Filipiyeku 4:8 - Mewar Alqawarang

⁸ Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

Filipiyeku 4:8 ပူးပေါင်းရင်းမြစ်များ

Matta 22:16

Ta ru̱k nu̱ mbu wor kwang ndu̱ nduki ɓu̱ Khiridus tu̱ ze nda ku za, “Maalu̱m, chem wa zu̱n za to nu̱ zhire, ta shoga kya zhire ɓu̱ ɓalar ɓu̱ Magham ɓara. Aaki wayen shoro, no da njif nggur ndu̱ zhaaji tu̱ duk njif nggur ɓa.

Markus 6:20

Ku̱me Khiridus a sawa Yokhana nu̱ke wa zu̱n za Yokhana ɗya nu̱ jeembu, khar viti ɓaran Shakhshakh, nang ke ɗyi nu̱ saki tu̱ Khiridus khuɓ Yokhana mbari. Wa ka damta maɗyi maɗyi mbu̱ Yokhana ɓalar yenda, yang wa ka tu̱k mu̱ndi ɓalar ɓaran tu̱k ba.

Luka 16:15

Tu̱ yang Yesu ze wor za, “Tun kya shim wutan ye nduki za tun nu̱ jeembu, yang Magham wa zu̱n memu̱na nu. Ɗyi nu̱ke nduki a shimndan maɗyi ɗya ɗye zhaana she Magham.

Luka 2:25

Yang ku̱maandi nggur a nje Urshalima dlu̱man za Simiyon, ɗya nu̱ jeembu ndu̱ komkomi ghaari ghai ye Magham. A bu ɓar ɓu̱ Masiya ma du̱ng memu̱na Israila, Jiimbi shakhshakhndang nje ɗyine nda.

Luka 23:50

Yang tu̱k, khuski nggur a nje nu̱ke ɗya nduk mbarkandi nu̱ jeembu dlu̱man za Yusufu, ɗya da chele nu̱ vu̱rti sawari ɓu̱ Yakhudekwang.

Yokhana 7:18

Njif nu̱ke a shoga ɗyi nu̱ke ɓaran ɓara, a shimkya gwar zhaaji she nduki. Yang njif nu̱ke a shim ku̱ njif nu̱ ɗa ru̱kki nda gwa zhaaji, chin ke nu̱ shir zhire, yang nu̱ka shi song zhire ɓa.

Tlu̱nar ɓu̱ Pudeku 10:22

Tu̱ zu̱ ku za, “Ɗya gorkir soje Rome nggur a ru̱kki rem, dlu̱man za Korneliyus. Ɗya nu̱ jeembu, nduk mbarkandi nu̱ sawar Magham, Yakhudeku kap a na zhaaji ɓaran. Yang nu̱ ru̱kti na viki she Magham zu̱ki yenda za ɗu̱ na kaa ɓaran chin tu̱k ɗyi nu̱ke to ka zu̱ki.”

Tlu̱nar ɓu̱ Pudeku 22:12

“Tu̱ khuski nggur dlu̱man za Khananiya a ɓa sha. Ɗya nu̱ ghaari ghai ye Magham nu̱ mburi wopar ɓaarem mbari, Yakhudeku nu̱ke a fara a kuna nda ku.

Tlu̱nar ɓu̱ Pudeku 6:3

Ku̱me nang nyeezaku, dat ma nduki mut chele ɓaanu nu̱ke nyeedlan ndu̱ Jiimbi shakhshakhndi ndu̱ kaɗari. Chem ka vu̱r tlu̱nar nang nu̱ mbu̱ khar wora.

Romeku 13:13

Bu ku̱ khar viti ɓaarem kha mbari wa nu̱ shipaki nduki nu̱ke a khar mbu̱ yarangi. Waare nggar zu̱mndi ku bam bam ndu̱ kuyari, ndu̱ zawar ku ndu̱ tlu̱nar ɗye zhaane ku nu̱ song kawa, ndu̱ dakhlari ndu̱ ɓar nu̱ shakhti ɗyin ndu̱ zhiri.

