Galatiyeku 2:16 - Mewar Alqawarang

¹⁶ Yang chem wa zu̱n nu̱ ɗyine nduk ɓu̱ kha waare sola gume Magham nu̱ ku̱nshe mburi Bibitang ɓa, kope wa maita Yesu Masiya. Ku̱me nang chem wa vu̱r vaarem ye Masiya Yesu. Chem shi wanang ma ku̱ kha mi waare sola gume Magham nu̱ ku̱nshe dlar vaarem nu̱ ve Masiya, nyem mbu nu̱ ku̱nshe mburi Bibitang ɓa. Ku̱me nduk a nje nu̱ke ka khaki waare sola gume Magham nu̱ ku̱nshe mburi Bibitang ɓa.

Galatiyeku 2:16 ပူးပေါင်းရင်းမြစ်များ

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Tlu̱nar ɓu̱ Pudeku 4:12

“Yang gwar ɗanar a nje nu̱ ku̱nshe njif nggur zum ɓa, ku̱me nu̱ vu̱r dlu̱m nggur ye njif nggur mbu̱ larji nang za nduk ka gwa ɗana nu̱ ku̱nshe nda shwat ɓa.”

Romeku 1:17

Jiwa chin wutki dambi na viki she Magham, yang nduk ka gwa dambi nang nu̱ ku̱nshe maitaran vu̱ nggarsan ma yir she lauɗarsan. Ba wa nu̱ke a nje bu̱laran za, “Nu̱ dambi, ka ɗana mbe maito ɓaran.”

Romeku 3:30

ku̱me Magham kaada, ka sa tu̱ nduki nu̱ke su̱ wor dlaran gwa khar waare sola gume nda nu̱ ku̱nshe maito. Wanang tu̱k, nduki nu̱ke su̱ wor dlaran ɓa ka gwa khar waare sola gume Magham nu̱ ku̱nshe maito dandi nang.

Romeku 4:2

Mbu̱ Yibram gwa khar waare sola nu̱ ku̱nshe tlu̱narku ɓaran, nang wa wut nu̱ ɗyine wa gwa ɗyi nu̱ke ka shiki me wakhti si, yang ɓu̱ shi gume Magham ɓa.

Romeku 4:24

Bu̱la nang ku̱me chem, chem nu̱ke Magham ka ɓa shigaki rem nu̱ mbu̱ nu̱ dambi ku, chem nyem maitaki njif nu̱ jiiki ndu̱ Yesu Zhinerem gwaanji ɓar mbe mu̱ti.

Romeku 8:3

Jiwa Magham wa shi ɗyi nu̱ke Bibitang nu̱ ɗu̱ma shiran ɓa ku̱me tu̱ɓti ɓu̱ nduku mbe ɗye shir ɓaran. Magham a ru̱kkya Yi ɓaran mbu̱ shipar ɓu̱ man vaarem nu̱ka shiki solar nang, ma ku̱ kha ma sadke ku̱me solar ɓaarem, tu̱ gu̱ɗa zalale ɓu̱ sola nu̱ gha mbu̱ man va.

Romeku 9:30

Yang chem ka zu̱ nyem za nu̱m ɗo? Nduki nu̱ke ɗya Yakhudeku ɓa nu̱ laɓ khar ma nu̱ dambu gume Magham ɓa, yang tu̱ gwa ku. Khar ma nu̱ dambu gume Magham nu̱ gwaki ku nang, ɗya pooni khar dambi nu̱ke nduk ka gwaki nu̱ ku̱nshe maito.

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

Galatiyeku 4:5

ma ku̱ dli ɗyin nduki nu̱ke a mbu̱ bu̱n Bibitang, tu̱ gaɓ ndu̱ wor ma qusonggi ɓu̱ Magham.

Galatiyeku 5:4

Tun nu̱ke tun a shim gwa nu khar waare sola gume Magham nu̱ ku̱nshe mbu Bibitang, tun wa vi ɓar mbe mbu Masiya. Tun wa zhang mu̱nkir ɓu̱ Magham gha.

Filipiyeku 3:9

tang khan mbe nda tu̱k. Yang ku̱me dambi ɓang mbe mbu Bibiti ghaari ghai ɓa, kope nu̱ ku̱nshe dambi nu̱ nduk ka gwaki nu̱ ku̱nshe maito mbe Masiya, nang ke dambi nu̱ke nduk ka gwaki she Magham mbe maito.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Biturus 2:24

Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.

Ɗyin mbu̱ tukari 7:9

Qu̱rse nang, nang nggu̱tki tang na tabar ɓu̱ nduki khang ku̱na shiga. A vi mbu̱ aa nyi pooni dlar maa ku, ndu̱ pooni nduki, ndu̱ nduki, ndu̱ me ghaiku, chingndan gha ku gume zhakhɗyang kom ndu̱ gume Ye gamndang. Wa sa luktiku ɓongndi, khubtan nu̱ me bu̱n qu̱far jipu̱no mbu̱ khar wora.