Galatiyeku 2:11 - Mewar Alqawarang

¹¹ Sarchi nu̱ Biturus a ɓa ki Antakiya, nyem gamaki yiti nu̱ yiti tang shi ɓalar ve nda, ku̱me wa shi ɗyi nu̱ke torop ɓa.

Galatiyeku 2:11 ပူးပေါင်းရင်းမြစ်များ

Matta 16:23

Tu̱ Yesu mbu̱m tu̱ ze nda za, “Ɗu̱ ɓar ya fan, Sheɗan! Ta khar ndogdi ji sar sha, ku̱me ta shikya kwaari ɓu̱ nduku, no shi kwaari ɓu̱ Magham ɓa.”

Yokhana 1:42

Tu̱ ɗu̱ ndu̱ chin she Yesu. Tu̱ Yesu nggu̱ti nda tu̱ zu̱ za, “To ke Siman yi ɓu̱ Yokhana, ka qa za Kefas” Nang ke Biturus mban za, “Ndooga.”

Tlu̱nar ɓu̱ Pudeku 11:19

Yang tu̱ nu̱ mbu Yesu ku nu̱ lakhtaki ku̱me bonye na viki ku̱me tlaghar Istafanusang ɗu̱ mbu̱ dlar ghai Fonishiya, ndu̱ Saipurus ndu̱ ghai Antakiya tu̱ ki waazu ɓalar ɓu̱ Magham ye Yakhudeku ɗyenda.

Tlu̱nar ɓu̱ Pudeku 11:20

Yang tu̱k ba, ɓeeni nu̱ mbu Yesu ku a nje na viki Saipurus ndu̱ Sariyan nu̱ ɗu̱ki Antakiya tu̱ shi ɓalarku ye Gu̱rik ku, tu̱ zu̱ Labar Mbarkandi ɓu̱ Zhinerem gwaanji Yesu ye wor tu̱k.

Tlu̱nar ɓu̱ Pudeku 11:22

Tu̱ labar ɓu̱ ɗyi nu̱ ɗatlki Antakiya vi nu̱ mbu̱ dlu̱mndi nu̱ mbu Yesu ku nu̱ Urshalima. Tu̱ nu̱ mbu Yesu kwang ru̱k Barnaba ku̱ ɗu̱ Antakiya.

Tlu̱nar ɓu̱ Pudeku 11:27

Ye sarchi nang, tu̱ annabiku na viki Urshalima a ɓa Antakiya.

Tlu̱nar ɓu̱ Pudeku 15:1

Tu̱ nduki nggur na viki Yakhudiya ta ɓa ku Antakiya tu̱ ki shogar ye nu̱ mbu̱ Yesu ku a zu̱ran ku za, “Mbu̱ nu̱ dla sonu nu̱ gha ba wa nu̱ me ghai ɓu̱ Musa zu̱kyang ɓa, tun ɓu̱ gwa ɗana ɓa.”

Tlu̱nar ɓu̱ Pudeku 15:5

Tu̱ yang nu̱ mbu Yesu ku nggur nu̱ke a mbu̱ tabar ɓu̱ Parisekwang ji nu̱ viɗi tu̱ zu̱ ku za, “Wa ku̱s ku̱ dla su̱ nduki nu̱ke ɗya Yakhudeku ɓa nu̱ mbuki Yesu ku nu̱gha, tu̱ sa wor ku khutlo wopar ɓu̱ Musa.”

2 Korintiyeku 11:5

Nang taman za nduki nun ka qaki wor za “pudeku rututundi” nang wa dukti nga ndu̱ aa nu̱m ɓa.

2 Korintiyeku 12:11

Aa nu̱ke nga gaɓ ndu̱ ɗyina wa nggu̱bu̱ng, tun saki nga. Yang wa ku̱s tu̱ga tun wa makhta nga. Aa nga mbu̱ ɗyi nggur ɓa, “Pudeku rututundi” ɓaanu nang nu̱ dukti nga ndu̱ aa nu̱m ku ɓa.

2 Korintiyeku 5:16

Ku̱me nang chem wa njig nggu̱t nduk mbu̱ manva wa nu̱ke nduk larji ka shiki, aa nu̱ke chem wa nggu̱t Masiya wanang zhu ɗau fara, yang gana chem ɓu̱ nggu̱ti nda nu̱ mbu̱ wanang tu̱k ɓa.

Galatiyeku 1:18

Kom qu̱rse sonyi kunung, tang ɗu̱ Urshalima ma na Kefas chin ke, Siman Biturus. Tang a shi qaandi gwanggu̱m qurmun chem a su̱yen.

Galatiyeku 2:14

Nang nggu̱tki, nu̱ shi ɗyi nang ku mbe zhire ɓu̱ Labar Mbarkandang ɓa, tang ze Biturus mbiyiti wor kap, nga za, “To Yakhude nduku, yang kap ndu̱ ta khar viti ɓaaro wa njif nu̱ke ɗya Yakhude nduk ɓa. Yang leendang ta ma ranna nduki nu̱ke ɗya Yakhudeku ɓa ku̱ mbu me ghai ɓu̱ Yakhudeku mu?”

Galatiyeku 2:5

yang nyem vu̱r zalale ni ye wor sar da ɓa, ma ku̱ zhire ɓu̱ Labar mbarkandi nang kha gha su̱yen ndu̱ tunu.

Galatiyeku 2:7

Yang wa na tlu̱nar nu̱ Magham vu̱rki ya ku, nu̱ wopar Labar mbarkandi ye ku̱rjiku nu̱ke su̱ wor dlaran ɓa, ba wa nu̱ vu̱rki ye Biturus ku̱ shi ye Yakhudekwang.

Galatiyeku 2:9

Nar mu̱nkir nu̱ Magham shiki ya saki tu̱ Yaqub ndu̱ Biturus ndu̱ Yokhana tlogha san. Wor dlu̱ki nga ndu̱ Barnaba memu̱na wor da wor ke du̱mbu̱r ɓu̱ dlegumeku ɓu̱ tabar nu̱ mbu̱ Yesu ku. Chem wa zu̱ chele ɓaarem nu̱ ɗyine chem ka ɗu̱ she nduki nu̱ke ɗya Yakhudeku ɓa, yang ɓaanda wor ka ɗu̱ she Yakhudeku.

1 Timoti 5:20

Yang nduki nu̱ shiki sola, to wu wor gume nduki, ma ku̱ ɓeenan tu̱k sawa.

Yaqub 3:2

Ku̱me kap ɓaarem chem wa ka shi zop ve njivku zum zum. Mbu̱ yang nduk nu̱ ka shi zop mbe ɓalar ɓaran ɓa, njif nang ɗya njif nu̱ke nyeedlan, wa ka ɗu̱ma ku̱s varan guma da.

Yakhuda 1:3

Raptaku nu̱ke nga ndolaran, aa nu̱ke nga kasha bu̱laran ye nu ɗyine ɗanar ɓaarem nang. Yang qu̱rsan tang na wa ku̱s ku̱ bu̱la nga ye nu tang khutonu ku̱ shi nu wute maɗyi, ku̱me ɓalar maito ɓaarem nu̱ Magham saki nu̱ mbu̱ khar nu̱ mburi nda ku, sar kaada ye kharki.