Galatiyeku 2:2 - Mewar Alqawarang

² Nga ɗu̱ ku̱me Magham wa wut ya za ɗu̱ nga, nang khu̱lki tang qa dlegumeku ɓu̱ nu̱ mbu Yesu kwang nu̱ konggol tang zu̱ su̱ Labar mbarkandi nang wopaki ye nduki nu̱ke ɗya Yakhude ku ɓa ndang ye wora. Nga shi wanang ku̱me nang shim ku̱ tlu̱nar nang shiki ndu̱ nu̱ke nga shiran kha bam ɓa.

Galatiyeku 2:2 ပူးပေါင်းရင်းမြစ်များ

Matta 10:16

“Wonji nga ru̱ktonu wa ndu̱ɓangku chele yiɗi gaariku, ku̱me wanang, tun kha ndu̱ kaɗari wa su̱tiku, yang tu̱k tun kha nu̱ song su̱bu̱r wa mbola.

Tlu̱nar ɓu̱ Pudeku 15:12

Tu̱ tabar ndukyang kap kha yit, tu̱ gwa dlu̱mndi wor ye Barnaba ndu̱ Bulus sarchi nu̱ke a zu̱ labar ɗye saidu ndu̱ ɗye lazhamku nu̱ Magham shiki nu̱ ku̱nshe wor chele nduki nu̱ke ɗya Yakhudeku ɓa.

Tlu̱nar ɓu̱ Pudeku 15:2

Nu̱ Bulus ndu̱ Barnaba shiki keele maɗyikandi chele ɓaanda ndu̱ nduki nang. Tu̱ ru̱k Bulus ndu̱ Barnaba su̱yen ndu̱ nduki nggur ku̱ ɗu̱ ku Urshalima she pudeku ndu̱ dle gume ɓu̱ nu̱ mbu Yesu ku, ma ku̱ shi ɓalar ndu̱ wor ɗyine shogar nang.

Tlu̱nar ɓu̱ Pudeku 15:4

Nu̱ khu̱lki ku Urshalima, tu̱ tabar ɓu̱ nu̱ mbu Yesu ku ndu̱ Pudeku ndu̱ dlegumeku ɓaanda gaɗa wora, tu̱ Bulus ndu̱ Barnaba zu̱ ɗyi nu̱ Magham shiki nu̱ ku̱nshe wor kap ye nu̱ mbu Yesu kwang.

Tlu̱nar ɓu̱ Pudeku 18:9

Fu̱ɗa nggur nu̱ virkiri tu̱ Magham qu̱n yiti Bulus mbu̱ zhine yelndi tu̱ ze nda za, “Tu̱k na sawa ɓa, zu̱m guma ndu̱ waazu ɓaaro kha na yit ɓa,

Tlu̱nar ɓu̱ Pudeku 23:11

Nu̱ virkir shiki tu̱ Zhinerem gwaanji ching gha bing ndu̱ Bulus tu̱ ze nda za, “Gu̱n memu̱naro, ku̱me ba wa no saidaki nga mbu̱ ghai Urshalima, to ka saida nga wanang tu̱k mbu̱ ghai Roma.”

Tlu̱nar ɓu̱ Pudeku 5:34

Tu̱ yang Parise nggur nu̱ke dlu̱man za Gamaliyel, ɗya maalu̱m Taurete, nu̱ke aakya na zhaaji ɓaran ji nu̱ viɗi mbu̱ tabar dle gume ɓu̱ Yakhudekwang, tu̱ sa za ku̱ vi ndu̱ ndukyang dam dong.

Romeku 9:16

Nang wa wut nu̱ ɗyine ɗya shimndi ɓu̱ nduk ndu̱ tlu̱nar ɓaran ɓa, ɗya ɗaanar ɓu̱ Magham.

1 Korintiyeku 1:23

Yang ɓaarem chem a wopakya labar ɓu̱ Masiya nu̱ mu̱tki me qu̱far kaatli, ɗyi nu̱ khaki ma ɗye ji sar ye Yakhudeku, tu̱ nduki nu̱ke ɗya Yakhudeku ɓa da ku ma me nggu̱bu̱ng.

1 Korintiyeku 2:2

Ku̱me nga da ye memu̱nara nu̱ ɗyine mbu̱ khar ɓang ndu̱ tunu kap, ngam ɓu̱ shoga ɗyi nggur ye nu ɓa kope ɓalar ɓu̱ Yesu Masiya, yang nu̱ shi wa katli nda gha nu̱ shikya ɓa.

