma nu̱ ɗyine nda tu̱k.