Galatiyeku 1:7 - Mewar Alqawarang

⁷ Ai, Labar mbarkandi nggur a nje zum ɓa. Shwat nduki a nje nu̱ke a rokhdla nu nu̱ mbu̱ yen, a shim nggoɗ nda zhire ɓu̱ Labar mbarkandi ɓu̱ Masiya nu̱gha.

Galatiyeku 1:7 ပူးပေါင်းရင်းမြစ်များ

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Tlu̱nar ɓu̱ Pudeku 13:10

tu̱ zu̱ za, “To yi ɓu̱ Sheɗan! Nu̱ zhangndi ɗyi nu̱ke toropndi! To nyeedlan ndu̱ nyiglar maari, ndu̱ mu̱na ɗyenda. Tom njig su̱bu̱r njiv toropndiku ɓu̱ Magham nu̱gha de?

Tlu̱nar ɓu̱ Pudeku 15:24

Chem wa gwa labaran za nduki nggur chele ɓaarem wa da khangkal ɓa nun viɗi tun damta nu̱ ku̱nshe ɓalarku nu̱ shiki ku, aa nu̱ke chem vu̱rki zalaleni ye wor ɓa.

Tlu̱nar ɓu̱ Pudeku 20:30

Aa chele ɓaanu ɓeeni nduki kaɗa vi tu̱ zu̱ shim nggoɗ zhire ku nu̱ gha, ma ku̱ dut nu̱ mbu Yesu ku nu̱ she wora.

2 Korintiyeku 11:13

Pooni nduki nang ɗya pude zhirekandi ku ɓa, ɗya nu̱ tlu̱nar wollo ku. Tu̱ ka mbu̱m vaanda wa wor pudeku ɓu̱ Masiya.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 4:2

Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

Galatiyeku 1:6

Nga lazham ɗyi nu̱ke tun a shiran nang maɗyi. Mbu̱ sarchi koɗomma tun a shim njig njif nu̱ qaki nu nu̱ ku̱nshe mu̱nkir ɓu̱ Masiya ma mbu mewar labar nggur zum.

Galatiyeku 2:4

Ɓalar ku̱ nduk dla san nu̱gha nang a vi she nduki nu̱ kotaran ku za wor nyeezerem, nu̱ ɗa viki nu̱ chele ɓaarem mbu̱ tuka. Yang a vi ku ma su̱bu̱r dli ɗyin nyem gwaki nu̱ ku̱nshe Masiya Yesu nu̱ gha. A shim gaɓ ndu̱ chem ku ma maava,

Galatiyeku 4:17

Nduki nu̱ shogar wollo ku nang a shim gwa ɗyinonu, yang a ku̱rkya ɗyi mbarkandi ndu̱ tun ɓa. A shimkya shakh chele ɓaarem, ma ku̱ memu̱na nu gaɓ nu̱ she wora.

Galatiyeku 5:10

Yang kap ndu̱ nang nga maita nu. Khar ɓaarem mbe tlu̱nar ɓu̱ Zhinkir gwaanji saki tang maita nu̱ ɗyine tun ɓu̱ da ɓalar ɓu̱ njif nggur tu̱ duk ɓang ɓa. Yang njif nu̱ke a ɓar ndu̱ rokhdlar nang ka gwa kumari, aa nu̱zhin ɗya ki.

Galatiyeku 5:12

Ai, nga shim tu̱ga ku̱ nduki nu̱ke a rokhdla nun mbu̱ yen nang zu̱m guma ku, tu̱ mi su̱ wor nu̱gha guma da!

Galatiyeku 6:17

Qu̱rse nang, ku̱ aaki damta nga ndu̱ ɗyi nggur tu̱k ɓa, ku̱me chiɓir mbirku nu̱ke a vya wa wut nu̱ ɗyine nga maavi ɓu̱ Yesu.

2 Timoti 2:18

ku̱me wa ngga njiv zhire ku gha a zu̱ran ku za, ai, Magham wa woɗa ji ndu̱ nduki ɓar mbe mu̱ti, a tlagha maito ɓu̱ ɓeeni nduki.