1 Korintiyeku 9:24

Tun wa zu̱n mbu̱ nduki a palam ɗari, chele ɓu̱ nu̱ ɗar kwang, aakya wuta ku̱ peeta nji mu̱dlen, yang nduk kaada ka gwaki ɗye ɓiirang ɓa goma? Ki ma pooni ɗar nu̱ke ka saki tun gwa ɗye ɓiirang ɗo.

1 Korintiyeku 9:26

Ku̱me nang, ɗar nu̱ke nga shiran nang, nga shikya ɗar bamndi ɓa, yang nga ghwatkya khu̱khet ɓa.

2 Korintiyeku 12:1

Aa nu̱ke wuti me wakhti boota su̱ ɓa, yang ngga shi. Nga ma shikya ɓalar leendang ɗyine ɗyiku nu̱ke Zhinerem gwaanji Masiya Yesu wutki ya, wa nga na ɗyen mbu̱ zhine tu̱ yita qu̱n tu̱k tang na ɗyi tukakandi ku.

Galatiyeku 1:12

Nga dlu̱ kha Yesu Masiya mbu̱ zhine yelndi.

Galatiyeku 1:16

ku̱ qu̱n nji yita ma zu̱n nga Yi ɓaran Yesu, ma ku̱ shi nga waazu Labar Mbarkandang ye nduki nu̱ke ɗya Yakhudeku ɓa. Yang nu̱ shiki ɗyiku nang ya, nang laɓ sawari she aaki ɓa,

Galatiyeku 1:6

Nga lazham ɗyi nu̱ke tun a shiran nang maɗyi. Mbu̱ sarchi koɗomma tun a shim njig njif nu̱ qaki nu nu̱ ku̱nshe mu̱nkir ɓu̱ Masiya ma mbu mewar labar nggur zum.

Galatiyeku 2:6

Yang ɓu̱ nduki nu̱ daki wor za ɗya dlegumeku nang, nu̱ shaata aa nu̱m nu̱ ɗyine shogar nang shiki ɓa. (Ye nar ɓanga, aa nu̱zhinakon kikimndan kap da sha. Ku̱me Magham nu̱ka kuma nduk ndu̱ ɗyi nu̱ke nduk a naran dam ɓa).

Galatiyeku 2:9

Nar mu̱nkir nu̱ Magham shiki ya saki tu̱ Yaqub ndu̱ Biturus ndu̱ Yokhana tlogha san. Wor dlu̱ki nga ndu̱ Barnaba memu̱na wor da wor ke du̱mbu̱r ɓu̱ dlegumeku ɓu̱ tabar nu̱ mbu̱ Yesu ku. Chem wa zu̱ chele ɓaarem nu̱ ɗyine chem ka ɗu̱ she nduki nu̱ke ɗya Yakhudeku ɓa, yang ɓaanda wor ka ɗu̱ she Yakhudeku.

Galatiyeku 5:7

Tun a ɗar mbarkandi gumapaali. Yang ki zhaki nu̱ gume nu mbe mburi zhiryang na?

Filipiyeku 2:16

Kha ma ma yarang nu̱ke a wuti, tun khuɓ ɓalar nu̱ka vu̱rki nyifiri nang maɗyi, ngga shi wakhti ye Fu̱ɗar nu̱ke Masiya ka ɗa gaɓki ku̱me nang shi wute tang za bonye bam ɓa.

Filipiyeku 2:29

Gaɗa ma nda ndu̱ kashar maɗyi ku̱me Zhinerem gwaanji. Tun vu̱r zhaaji ye pooni nduki nang wa nu̱ shipaki,

1 Tasalonikeku 3:5

Nang ke ɗyi nu̱ saki nang kanaɗa ɓa, tang ru̱k ma tu̱k nga labar maito ɓaanu. Nga sawa ku̱ nu̱ lambar nang, chin Sheɗan lamba nu, ku̱ tlu̱nar ɓaarem kha bam ɓa.

2 Timoti 4:7

Nga shi wute mbarkandi, nga woɗa ra wute, nga khuɓ du̱ngdi maito nu̱ vu̱rki du̱ngdan ya nu̱gha mbari.

Yibraniyeku 12:1

Ku̱me nang, nu̱ke tabar ɓu̱ nu̱ saiduku khang maɗyi a nje kararan ndu̱ chem, bu ku̱ mbuk mi kap ɗyi nu̱ke ka nggu̱tlki rem ɗar gha, ndu̱ aa nyi solar nu̱ takhshaki rem nu̱ gha. Chem shi ɗar nu̱ke a gume rem nang ndu̱ shokhku̱rokh me bu̱n.