Romeku 13:3

Jiwa nu̱ kwaaɗarku ɗya ɗye sawa she nduki nu̱ke a shi ɗyi mbarkandi ɓa, buka nduki nu̱ke a shi ɗyi galkandi ka tu̱kki sawa. Tun a shim lawa nu mbe tu̱kti sawar ɓu̱ nu̱ kwaaɗa mu? Mbu̱ wanang shi ma ɗyi mbarkandi, chin yang ka makhta nu,

Romeku 14:18

Ku̱me nu̱ ghaari ghai ye Masiya ve njiv nang kap, ɗya nu̱ mu̱ndi memu̱na Magham, wa ka gwa dlu̱r she nduki tu̱k.

Romeku 2:29

Yakhude zhirekandi ke njif nu̱ke ɗya Yakhuda mbu̱ memu̱naran, yang tu̱k dlarsi zhirekandi ke dlarsi nu̱ke a mbu̱ memu̱na nduku, nang ke ɗyi nu̱ Jiimba shiki, ɗya ɗyi nu̱ bu̱lar Bibitang shiki ɓa. Njif nu̱ khaki wanang Magham ke nu̱ kuna nda, ɗya nduk ɓa.

1 Korintiyeku 4:5

Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

2 Korintiyeku 13:7

Chem a khuɗ Magham ku̱ shi nu ɗyi malkandi ɓa, yang tun shi ɗyi mbarkandi, aa nu̱ke nduki ka na wa chem ku̱na ku̱na.

2 Korintiyeku 6:8

Nu̱ ku̱nshe vu̱rti zhaaji nu̱ wuti kata, zu̱r ɗyi malkandi, ndu̱ zu̱r ɗyi mbarkandi nu̱ ɗyinerem, chem nu̱ zhire yang a daran ku wa chem a shingga vaarem nu̱ ɗyine wora.

2 Korintiyeku 8:18

Chem a ru̱kti nda ku̱ ɗa ɓa she nu su̱yen ndu̱ mu̱dlerem nu̱ke aa nyi tabar ɓu̱ nu̱ mbu Yesu ku a kuna nda ku̱me wopar Labar Mbarkandang.

2 Korintiyeku 8:21

Chem a ranna vaarem ku̱ shi mi ɗyi nu̱ke Magham ka tu̱kki mu̱ndan, tu̱ nduki kasha tu̱k.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Afiseku 4:25

Ku̱me nang tun shakh ɗyinonu ndu̱ kotama! Tu̱ aaki ki zu̱ zhire ye nu̱ bing ɓaran, ku̱me chem me bar ɓu̱ yen ɗo.

Afiseku 5:9

(ku̱me yarang ke nu̱ vu̱r boote maɗyikandi mbe tlu̱nar mbarkandi, ndu̱ khar dambi, ndu̱ ɓalar zhire)

Afiseku 6:14

Ku̱me nang, ching ma gha ndu̱ du̱mbu̱r ɗo, tun gu̱n wudlonu nu̱ gha ndu̱ zhire, ku̱ dambi kha ma lukti vi nu̱ kanggar memu̱nanu.

Filipiyeku 3:1

Ye lauɗar san, nyeezaku, shi ma kashar mbe Zhinerem gwaanji. Bu̱lar ɗyiku nang ye nu nu̱ kha ma ɗye damta ya ɓa. Yang wonji ka kha ndu̱ boota ye nu mbe maito ɓaanu.

Kolosiyeku 4:5

Mbe khar ɓaanu ndu̱ nduki nu̱ke ɗya nu̱ mbu Yesu ku ɓa, tun shi aa nu̱m ndu̱ kaɗari, tun a boote ndu̱ aa nyi zalale nu̱ke a kha nu.

1 Tasalonikeku 4:12

Shir wanang ka sa tun kha ndu̱ zhaaji gume nduki nu̱ke ɗya nu̱ mbu Yesu ku ɓa, tun ɓu̱ kha ma shipit ye aaki zum ɓa.

1 Timoti 2:2

Tun shi wanang tu̱k ye kujiku ndu̱ nu̱ kwaaɗarku kap, ma ku̱ gwa mi khar mu̱ndi ndu̱ qaandi memu̱nar mbu̱ sawar Magham maɗyikandi ndu̱ khar viti shakhshakhndi ve aa nyi njiva.

1 Timoti 3:11

Ku̱ nusuki ɓaanda tu̱k kha ndu̱ zhaaji, ku̱ kha ma nu̱ gu̱ndi virki ku ɓa, ku̱ ku̱s vaanda tu̱ shi zhire mbe ɗyi nu̱ke a shiran ku kap.