1 Yokhana 2:26

Nga bu̱la ɗyikunang ye nu nu̱ ɗyine nduki nu̱ke a shim lamba nu ma gal nu gha.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

2 Yokhana 1:10

Mbu̱ yang njif nggur a ɓa tu̱ shoga ɗyi nggur ɓar zum ndu̱ shogar nang, dlu̱ nu nda nu̱ kaa ɓaanu ɓa, shi nu leya ɓar yenda ɓa.

2 Yokhana 1:7

Nu̱ lambar nduki khang a vi ku, tu̱ lakhtan aa fu̱n mbu̱ larji. Nu̱ maita ku za Yesu Masiya a ɓa mbu̱ larji mbu̱ manva ɓa. Kap nu̱ pooni shogar nang wor ke nu̱ lamba ndu̱ nu̱ zhangndi Masiya.

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 13:14

Tu̱ lamba nduki nu̱ke a nje kharan mbu̱ larji kap ndu̱ ɗye lazham nu̱ vu̱rki zalale ni yenda ku̱ shi me ɓu̱ dlu gaari nu̱ gumapaali nang. Tu̱ dlu gaari nu̱ rapang ze wor za ku̱ du̱ng shipar nggur ma vu̱r zhaaji ye dlu gaari nu̱ ruɓaki nda ndu̱ kaskar tu̱ yang shaanang.

Ɗyin mbu̱ tukari 19:20

Tu̱ yang ku̱s dlu gaarang su̱yen ndu̱ annabi kotame nu̱ shiki ɗye lazhamku me ɓaranang, tu̱ lamba nduki nu̱ke bakhti ɓu̱ dlu gaarang a nje ve worang. Ndu̱ nduki nu̱ gharki ghai ye shipar ɓaranang nu̱ ku̱nshe ɗye lazhamku nu̱ shikyang. Tu̱ ku̱s dlu gaari nang su̱yen ndu̱ annabi nu̱ wollo nang tu̱ mbuk mbu̱r ɓaanda nu̱ nyifi mbu̱ giɗim ɓai nu̱ solfa.

Ɗyin mbu̱ tukari 2:2

Nga zu̱n ɗye shir ɓaaro, ndu̱ khang tlu̱nar ɓaaro ndu̱ kaɗanyi mbe maito nu̱ke ta shiran mbu̱ bonyeku. Nga zu̱n no ka dlu̱ yen ndu̱ nu̱ mu̱narku ɓa. Ta buu nduki nu̱ ka qaki var wor za wor pudeku nggwa, yang wanang ku ɓa, ta gwa ɗya nu̱ wollo ku.

Ɗyin mbu̱ tukari 2:20

Yang kap ndu̱ nang wonji ɗyi nu̱ke a nje khara ɗyinoro: ta khar kaɗanyi ndu̱ Jezebel nokhzi nu̱ka qaki varan za chin a mbu̱ annabi. Nu̱ ku̱nshe shogar ɓaran a zala pudeku ɓanga tu̱ ku̱s zawarku ndu̱ zu̱mndi ɗye zu̱mndi nu̱ shiki sadke su̱ ye mu̱lu̱mku.

Ɗyin mbu̱ tukari 2:6

Yang wonji ma nang kunakiro: Ta shi ɗyi mbarkandi no zhangki ɗye shirku ɓu̱ Nikolatiyekwang gha ba wa nu̱ke nga zhangki.

Ɗyin mbu̱ tukari 20:3

Tu̱ mbukti nda nu̱ mbu̱ ge gargha mboɓongndi nu̱ke tu̱ɓ si ɓaandang. Tu̱ za menang nu̱gha, tu̱ khi nu̱ gha tu̱ dlu̱rɗa nu̱ gha, ma ku̱ lamba dlar maa ku tu̱k ɓa, kope gaanje sonyi du̱pu (1,000) nang wa peeta. Qu̱rse nang ka ngga nda gha me sarchi koɗomma.