1 Timoti 3:4

Wa ku̱s ku̱ ɗu̱ma khuɓ rafti ɓaran mbari, tu̱ qusonggi ɓaran kha ma nu̱ mburi su̱quran a vu̱r gorkir yenda ve aa nyi njiva.

1 Timoti 4:12

Njig na tu̱ njif nggur ndu̱mndor ku̱me to woi ɓa, yang to kha ma ɗye shoga chele ɓu̱ nu̱ mbu Yesu ku, mbe ɓala, ndu̱ khar viti ɓaaro, ndu̱ wuti ndola, ndu̱ maito, ndu̱ khar viti shakhshakhndi.

1 Timoti 5:10

Wa kha zu̱ndan mbe tlu̱nar ɗyi mbarkandi, wa mola qusonggi ɓaran mbari, ndu̱ dlu̱r runggiku. Kom ndu̱ tlu̱nar shaata ye nu̱ mbu Yesu ku, ndu̱ shaata nduki nu̱ke a mbu̱ damtari, ndu̱ vu̱rti ɗyinan ma shi ɗyi mbarkandi ve aa nyi njiva.

1 Timoti 5:2

geema nusuku wa mankirku, wonkharku wa nyeezoro, ndu̱ shakhshakh memu̱na maɗyi.

Titus 1:8

Me ɓu̱ nang ku̱ kha ma nu̱ dlu̱r runggiku, nu̱ shimndi shir ɗyi mbarkandi, njif nu̱ke ɗyinan ku̱san maɗyi, njif nu̱ke chingndan ɗyine zhire, njif nu̱ke shakhshakh, njif nu̱ke wuran.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Titus 2:2

To shoga ye ku̱mandiku ku̱ kha ma nu̱ lusar memu̱na, ku̱ kha ma ku̱mandiku nu̱ke nduk ka naki zhaaji ɓaanda, nu̱ ku̱si ɗyin ku, ku̱ ching gha mbar mbe maito, mbe ndola ndu̱ gu̱ndi memu̱na.

Titus 2:7

Mbe aa nyi tunu to kha ma nduk nu̱ tlu̱nar ɗyi mbarkandi, tu̱ nduki ka shoga sho ro. To shi shogar ɓaaro ndu̱ ku̱si ɗyin to vu̱r va nu̱ si,

Titus 3:14

Wa ku̱s ku̱ nduki ɓaarem vu̱r ɗyin wor tu̱ shoga tlu̱nar ɗyi mbarkandi, ma ku̱ shi shaatar ku mbu̱ gangndi tun wa ji. Ku̱ shi khar bamnda ku ɓa.

Yibraniyeku 11:2

Maito saki tu̱ nduki zhu gwa dlu̱r she Magham.

Yibraniyeku 13:18

Shi ma barar yerem. Chem wa maita nu̱ ɗyine nu̱ memu̱narem wut za chem wa shi zop ɓa. Chem a shim ku̱ shi mi ɗyi mbarkandi mbe tlu̱nar ɓaarem kap.

Yaqub 1:27

Ghaari ghai nu̱ke wakaran nu̱ zhire she Magham Zhinki, chin ke, ku̱ nduk nggu̱t ku̱du̱wku ndu̱ maryirku mbu̱ bonye nu̱ke a zaran ku, kom ku̱ nduk waka varan ɓar mbe pooni khar viti malkandi nu̱ larji nang.

Yaqub 3:17

Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

1 Biturus 4:8

Guma ndu̱ aa nu̱m, ndola ma yen ndu̱ memu̱na nu da. Ku̱me ndola wa ka lu̱pa ɗyin zop khangndi.

2 Bitu̱rus 3:1

Raptaku nu̱ke nga ndolaran, leendang nang ke lagarkati ɓang nu̱ rap nang ru̱kki ye nu. Yang mbu̱ lagarkati ɓang ku rapndi nang nga bu̱la ɗyiku nu̱ke ka saki nu tun mbu Magham ndu̱ memu̱nar da.

1 Yokhana 3:18

Tun qusonggi ɓang nu̱ke nga ndolaran wut nu ndolar ɓaanu ve me ɗyenda ɓa, wut ma mbu̱ tlu̱nar ɓaanu ndu̱ shir zhire.

1 Yokhana 3:3

Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.